Biblia Todo Logo
Bìoball air-loidhne

- Sanasan -




Jwak 12:11 - Chiyawo Bible

11 Maloŵe ga mundu jwalunda gali mpela yitela yesongole, yele jwakucinga yakusacinjila ngondolo kuti sijende, nipo yakuŵeceta yakwe yiŵayisongenye malo gamo yili mpela misomali jekomedwe mnope. Yakuŵeceta yeleyi yikusatyocela kwa Mlungu, mkucinga jwetu.

Faic an caibideil Dèan lethbhreac




Jwak 12:11
21 Iomraidhean Croise  

Nambo ukunje wa jwalakwe waliji wacile ndaŵi syosope, ligongo Mlungu jwa Yakobo Jwamacili ŵagapele macili makono gakwe. Jwalakwe jwakusamtetela ni kumlolela Isalaeli.


Nambo pakandaŵi keleka, Wawo AMBUJE ŵetu alosisye umbone mtima wawo pakutuleka ŵane ŵa uweji kuti tukajawula ku ukapolo nambo kuti tujinjile ku malo gawo gamaswelaga ni kutupa uwe umi wasambano.


AMBUJE* ali mkucinga jwangu; ngasisoŵa kandu.


Atupikane Ŵalakwe Mkucinga jwa Isalaeli, ŵalakwe ŵakulongolela ŵandu ŵa Yosefe mpela ngondolo. Ŵalakwe ŵakutama pacanya pa akelubi mpela pa citengu cawo ca ucimwene,


nambo soni kuti apikanicisyeje ngopolelo syakusisika sya misyungu ni maloŵe ga ŵandu ŵalunda.


Maloŵe ga mundu jwambone gakusigakamucisya ŵandu ŵajinji, nambo yisilu yikusala ligongo lya ungali lunda.


Mtejele mapikanilo genu, mpikane maloŵe ga ŵandu ŵalunda, ni mtima wenu ukamulicisye masengo yakwiganya yangu kuti mpate umanyilisi.


Maloŵe ga mundu jwalunda gakusasangalasya, nambo maloŵe ga mundu jwakuloŵela gakusajonanga.


Kuli kwambone kuti mundu apikaneje kwamuka kwa ŵandu ŵalunda, kulekangana ni kupikanila nyimbo sya ŵakuloŵela.


Tinjimlimbisya jwalakwe mpela cicili pa citengu cakweco. Nipo taciŵa jwakwikasya ucimbicimbi ku nyumba ja babagwe.


Tacisilanga ngondolo syakwe mpela mkucinga. Tacasonganya ŵanace ŵangondolo ni kwanyakula m'miyala mwakwe. Ngondolo sikwete ŵanace tacisilongolela cenene.


Ana maloŵe gangu nganigaŵa mpela moto, nambo soni mpela nyundo jajikusakasa lwala?


Tinjisiŵicila mkucinga jumo, jwakutumicila jwangu Daudi.* Jwalakwejo ni jutacisisamalilaga soni taciŵa mkucinga jwakwe.


Ayuda ŵajinji ŵa m'makuga ga Afalisi* ni Asaduki* nombe nawo ŵayice kwa jwalakwe kukubatisidwa, nambo Yohane piŵaweni jemanjajo ŵatite, “Jemanja ŵanace ŵa majoka, ana ŵani ŵamkalamwisye kuti mtile cilango ca Mlungu cacikwisaci?


Une ndili mkucinga jwambone. Mpela Atati akumanyilila une nipo soni une ngwamanyilila Atati, yalumo soni une ngusimanyilila ngondolo syangu nombe nasyo sikumanyilila une. Nipo une ngulipeleka kuti mbwe ligongo lya ngondolosyo.


Yesu ŵajanjile kuti, “Ana wawo ngakumanyilila yeleyi kutendaga ali mwalimu jwamkulungwa mu Isalaeli?”


Piŵapikene yeleyi ŵandu ŵala yasawisye mu mtima, nipo ŵamwusisye Petulo ni ŵandumetume ŵane ŵala kuti, “Jemanja, ana sambano uwe tutende cici?”


Pakuti yida yatukukamulicisya masengo pa ngondo jetu nganiyiŵa ya cilambo capasi nambo yida ya macili gakutyocela kwa Mlungu, yele yitukonanjila mapupa gakulicinjila kwa amagongo. Soni tukusajonanga nganisyo sya unami,


Mlungu ŵajimwisye Ambuje ŵetu Yesu ku ŵawe, jwele jwali Jwamkulungwa Jwakucinga ngondolo, ligongo lya ciwa cakusimicisya cilanga* cangali pambesi.


Paja maloŵe ga Mlungu gali ga umi soni gakusakamula masengo mwamacili, gali gakutema mpela upanga wakutema kosekose. Gakusapowola mpaka mwakulumbikanila umi ni msimu, ni soni mwakulumbikanila mbindi ni mawuta ga mawupa. Gakusajamuka atamose yele ŵandu akuganisya ni yakusayisakaga m'mitima jawo.


Nipo pitaciyika Mkucinga Jwamkulungwa, timcipocela mbote ja cisindi cangasuluka.


Lean sinn:

Sanasan


Sanasan