Jwak 11:1 - Chiyawo Bible

¹ Mtendeje yindu mwa lunda nipo lisiku line timcipegwa mbote.

Jwak 11:1 Iomraidhean Croise

2 Sam 17:29

Ŵayice soni ni uci, mkaka wakuwawasa, ngondolo ni mawuta gakulimba ga ng'ombe. Yosopeyi ŵayice nayo kuti Daudi alye pamo ni ŵandu ŵiŵaliji nawo. Jemanjajo ŵatiji, “Ŵandu jakwete sala, apesile soni jakwete njota mcipululumo.”

Misyungu 11:18

Mundu jwakusakala akusapocela malipilo gacabecabepe, nambo mundu jwakutenda yacilungamo akusapocela mbote jisyesyene.

Misyungu 19:17

Mundu jwakusiŵasalalila mtima ŵandu ŵakulaga, akusaŵa mpela akwakongosya AMBUJE, ligongo AMBUJEWO ni ŵitacimwucisya jwalakwe pa yindu yakwe yamboneyo.

Misyungu 22:9

Mundu jwakwete liso lya canasa, AMBUJE tacimpa upile, pakuŵa akusagaŵana yakulya yakwe ni ŵandu ŵakulaga.

Jwak 11:6

Mpandeje mbeju syenu kundaŵi, nipo mkamuleje masengo mpaka ligulo. Pakutipo ngamkumanyilila kuti timcipata cici, ana mbeju aji kapena ajo? Mwine soni mbeju siŵilisyo komboleka kutenda cenene.

Jwak 3:6

Pana ndaŵi jakusosasosa ni ndaŵi jakwasa mwa ngosi, pana ndaŵi jakusunga ni ndaŵi jakwasa.

Yesaya 32:20

Ŵandu tacisengwa mnope ligongo taciŵa ni mesi gejinji, nipo ng'ombe syawo tisicilyaga palipose.

Yesaya 32:8

Nambo mundu jwa mtima wambone akusaganisya yambone, nipo akusalimbicila kutenda yambone.

Lefitiko 19:25

Nambo pa caka ca msano timcikomboleka kulya yisogosi yakwe. Naga mkuja kutenda yele yindu yinamsalileyi, yitela yenu tikasogoleje yisogosi yejinji. Une ndili AMBUJE Mlungu jwenu.

Matayo 10:13

Naga ŵandu ŵali m'nyumbamo ampocele cenene, mtendele wenuwo, uŵe ni jemanjajo nditu. Nambo naga ŵandu ŵali m'nyumbamo akukana kumpocela, mtendele wenuwo, uwujile kwa mwacimsyene.

Matayo 10:42

Nipo jwalijose jwakupeleka mgawo wa mesi gakusisima kwa jumo jwa ŵakulijiganya ŵanguŵa, ligongo lyakuti ali jwakulijiganya jwangu, nditu ngumsalicisya kuti jwelejo ngasalepela kose kupocela mbote jakwe.”

Matayo 25:17

Yalumo soni jwele juŵapocele mbiya syakwana siŵili jula, ŵapatile mbiya sine soni syakwana siŵili syakupwatika.

Matayo 25:40

“Mwenyejo tacajanga kuti, ‘Nditu ngumsalicisya kuti ndaŵi jilijose pimwamtendelaga yeleyi jwine jwalijose jwa acalongo acimjangu ŵacanandiŵa, mwaliji mkundendela soni une.’

Luka 14:14

Pelepo nikuti timcikola upile, ligongo lyakuti jemanjajo ŵangali kandu kalikose kakuti amwucisye m'mwejo. Mlungu ni jutacimwucisya m'mwejo, pa ndaŵi jitacijimuka ŵandu ŵakulungama kutyocela ku malembe.”

2 Akoli 9:6

Mkumbucile maloŵe aga kuti, jwele jwakupanda panandi, tacigowola panandi, nambo jwakupanda yejinji, tacigowola yejinji.

Ŵaeblania 6:10

Mlungu ali jwakulungama. Ngasaliŵalila masengo genu gimwatesile kapena cinonyelo cimwalosisye ku lina lyakwe ni cikamucisyo cimwapelece nipo soni mkupitilisya kwa acalongo acimjenu aklistu.