Jwak 12:1 - Chiyawo Bible

¹ Mumkumbucileje soni Mlungu juŵampanganyisye m'mwejo m'masiku genu ga ucanda, mkanigamyicilile masiku gakusakala, soni mkaniyiyice yaka yitimcitiji kuti, “Umi umbesisye.”

Jwak 12:1 Iomraidhean Croise

Genesesi 39:2

AMBUJE* ŵaliji ni Yosefe nipo ŵamkamucisye kuyitenda yindu yosope cenene. Ŵaliji mkutama m'nyumba ja ambuje ŵakwe ŵa ci Iguputo ŵala.

Genesesi 39:23

Jwamkulungwa jwa akayidi nganalolela kandu kalikose kakaliji m'myala mwa Yosefe, ligongo AMBUJE ŵaliji najo Yosefe. Pa cindu cilicose ciŵapanganyaga Yosefe, AMBUJE ŵacipaga upile.

2 Sam 19:35

Sambano jino yaka yangu yikwanile makumi msano ni yitatu. Ana mpaka ngombole kulekanganya yakunonyelesya? Ana jwakutumicila jwawone mpaka ngombole kumanyilila kunong'a kwa yakulya kapena yakumwa? Ana une mpaka ngombole kupikanila kwimba kwa acalume ni kwa acakongwe? Ana ligongo cici une jwakutumicila jwawo ngaŵe msigo wakusitopa wakwapwatika ŵalakwe, ambuje ŵangu?

2 Sam 19:36

Nambo jwakutumicila jwawone tinjende panandi kuti njomboce Yolodani pamo ni ŵalakwe mwenye. Ana akumbelaci mtuka wamti myiyi?

1 Ayi 14:13

Ŵandu wosope ŵa mcilambo ca Isalaeli takalile malilo gakwe, nipo takamsice m'malembe. Pakuŵa mwa ŵandu wosope ŵa mwiŵasa lya Yelobowamu, jwalakwe peju ni jutacisicidwa mwilembe. Ligongo AMBUJE, Mlungu jwa Aisalaeli, amnonyele jwalakwe peju.

1 Ayi 18:12

Nambi mwine une pitindyoce apano, msimu wa AMBUJE tiŵatyosye ŵalakwe apano, kwawula nawo ŵalakwe kumalo kwangakumanyilila une. Sambano patingamsalile Ahabu, nipo pataciyika apano ngasimana ŵalakwe, nditu tacimbulaga une. Akumbucile ŵalakwe kuti une jwakutumicila jwawo, mbele ndili mkwatumicila AMBUJE kutandilila ndili mcanda.

Nehemiya 4:14

Nambo pinaweni kuti ŵanduwo akudandawula, nasalile jemanjajo pamo ni acimlongola ni acakulungwa ŵakulamulila kuti, “Mkasimwajogopa amagongo ŵetuŵa. Mkumbucile kuti AMBUJE ali ŵamacili nambo soni ŵakogoya, sambano mwaputile ngondo acalongo acimjenu, ŵanace ŵenu, aciŵamkwenu, ni nyumba syenu!”

Yobu 30:2

Ana jemanjajo ŵaliji ŵa masengoci kwa une, pakuti jemanjajo ŵaliji macili gawo galiji gali gamasile kala?

Masalimo 119:55

Ngusinakumbucila cilo, ŵalakwe AMBUJE, ngusasunga malamusi gawo.

Masalimo 34:11

Myice ŵanangu, ni mumbikane, ni une tinamjiganye jemanja kwajogopa AMBUJE.

Masalimo 63:6

Pandaŵi jingonile pa cindanda ngusaganisya mnope ya ŵalakwe ngusaganicisya ya ŵalakwe cilo cosope.

Masalimo 90:10

Yaka ya umi wetu yikusakwana makumi msano ni gaŵili, kapena naga kola macili yaka makumi msano ni gatatu, nambo ndaŵi josope jikwamba kuŵa ja yisawusyo ni kulaga; yakayo ngayikukaŵa kumala, ni tukuwa.

Misyungu 22:6

Mumjiganyani cile mwanace litala lyambone lyakuti ajendemo, ni kuti atamose pati acekulwipe ngasatyoka mu lyele litalalyo.

Misyungu 8:17

Ngusinanonyela ŵakusanonyela une, Soni ŵandu ŵakusosasosa une mwakulimbika, tacisimana.

Jwak 11:10

Myoyo mtyosye cilepe yayikumsawusya jemanja m'mitima mwenu, mliŵambasye ku yakumpwetesya jemanja myilu mwenu, pakuti ucanda wenu ngasiwujigala ndaŵi jelewu.

Jwak 11:2

Mgaŵeje yindu yimkwete kwa ŵandu msano ni ŵaŵili kapena kwa ŵandu msano ni ŵatatu, pakuti ngamkumanyilila yiticitendekwa kwa m'mwejo malaŵi.

Jwak 11:8

Mundu naga akwete yaka yejinji, mumleceni asangalale mu yosope. Nambo akumbucileje kuti lisiku line taciwa. Yosope yayikwisayi yili yangali mate.

Yesaya 26:8

AMBUJE, uwe tukusagalondesya malamusi gawo, nipo cembeceyo cetu cili mwa ŵalakwe. Mitima jetu jili jakusosasosa kukumbucila ni kulicimbicisya lina lyawo.

Malilo 3:27

Nipo kuli kwambone kulijiganya kupimilila kweleku tuli ŵa cinyamata.

Daniele 1:17

Kwamba ya acacanda mcece ŵala, Mlungu ŵapelece lunda lwakuti apikanicisye maloŵe ga m'mabuku, nambo soni majiganyo gapenani. Daniele ŵakwete soni lunda lwakugopolela mesomkulola ni sagamisi sya ŵandu.

Hoseya 7:9

Acalendowo akwamala jemanjajo macili acimsyenewo ali ngakumanyilila kandu. Atandite kumela wuli nambo acimsyenewo ngamanyilila cilicose.

Luka 1:15

Jwalakwejo taciŵa jwamkulungwa pameso pa Ambuje. Jwalakwejo ngasaŵa jwakumwa yakumwa mpela finyo kapena cine cilicose cakukolelwesya. Jwalakwejo taciŵa jwakulongoleledwa ni Msimu Ŵaswela kutyocela pa ndaŵi jakupagwa kwakwe.

Luka 18:16

Nambo Yesu ŵaŵilasisye ŵanacewo ni ŵatite kuti, “Mwaleceni ŵanacewo ayice kwa une, mkasimwalekasya pakuti Ucimwene wa Mlungu* uli wa jemanjaji.

Ŵaefeso 6:4

Acinangolo, mkasimwatumbilisyaga ŵanace ŵenu, nambo mwaleleje cenene ni kwajamukaga nipo soni kwajiganyaga mwa Klistu.*

Detulonomo 8:18

Mkakumbucileje ndaŵi syosope kuti AMBUJE Mlungu jwenu, ni ŵakusampa macili gakuti mŵe ŵandu ŵakusicila. Akutenda yindu yeleyi ndaŵi ajino kusosa kwanilisya cilanga ciŵalangene ni acinangolo ŵenu.

2 Timoseo 3:15

nipo soni mkumbucile kuti kutandilila pimwaliji mwanace mwagamanyilile Malemba ga Mlungu, gele gampaka gakombole kumpa lunda lwakulupucila nalo pakulupilila Klistu Yesu.

1 Sam 1:28

Myoyo ni ligongo lyakwe ngumpeleka kwa AMBUJE. Umi wakwe wosope mwanaceju taciŵa jwakwe jwa AMBUJE.” Kaneko wosope ŵenewo ŵalambile AMBUJE kweleko.

1 Sam 16:7

Nambo AMBUJE ŵamsalile Samuele kuti, “Mkasimlola kusalala kapena ulewu wa msingu wakwe, pakuŵa nimkanile jwelejo, ligongo une jwangalamula mpela mwakulamulila ŵandu. Jemanjajo akusalolaga yakusa kwa cilu, nambo une ngusindolaga ya mu mtima.”

1 Sam 2:18

Samuele pa ucanda wakwe ŵapitilisye kwatumicila AMBUJE, ali awete efodi* ja bafuta.

1 Sam 2:26

Mosopemo mcanda jula Samuele ŵapitilisye kukula mu msingu nipo AMBUJE ŵamnonyelaga pamo ni ŵandu ŵakwe.