Jwak 11:9 - Chiyawo Bible

⁹ Acacanda, msangalaleje ni ucanda wenu. Mitima jenu jisangalaleje ndaŵi josope ja ucanda wenu. Elo, mkuyeje yiwukusaka mtima wenu ni yigakulola meso genu. Nambo mkwenela kumanyilila kuti Mlungu tacimlamula jemanja pa yimkutendayi.

Jwak 11:9 Iomraidhean Croise

Genesesi 3:6

Jwamkongwejo ŵaciweni citelaco kuti caliji cakusalala, ni soni kuti yisogosi yakwe yikomboleka kuŵa yakunong'a kulya. Nipo ŵatandite kuyikumbila yisogosiyo kuti alye, ni kuti aŵe jwalunda. Myoyo jwamkongwejo ŵakaŵile yisogosi yine ya mcitelaco ni ŵalile. Ni ŵajigele yine soni kuja kukwapa ŵamkwawo, nipo jwalakwejo ŵalile.

Genesesi 6:2

malayika ga Mlungu galolite kuti ŵanace ŵacakongwe ŵa ŵandu ŵaliji ŵakusalala, ni ŵatandite kulombela jwalijose juŵamsacile.

1 Ayi 18:12

Nambi mwine une pitindyoce apano, msimu wa AMBUJE tiŵatyosye ŵalakwe apano, kwawula nawo ŵalakwe kumalo kwangakumanyilila une. Sambano patingamsalile Ahabu, nipo pataciyika apano ngasimana ŵalakwe, nditu tacimbulaga une. Akumbucile ŵalakwe kuti une jwakutumicila jwawo, mbele ndili mkwatumicila AMBUJE kutandilila ndili mcanda.

1 Ayi 18:27

Ndaŵi ja musi Eliya ŵatandite kwaseka jemanjajo, ni ŵasalile kuti, “Mpopele mwagumila, ana ngati mkuti jwelejo ali mlungu! Mwine mwakwe gamtupile masengo, kapena apite kwine kuja kulikamucisya, mwine ali pa ulendo, kapena mwine ali mlugono, nipo mkwenela kumjimusya.”

1 Ayi 22:15

Mikaya piŵayice pameso pa Mwenye Ahabu, mwenyewo ŵamwusisye jwalakwejo mwakwesya maloŵe kuti, “Mikaya, ana Mwenye Yehoshafati ni une tujawule kuputa ngondo ku Lamoti, kapena iyayi?” Mikaya ŵajanjile kuti, “Ajawule! Takapunde pa ngondo jeleji. AMBUJE takawupelece msindawo kwa ŵalakwe mwenye.”

Yobu 31:7

Naga ndesile kwenda mu litala lyakwe, soni naga mtima wangu ukukumbila yindu mu litala lyakulemwecekwa, soni naga mbanganyisye cindu cakusakala cilicose,

Masalimo 81:12

Myoyo nalesile ni mitima jawo jangapikanajo. Kuti akuye yiŵayisakaga.

Jwak 12:1

Mumkumbucileje soni Mlungu juŵampanganyisye m'mwejo m'masiku genu ga ucanda, mkanigamyicilile masiku gakusakala, soni mkaniyiyice yaka yitimcitiji kuti, “Umi umbesisye.”

Jwak 12:14

Mlungu tacipeleka cilango pa yitendo yetu yili yose, yambone kapena yakusakala, atamose yindu yiyatendedwe pacisyepela.

Jwak 2:10

Nakwete cilicose cinasakaga. Nganinalijima namsyene yakusangalasyayo, pakuti mtima wangu ŵasangalalaga ni masengo gangu gosope ginagakamwile, nipo jeleji jaliji mbote jangu.

Jwak 3:12

Ngumanyilila kuti kwa mundu pangali soni cindu cine cambone kupunda kutama mwakusangalala pa ndaŵi jituli cijumi.

Jwak 3:17

Myoyo une natandite kuganisya mu mtima mwangu kuti, Mlungu tacapa cilango ŵandu wosope ŵambone ni ŵakusakala, pakuti jwalakwejo jwaŵisile ndaŵi jakutendela cindu cilicose ni masengo galigose.

Jwak 6:9

Kuli kwambone gambaga kuyilola yinduyi ni meso kulekangana ni kuyisakaga mu mtima. Yeleyi yili yangali mate.

Jwak 7:14

Naga yindu yikumjendela cenene, msangalaleje, nambo naga yikwika yisawusyo mgambeje kumbucila kuti, Mlungu akusatumisya lukondwa ni yisawusyo; kuti mkamanyilila yiticitendekwa msogolo.

Yelemiya 23:17

Akusapitilisya kwasalila ŵandu ŵakusanyosya une kuti, ‘Yindu tiyicimjendela cenene.’ Kwa ŵele ŵali ŵakucalamandala mitima akusiŵasalila kuti, ‘Cakusawusya cilicose ngasicimyicilila m'mwejo.’ ”

Yelemiya 7:24

Nambo ŵanduwo nganapikanila, nganasamala kose, myoyo ŵapitilisye kuŵa ŵangapikanila ni mitima jawo jakusakala. Jemanjajo ŵalolaga ya mu nyuma ngaŵa ya msogolo.

Malilo 3:27

Nipo kuli kwambone kulijiganya kupimilila kweleku tuli ŵa cinyamata.

Numeli 15:30

Nambo mundu jwalijose jwakutenda ulemwa mele, kanga ali msyene jwa cilamboco kapena mlendo, atesile ulemwa wakusisyana ni AMBUJE pangapikanila malamusi gawo, nipo tacimwulaga,

Numeli 15:39

Mbonjisyo tisiciŵa yimanyisyo yawo, ndaŵi jilijose jakusiwona tacigakumbucila malamusi gangu ni kugapikanilaga, ni myoyo jemanja ngisatyoka kose kwa une ni kukuya yakusosa ya mitima jawo ya ulemwa.

Numeli 22:32

Lilayikalyo lyamwusisye Balamu kuti, “Ligongo cici mumputile bulu jwenu katatu kose camti myiyi? Une mbice kukumwugalila m'mwejo litala, ligongo nginimŵajilwa kuwutenda wele ulendowu.

Matayo 5:28

Yambone, nambo une sambano ngumsalila kuti, mundu jwalijose jwakumlolecesya jwamkongwe ni kumkumbila, atesile najo kala cikululu mu mtima mwakwe.

Luka 12:19

Kaneko tinjijila mu umi ŵangu kuti, Umi wangu mkwete yindu yejinji yambone yitiyicimkwanila kwa yaka yejinji. Mpumule sambano, mlye, m'mweje ni msangalaleje!’

Masengo 14:16

Kalakalako Mlungu ŵakundile ŵandu ŵa mitundu josope kuti akuyeje matala gawogawope.

Masengo 24:25

Nambo Paulo piŵaŵecetaga ya umbone mtima, kulilekasya ni kwika kwa Lisiku Lyakulamula. Felikisi ŵatesile woga ni ŵatite, “Jawulagani sambano. Tinamŵilanje soni naga mbate lipesa.”

Ŵaloma 14:10

Nambi m'mweji, ana ligongo cici kumlamula mjenu? Nambi m'mwe, ana ligongo cici kumnyosya mjenu? Pakuti wosope ŵene tucijima pameso pa Mlungu kuti atulamule.

1 Akoli 4:5

Myoyo mkamlamula mundu jwalijose Ambuje mkanayice. Ŵelewo ni ŵitaciyikopocesya pelanguka yosope yakusisika mu cipi, soni tacijuwula nganisyo sya m'mitima ja ŵandu. Pelepo mundu jwalijose tacipocela matogolelo kutyocela kwa Mlungu.

2 Akoli 5:10

Pakuti wosopewe tukwenela kuja kwima pameso pa Klistu* kuti akatulamule. Kweleko jwalijose akapocele yakumjenela, mwakulingana ni yele yiŵatesile pa cilambo capasi cino, yambone kapena yakusakala.

Detulonomo 29:19

Conde mkalamuce, kuti akapagwa mundu jwine jwalijose apano lelo, jwakugapikana gele maloŵega, nambo mu mtima mwakwe ali mganisya kuti, ticimjendelape cenene, atamose ali atesile makani ni kutenda yindu yiliyose yakusaka. Yeleyi ticigamba kumjigalila ŵandu wosopemwe yisawusyo, ŵandu ŵambone ni ŵakusakala wosope tacijonasika.

Ŵaeblania 9:27

Mundu jwalijose akwenela kuwa kampepe basi, panyuma pakwe ni kulamulidwa ni Mlungu.

Yoswa 7:21

Mwa yindu yitwasumwile nawuweni mkanjo wakusalala wa ku Babiloniya, ni makilogalamu gaŵili ga silifa,* ni mtinda wa golidi* wakusitopa kupunda litika lya kilogalamu jimo. Nayisakaga mnope mwakuti nayijigele. Takombolece kuja kuyisima na mkati mwa tenti jangu mwele munayisisile. Pasi pa yindu yineyo, takasimanemo soni silifa.”

2 Petulo 3:7

Nambo Mlungu akulamwile kwinani ni cilambo capasi ca masiku agano kuti yisunjidwe kuti tayijoce ni moto. Akuyisunga mpaka pa lisiku litacilamula ni kwajonanga ŵandu wosope ŵangakusamala ya jwalakwejo.