Jwak 1:3 - Chiyawo Bible

³ Ana mundu akusapindula cici pa masengo gosope gakupesya gakusakamula pa cilambo capasi cino?

Jwak 1:3 Iomraidhean Croise

Jwak 2:11

Sambano natandite kuyiganisya yosope yinatesile, masengo gosope gakusitopesya ginakamwile, nayiweni kuti yosope yeneyo yaliji yangali mate, soni kwaliji kwamba kulisawusya. Pa cilambo capasi pangali cindu cakuti mundu ni kupindula naco.

Jwak 2:18

Masengo gangu gosope ginatesile pa cilambo capasi pano nganigambindulila une, ligongo namanyilile kuti ngwenela kwalecela ŵane ŵitaciyika ku kwinjila m'malo mwangu.

Jwak 2:19

Ana ŵani ŵakumanyilila kuti mundu jwakwinjila m'malo mwangujo taciŵa jwalunda kapena jwakuloŵela? Nambope jwalakwejo taciŵa jwakulamulila yosope yene yinatesile pa cilambo capasi panoci ni lunda lwangu. Yeleyi soni yili yangali mate.

Jwak 2:22

Ana mundu akusapindula cici pa masengo gakwe gosope gakamwile jwalakwejo pacilambo capasi pano?

Jwak 3:9

Ana tukusapindula cici pa masengo gosopega?

Jwak 4:3

Nambo ŵapundile mnope ni ŵimkinapagwe, ligongo lyakuti nganayiwona yitendo yosope yayikutendekwa pa cilambo capasi pano.

Jwak 4:7

Naciweni soni cindu cine cacili cangali mate pa cilambo capasi pano.

Jwak 5:16

Yeleyi nganiyiŵa yambone kuti mundu ajawuleje ku malembe mpela muŵayicile. Ana cakupindulisya cakwe ni cici pakuti jwalakwejo ŵakamwile masengo gamtega?

Jwak 5:18

Apano pana cindu cinaciweni kuti cili cambone nambo soni cakwenela: kuli kwambone kuti mundu alyeje, amweje, ni kusangalala pa masengo gakwe gosope gakusakamula pa cilambo capasi cino. Celeci ni cele mundu akukomboleka kuŵeceta kuti cakwe.

Jwak 6:12

Ana mundu mpaka amanyilile uli yindu yakumnonyelesya mundu kwa ndaŵi ja panandi pali cijumi jwalakwejo? Ana mundu mpaka amanyilile uli yitiyicitendekwa pa cilambo capasi cino jwalakwejo pitaciwa?

Jwak 7:11

Mundu jwalijose jwali cijumi akwenela kuŵa jwalunda, yili yambone mpela kupocela ya masije.

Jwak 9:13

Pacilambo capasi pano pana cindu cine cakwe cinaciweni cakwayana ni lunda, nipo kwa une cinduci caliji cekulungwa.

Jwak 9:3

Celeci cili cakusakala cekulungwa cacikutendekwa pacilambo capasi pano cakuti likungu limpepe likusilyagwila ŵandu wosope. Cindu cine soni cili cakuti mitima ja ŵandu jili jegumbale ni yakusakala. Mu mtima mwawo mukusagumbala ni masoka pa ndaŵi jali cijumi, nambo mbesi jakwe ja jemanjajo ni kuwa basi.

Jwak 9:6

Cinonyelo cawo, uŵengani wawo ni wiwu wawo wosope yamasile kala. Nipo ngasapocela cilicose pa yosope yayikutendekwa pa cilambo capasi pano.

Yesaya 55:2

Ana ligongo cici mkonanga mbiya syenu kusuma yindu yangalya? Ana ligongo cici malipilo genu mkusuma yindu yangaŵa kwikutisya? Mpikane, ni kutenda yinguŵeceta Une, mlyeje yakulya yambone, mlinonyelesyeje ni yakulya yakunakana.

Habakuku 2:13

Ana ngaŵa AMBUJE Ŵamaciligosope ni ŵiŵasimicisye kuti yele yiŵakamulisyaga ŵandu masengo yili mpela sasu pa moto, ŵandu ŵa mitundu josope ŵagambaga kulilagasya pangali cakupata.

Habakuku 2:18

Ana cakupata ni cici pa mlungu jwakusepa ŵandu? Pakutipo mundu ni juŵasepile, nipo pangali cicikusala nambo unami basi. Ana cici cambone mlungu jwakusepaju akumtendela mkupanganya kuti amkulupilileje jwalakwe — mlungu jwangapakombola atamose kuŵeceta kose!

Matayo 16:26

Ana mundu tapindule cici naga akwete yindu yosope ya pa cilambo capasi pano, nambo pambesi pakwe ni kuwujasa umi wakwe? Ana mundu mpaka alipile cici cakuti awombolele umi wakwe?

Yohana 6:27

Alimbicileje kuti apate yakulya yakwatendesya ŵandu kuti aŵeje ni umi wa mpaka kalakala ngaŵa kupata yakulya yayikusajonasika. Yeleyi ni yakulya yitacapa jemanja Mwanace jwa Mundu,* ligongo Mlungu, Atati, alosisye kuti amsagwile jwalakwejo.”

1 Akoli 16:16

Myoyo, ngumŵenda jemanja acalongo acimjangu mwa Ambuje kuti jemanja soni mwapikanileje ŵandu ŵamti myiyiŵa, soni ni kwa jwalijose jwakukamula masengo ni kutumicila mwakulipeleka.