Jwak 11:2 - Chiyawo Bible

² Mgaŵeje yindu yimkwete kwa ŵandu msano ni ŵaŵili kapena kwa ŵandu msano ni ŵatatu, pakuti ngamkumanyilila yiticitendekwa kwa m'mwejo malaŵi.

Jwak 11:2 Iomraidhean Croise

Nehemiya 8:10

Kaneko Nehemiya ŵasalile ŵandu ŵala kuti, “Jawulagani kumangwenu mkalye yakulya yambone ni kumwa yambone yakulyolyopela. Mkagaŵile soni acimjenu ŵikanakola cilicose. Lelo lili lisiku lyeswela lya AMBUJE, myoyo mkaŵa ŵa canasa, pakuti lukondwa lwakusampaga AMBUJE tilucimlimbisya.”

Esitele 9:19

Ali ni ligongo lyakwe Ayuda ŵa m'madela ga m'misi akusakumbucila lisiku lya 14 lya mwesi wa Adala mpela lisiku lyakusangalala ni lya cindimba soni lya kupumula ngakamula masengo. Pa lisiku lyeleli ŵatumicisyanaga mituka ja yakulya kwa jwine ni mjakwe.

Esitele 9:22

Pakuti gelega galiji masiku giŵakulupwice Ayuda kutyocela kwa amagongo ŵawo, nambo soni waliji mwesi wakuti canasa cawo cagalawice kuŵa lukondwa. Ŵasalile soni kuti masiku gelego atendeje cindimba ni kusangalala pakutumicisyana mituka ja yakulya kwa jwine ni mjakwe ni kwa ŵandu ŵakulaga.

Yobu 5:19

Jwalakwejo tacimkulupusya m'mwejo ku yisawusyo ndaŵi syosope,

Masalimo 112:9

Akusapeleka cikamucisyo mwa lulele, akasapeleka mwakoloŵa magasa kwa ŵandu ŵakulaga, kulungamika kwakwe tikuciŵa kwa yaka yosope, taciŵa jwamacili, ŵandu tacimpa ucimbicimbi.

Misyungu 19:17

Mundu jwakusiŵasalalila mtima ŵandu ŵakulaga, akusaŵa mpela akwakongosya AMBUJE, ligongo AMBUJEWO ni ŵitacimwucisya jwalakwe pa yindu yakwe yamboneyo.

Misyungu 6:16

Yipali yindu msano ni cimo yele AMBUJE akusaŵengana nayo, kusyesyene yindu msano ni yiŵili yikusamsakalisya kwabasi; meso gakupoka ni lulumi lwa unami, nambo soni makono gakuwulaga ŵandu ŵangalemwa kose; mtima waganicisya kutenda yindu yakusakalape, makawu gakuwutucila mwacitemape ku yakusakala. Mboni ja unami jakusongona mabosa, soni mundu jwakupanda uŵengani pasikati pa ŵandu ŵakusyoŵekana.

Jwak 11:3

Liwunde lya ula likusayicisya ula, nipo citela cikusagonela kwele kucigwilile.

Jwak 11:8

Mundu naga akwete yaka yejinji, mumleceni asangalale mu yosope. Nambo akumbucileje kuti lisiku line taciwa. Yosope yayikwisayi yili yangali mate.

Jwak 12:1

Mumkumbucileje soni Mlungu juŵampanganyisye m'mwejo m'masiku genu ga ucanda, mkanigamyicilile masiku gakusakala, soni mkaniyiyice yaka yitimcitiji kuti, “Umi umbesisye.”

Daniele 4:27

Ni ligongo lyakwe wawo mwenye, akuye upungu wangu. Alece ulemwa* wawo, atendeje yakulungamika. Ŵatendeleje canasa ŵandu ŵakulaga, kuti mwine ndaŵi ja mtendele wawo ni kuŵa jajilewu.”

Mika 5:5

nipo tipaciŵa mtendele. Asiliya pitacijinjila mcilambo mwetu ni kutanda kumenyana ni uwe, tucatumicisya acimlongola ŵa ngondo ŵamacili msano ni ŵatatu kumenyana nawo.

Matayo 18:22

Yesu ŵamjanjile kuti, “Ngaŵa kasano ni kaŵilipe basi, nambo mpaka kasano ni kaŵili kuculuya ni makumi msano ni gaŵili,

Matayo 5:42

Naga mundu akumŵenda kandu, mumpeje. Soni naga mundu jwine akusaka kwasima kandu kwa m'mwejo, mkasimumkanya.

Luka 17:4

Naga akumlemwecesya kasano ni kaŵili pa lisiku limpepe, ni jwalakwejo akwisa kwenumwe kukumsalila kuti ‘Pepani nimlemwecesye,’ mumkululucileje.”

Ŵagalatia 6:1

Ŵakulupilila acimjangu, naga jwine jwalijose akusimanikwa ali mkutenda ulemwa,* ŵane ŵa jemanja ŵimkulongoleledwa ni Msimu mumkamucisye mundujo ni mtima ŵakulisinga. Nambo mŵe mesope kuti nomwe ŵakwe mtakulinjikwa kutenda iyoyo.

Ŵaefeso 5:16

Mkamulisye cenene masengo ndaŵi jenu jimkwete, ligongo masiku agano gali gakusakala.

Ŵaeblania 13:3

Mwakumbucileje ŵele ŵali mu ukayidi, nipo mŵe mpela kuti mkulaga nawo yalumo mu ukayidimo. Mwakumbucileje ŵele ŵakulaga, nipo mŵeje mpela mkulaga nawo yalumo.

1 Sam 25:8

Gambani kwawusya acimsyenewo, tamsalile. Uwe tuyice pa ndaŵi ajino ja cisangalalo, nipo Daudi akwaŵenda wawojo kuti atupocele cenene. Conde atugaŵile uwe ŵamasengo ŵawo pamo ni mjawo jwakunonyelwa Daudi cilicose cakwete.”