Jwak 11:8 - Chiyawo Bible

⁸ Mundu naga akwete yaka yejinji, mumleceni asangalale mu yosope. Nambo akumbucileje kuti lisiku line taciwa. Yosope yayikwisayi yili yangali mate.

Jwak 11:8 Iomraidhean Croise

Yobu 10:21

mkaninjawule kumalo kwangakukumanyilila, cilambo ca ŵandu ŵawe, ku cili cipi cakogoya,

Yobu 10:22

ku cilambo ca cipi ni njojo, kulikusasanduka lilanguka kuŵa cipi.

Yobu 14:10

Naga mundu akuwa, mbesi jakwe jikusaŵa jijojo. Ana naga mundujo awile, akusajawulaga kwapi?

Yobu 14:12

myoyo soni mundu akusagona pasi ngajimuka soni, ciwa ni cicoco. Yakwinani tiyicimala jwalakwejo ngasajimuka soni. Pangali jwalijose jutacimjimusya ku lugono lwakwe lwa ciwa.

Yobu 15:23

Akusagambaga kwendajenda palipose, kusosa yakulya ni kutiji kuti, “Ana yakulya yili kwapi?” Jwalakwejo akusamanyilila kuti ndaŵi ja kuwa jiŵandicile.

Yobu 18:18

Tacimtyosya ku cilambo ca ŵandu ŵa cijumi ni kwaponya ku cipi, ni kwatoposya pa cilambo capasi.

Masalimo 49:20

Atamose mundu aŵe jwakusicila camtuli, taciwape mpela yinyama ya mwitinji.

Jwak 11:2

Mgaŵeje yindu yimkwete kwa ŵandu msano ni ŵaŵili kapena kwa ŵandu msano ni ŵatatu, pakuti ngamkumanyilila yiticitendekwa kwa m'mwejo malaŵi.

Jwak 2:15

Kaneko une natandite kuganisya kuti, “Yele yayikusatendekwa kwa ŵandu ŵakuloŵela, iyoyo tiyicitendekwa kwa une soni. Ana mbatile cici pingwete lunda lwesope lwelelu?” Nalijanjile namsyene kuti, “Pangali cimbatile.”

Jwak 2:17

Yeleyi yandendekasisye une kuti nawuŵenje umi, ligongo lyakuti yindu yosope yayikutendekwa pacilambo capasi pano yikusandesya canasa. Yosope yili yangali mate soni kuti uyipikanicisye kuli kwamba kulisawusya.

Jwak 2:19

Ana ŵani ŵakumanyilila kuti mundu jwakwinjila m'malo mwangujo taciŵa jwalunda kapena jwakuloŵela? Nambope jwalakwejo taciŵa jwakulamulila yosope yene yinatesile pa cilambo capasi panoci ni lunda lwangu. Yeleyi soni yili yangali mate.

Jwak 2:26

Mlungu akusapeleka lunda, umanyilisi ni lukondwa kwa mundu jwakusamsangalasya jwalakwejo. Nambo kwa mundu jwa ulemwa, Mlungu akusampa masengo ga kusonganya ni kusunga kuti yapatileyo yipelecedwe kwa mundu jwakumsangalasya Mlungu. Yeleyi soni yili yangali mate, nambo soni kuti uyipikanicisye kuli kwamba kulisawusya.

Jwak 4:16

Mwenye komboleka kwalamulila ŵandu ŵajinji ŵangaŵalanjika, nambo jwalakwejo naga ali awile, pangali jwalijose jutacimtogolela jwalakwejo pa masengo gosope giŵatesile jwalakwejo. Yeleyitu yili yangali mate soni kuli kwamba kulisawusya.

Jwak 4:8

Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Jwak 6:11

Maloŵe naga gakutupa, nombe nayo yangali mate yikusatupa. Nambi mundu tapindulepo cici?

Jwak 6:6

atamose kuti ŵatemi cijumi yaka yejinji ngayiwona yambone. Wosopewo akusajawula ku malo gampepe.

Jwak 7:14

Naga yindu yikumjendela cenene, msangalaleje, nambo naga yikwika yisawusyo mgambeje kumbucila kuti, Mlungu akusatumisya lukondwa ni yisawusyo; kuti mkamanyilila yiticitendekwa msogolo.

Jwak 8:12

Atamose kuti mundu jwakulemwa akusatenda yindu yakusakala yejinji, jwalakwejo akusatama ni umi kwa ndaŵi jelewu. Nambo ngumanyilila kuti, “Naga mkumpikanila Mlungu yindu tiyicimjendela cenene.

Jwak 8:15

Myoyo nguganisya kuti kuli cenene mundu asangalaleje ni umi wakwe, pakuti mundu jwangali cindu cine soni cambone pa cilambo capasi pano kupunda kulya, kumwa ni kulisangalasyaga. Kaneko mundujo taciŵa jwakondwa pa masengo gakwe pa masiku ga umi wakwe, gele Mlungu gampele jwalakwejo pa cilambo capasi pano.

Jwak 9:7

M'mwe mkajogopa, mlyeje yakulya yenu ni mtima ŵakusengwa, pakuti Mlungu ajiticisye kala yimkusatenda.

Yelemiya 13:16

Mwacimbicisye AMBUJE, Mlungu jwenu, mkanaganisye yakwikasya cipi, sajo syenu mkanisikuŵale mu cisisila ca m'matumbi; mkanasandusye lilanguka limkulisosa, kuti kuŵe cipi camnanu.

Yoweli 2:2

Tiliciŵa lisiku lyakogoya ni canasa, lisiku lya mawunde ni lya cipi ca bii. Likuga lya asilikali ŵajinji ŵa ngondo ŵamacili ligambile kuti bii mpela cipi ciciwunicile matumbi. Likuga lyamti myiyi nganiliwoneceje ni kala kose, atamose msogolo muno ngasiliwoneka soni.

Matayo 22:13

Papopo mwenye jula ŵasalile acacanda ŵakwe kuti, ‘Mumtaŵe makono ni ngongolo syakwe ni mkaponye kusa ku cipi. Kweleko takalile ni kulumanya meno.’ ”

Yohana 12:35

Yesu ŵajanjile kuti, “Lilanguka tiliciŵa pasikati pawo kwa kandaŵi panandi. Mpitilisye kwenda mu lilangukali, kuti cipi cikasicimsimana, pakuŵa mundu jwakwenda mcipi jwangamanyilila kwakwawula.

Detulonomo 32:29

Ligongo akaŵe ŵandu ŵalunda akapikanicisye, soni akamanyilile yakomboleka kwagwila.

Yuda 1:18

Jemanjajo ŵatite kuti, “Pa masiku gambesi tikuciyika ŵandu ŵakumnyosya Mlungu, utacikuyaga yakunyalaya ya lisosa lya mtima wawo.”