Jwak 11:5 - Chiyawo Bible

⁵ Muwukusajinjilila msimu mcilu mwa mwanace mcitumbo mwa mamagwe, jemanja ngamkumanyilila. Myoyo jemanja ngaŵa mkupakombola kumanyilila masengo ga Mlungu, mkupanganya jwa yosope.

Jwak 11:5 Iomraidhean Croise

Yobu 37:23

Macili ga Mlungu gali gakogoya mwakuti uwe ngaŵa mkupakombola kumŵandicila jwalakwejo. Jwalakwejo ali jwakulungama ni jwa cilungamo pa ŵandu.

Yobu 38:4

Ana mwaliji kwapi pinapanganyaga cilambo capasi? Naga mkumanyilila musalile.

Yobu 5:9

Uwe ngaŵa mkupakombola kupikanicisya masengo gekulungwa gakusatenda Mlungu nipo yakumasya lunda yakwe yili yangali mbesi.

Masalimo 104:24

Ŵalakwe AMBUJE, masengo gawo gali gamajinji, ŵagapanganyisye gosope mwa lunda; ni cilambo capasi cigumbele ni yindu yiŵayipanganyisye.

Masalimo 40:5

Ŵalakwe AMBUJE, Mlungu jwangu atutendele yakusimonjesya yejinji, ni atukolocesye yambone yejinji ya msogolo. Pangali jwine jwakulandana ni ŵalakwe; naga kuti nayilongosole ni kuyisala ya yeleyo, nganipakombola kuyiŵalanga ligongo lya winji wakwe.

Masalimo 92:5

Masengo gawo gali gamakulungwa Ŵalakwe AMBUJE. Nganisyo syawo sili sya penani mnope.

Jwak 1:13

Mu mtima mwangu nasacile kupikanicisya mnope yosope yene yayikusatendekwa pa cilambo capasi pano. Aga ni masengo gakusawusya giŵatupele Mlungu kuti tutendeje.

Jwak 1:6

Mbungo jikusapujila kum'mwela ni kupujila soni ku mpoto. Jikusapuga mwakusyungulila nipo kaneko jikusawujila kujityocele.

Jwak 11:4

Nambo naga mkudandawula mukuŵelele kwinani, ni ngapanda mbeju, m'mwejo ngasimgowola cilicose.

Jwak 3:10

Nigaweni masengo gapelece Mlungu kwa uwe kuti tukamuleje.

Jwak 3:11

Jwalakwejo ŵapanganyisye cindu cilicose kuti ciŵe cambone mu ndaŵi jakwe. Atupele soni uweji lunda lwakuti tumanyilileje ya msogolo, nambo uweji ngakomboleka kuti tuyimanyilile yosope yene.

Jwak 7:24

Yele yayipali yili kwakutalika, yili yakusokoka mnope. Ana ŵani mpaka apakombole kuyimanyilila yeleyi?

Jwak 8:17

Nagaweni masengo gosope ga Mlungu. Pangali mundu jwa mpaka apakombole kugamanyilila masengo gosope gagakutendekwa pa cilambo capasi pano. Atamose mundu alinjilile camtuli kuti ayimanyilile yeleyi, ngasapakombola. Atamose mundu jwalunda aŵecete kuti akumanyilila yindu, nambo kuli kwangakomboleka kuti jwalakwejo ayimanyilile.

Yesaya 40:28

Ana ngimkumanyilila? Ana nganimpikana? AMBUJE, ali Mlungu jwacitamile jwangamala, juŵapanganyisye cilambo capasi. Ŵangapela kapena kusakalika. Pangali jwakusasimanyilila nganisyo syawo.

Yohana 3:8

Mbungo jikasapujila kujikusosa, jemanja akusajipikana lisegwe lyakwe, nambo ŵangamanyilila kujikusatyocela kapena kujikwawula. Yili myoyo kwa jwalijose jwakupagwa mwa Msimu.”

Ŵaloma 11:33

Cipanje ca Mlungu cili cekulungwa nditu. Lunda ni umanyilisi wakwe yili yakusokoka mnope. Pangali ŵa mpaka alondesye nganisyo syakwe, pangali ŵa mpaka agapikanicisye matala gakwe.