Jwak 10:12 - Chiyawo Bible

¹² Maloŵe ga mundu jwalunda gakusasangalasya, nambo maloŵe ga mundu jwakuloŵela gakusajonanga.

Jwak 10:12 Iomraidhean Croise

2 Sam 1:16

Daudi ni ŵatite kuti, “Mliwulajisye mwasyene, msasile mwasyene ni pakamwa penu kuti, ‘Mumwuleje mundu juŵasagulidwe ni AMBUJE.’ ”

Yobu 16:5

Ngamlimbisye ni maloŵe gangu, ngamtulesye mu mtima mwenu ni kunandiya yipwetesi yenu.

Masalimo 140:9

Amagongo ŵangu ŵele ŵasyungulile une akambunda, maloŵe gawo gakulwesa gawujile acimsyene.

Masalimo 37:30

Mundu jwambone akusaŵeceta ya lunda, ni pakamwa pakwe pakusakopoka cilungamo.

Masalimo 64:8

Tacajonanga ligongo lya yiŵeceto yawo, wosope ŵitacawona jemanjajo, tacipukunya mitwe jawo.

Misyungu 10:10

Mundu jwakumsisinila meso mwakunyenga, akusayicisya yisawusyo, jwakwamuka mwakulimba mtima, akusayicisya mtendele.

Misyungu 10:8

Mundu jwa mtima wa lunda, akusasamalila malamusi, nambo cisilu cikusagamba kuŵecetesya, ticicijonasika.

Misyungu 12:18

Mundu jwakusaŵeceta mwangasamalila, maloŵe gakusasoma mpela upanga, nambo maloŵe ga mundu jwalunda gakusaposya mitima ja ŵandu ŵane.

Misyungu 15:2

Maloŵe ga ŵandu ŵalunda gakusapeleka soni lunda, nambo pakamwa pa ŵandu ŵakuloŵela pakusakoposya ya usilu.

Misyungu 15:23

Kwanga mwakwenela kukusikumsangalasya mundu, nambo soni maloŵe gambone gakuŵecetedwa pa ndaŵi jambone gakusasangalasya.

Misyungu 19:5

Mboni ja unami ngasijilepela kupocela cilango, soni jwakuŵeceta ya unami ngasakulupuka kose.

Misyungu 22:11

Mundu jwakusanonyela kuŵa jwakuswejela mtima, soni kuŵeceta yambone, taciŵa m'mbusanga jwa mwenye.

Misyungu 26:9

Mpela mujikusatendela miŵa jajisomile m'myala mwa mundu jwakolelwa, myoyo soni ni muwukusaŵela msyungu mkamwa mwa cisilu.

Misyungu 31:26

Akusaŵeceta mwa lunda, soni akusiŵajiganya ŵandu ni maloŵe gambone.

Jwak 12:11

Maloŵe ga mundu jwalunda gali mpela yitela yesongole, yele jwakucinga yakusacinjila ngondolo kuti sijende, nipo yakuŵeceta yakwe yiŵayisongenye malo gamo yili mpela misomali jekomedwe mnope. Yakuŵeceta yeleyi yikusatyocela kwa Mlungu, mkucinga jwetu.

Jwak 4:5

Jwakuloŵela akusagamba kutama ni kuwaga ni sala ligongo lyakusoŵa cakulya.

Jwak 5:2

Mtandeje kuganisya mkaniŵecete, soni mkalumbilaga mwacitema kwa Mlungu. Pakuti jwalakwejo ali kwinani, nipo m'mwejo mli pa cilambo capasi pano, myoyo mkaculuyaga yakuŵeceta.

Jwak 5:6

Pakamwa penu pakamlemwekasya m'mwejo, kuti mkaja kukumsalila jwakutaga mbopesi kuti ngambile kulemwesya. Ana ligongo cici mkusaka kumtumbilisya Mlungu ni kuti ajonanje masengo gosope gimpanganyisye?

Jwak 9:17

Maloŵe ga mundu jwalunda gakuŵecetedwa mwakuwusimana mtima gali gambone kulekangana ni maloŵe ga kugumila ga mwenye sikati ja ŵandu ŵakuloŵela.

Matayo 12:35

Mundu jwambone akusakoposya yambone kutyocela mcipanje cakwe ca yindu yambone mu mtima mwakwe, nambo mundu jwakusakala akusakoposya yakusakala kutyocela mcipanje cakusakala ca mu mtima mwakwe.

Luka 19:22

Mbuje jula jwajanjile kuti, ‘M'mwejo mli jwamasengo jwangalumbana, tinamlamule ni maloŵe genu pego gakutyocela mkamwa mwenu! Ana eti mwamanyililaga kuti une ndili mundu jwakusawusya, jwele jungusagowola yindu yele nganiyiŵa yangu, soni ngusagowola mbeju syele mkupanda jwakwe nganimba une.

Luka 4:22

Ŵandu wosope ŵamlapilile mnope, ni ŵaliji ŵakusimonga pa maloŵe gakamula mtima giŵaŵecete jwalakwejo. Ŵanduwo ŵawusyanaga kuti, “Ana jweleju ngaŵa mwanace jwa Yosefe?”

Ŵaefeso 4:29

Mkamwa mwenu mukasimukopoka maloŵe galigose gakusakala, nambo mŵeceteje maloŵe ago pego gagali gambone ni kulimbikasya mitima mpela mugakusosecela, kuti acimjenu ŵakugapikana maloŵego apindule nago.

Ŵakolosai 4:6

Maloŵe genu gaŵeje ndaŵi syosope gakusangalasya ni kupatisya pindu ŵane, pakutenda myoyo tim'manyilile mwele mumkwenelela kumjanjila mundu julijose.