Jwak 1:2 - Chiyawo Bible

² Yangali mate, yangali mate, Jwakulalicila jwatite myoyo. Umi uli wangali mate, yosope yili yangali mate.

Jwak 1:2 Iomraidhean Croise

Yobu 11:12

Paja akusatiji kuti, jwakuloŵela ali jwakuloŵela basi, nipo bulu jwamwitinji ni jwamwitinji basi.

Masalimo 144:4

Mundu ali mpela lipuje, masiku gakwe gali mpela ciwilili cangatamilisya.

Masalimo 89:47

Akumbucile kuti masiku ga umi ŵangu gali gamnono. Elo, ŵapanganyisye ŵandu wosope kuti akole umi wawujipi mnope.

Jwak 11:10

Myoyo mtyosye cilepe yayikumsawusya jemanja m'mitima mwenu, mliŵambasye ku yakumpwetesya jemanja myilu mwenu, pakuti ucanda wenu ngasiwujigala ndaŵi jelewu.

Jwak 11:8

Mundu naga akwete yaka yejinji, mumleceni asangalale mu yosope. Nambo akumbucileje kuti lisiku line taciwa. Yosope yayikwisayi yili yangali mate.

Jwak 12:8

Jwakulalicila jwatite, yangali mate, yangali mate. Yosope yili yangali mate.

Jwak 2:11

Sambano natandite kuyiganisya yosope yinatesile, masengo gosope gakusitopesya ginakamwile, nayiweni kuti yosope yeneyo yaliji yangali mate, soni kwaliji kwamba kulisawusya. Pa cilambo capasi pangali cindu cakuti mundu ni kupindula naco.

Jwak 2:15

Kaneko une natandite kuganisya kuti, “Yele yayikusatendekwa kwa ŵandu ŵakuloŵela, iyoyo tiyicitendekwa kwa une soni. Ana mbatile cici pingwete lunda lwesope lwelelu?” Nalijanjile namsyene kuti, “Pangali cimbatile.”

Jwak 2:17

Yeleyi yandendekasisye une kuti nawuŵenje umi, ligongo lyakuti yindu yosope yayikutendekwa pacilambo capasi pano yikusandesya canasa. Yosope yili yangali mate soni kuti uyipikanicisye kuli kwamba kulisawusya.

Jwak 2:19

Ana ŵani ŵakumanyilila kuti mundu jwakwinjila m'malo mwangujo taciŵa jwalunda kapena jwakuloŵela? Nambope jwalakwejo taciŵa jwakulamulila yosope yene yinatesile pa cilambo capasi panoci ni lunda lwangu. Yeleyi soni yili yangali mate.

Jwak 2:21

Ndaŵi sine pakusasimanikwa kuti mundu jwakamwile masengo mwakulajilila ni mwa lunda lwakwe, akusamlecela yosope yeneyo mundu jwine jwanganayikamulila masengo. Yeleyitu yili yangali mate, nambo soni nganiyiŵa yambone.

Jwak 2:23

Pa masiku gakwe gosope gakusaŵaga ga yipwetesi soni gakudandawulisya. Atamose cilo mtima wa mundujo ŵangapumula ligongo lya masengo. Yeleyi soni yili yangali mate.

Jwak 2:26

Mlungu akusapeleka lunda, umanyilisi ni lukondwa kwa mundu jwakusamsangalasya jwalakwejo. Nambo kwa mundu jwa ulemwa, Mlungu akusampa masengo ga kusonganya ni kusunga kuti yapatileyo yipelecedwe kwa mundu jwakumsangalasya Mlungu. Yeleyi soni yili yangali mate, nambo soni kuti uyipikanicisye kuli kwamba kulisawusya.

Jwak 2:8

Nasunjile silifa* ni golidi* nambo soni cipanje cakutyocela kwa ayimwene ŵa m'misi ŵinalamulilaga une. Nakwete acalume ni acakongwe ŵakunjimbila une nyimbo. Nakwete soni acakongwe ŵane ŵajinji ŵakusamsangalasya mundu mwakusacila mundujo.

Jwak 3:19

Yindu yayikusatendekwa kwa ŵandu iyoyo soni yikusatendekwa kwa yinyama. Mundu akusaŵaga mucikusaŵela cinyama, soni yosopeyi yikusapumula mpweya umpepe, nipo pangali cakupunda cijakwe. Yosopeyi yili yangali mate.

Jwak 4:16

Mwenye komboleka kwalamulila ŵandu ŵajinji ŵangaŵalanjika, nambo jwalakwejo naga ali awile, pangali jwalijose jutacimtogolela jwalakwejo pa masengo gosope giŵatesile jwalakwejo. Yeleyitu yili yangali mate soni kuli kwamba kulisawusya.

Jwak 4:4

Kaneko namanyilile soni kuti uwe tusakamula masengo ni kutenda yindu yakusimonjesya ligongo lyakuti tukusatendelanaga wiwu. Yeleyi yili yangali mate, soni kuti uyipikanicisye kuli kwamba kulisawusya.

Jwak 4:8

Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Jwak 5:10

Jwalijose jwakusanonyela mbiya jwangajikutila ni mbiyasyo, yalumo soni jwalijose jwakusanonyela yipanje jwangajikutila ni congola yala. Yeleyitu yili yangali mate.

Jwak 6:11

Maloŵe naga gakutupa, nombe nayo yangali mate yikusatupa. Nambi mundu tapindulepo cici?

Ŵaloma 8:20

Pakuti yakupanganyidwayo yaŵele yangali mate, ngaŵaga ligongo lyakuti yasacile kuti yiŵe myoyo, nambo ligongo lyakuti Mlungu ŵasacile kuti yiŵe myoyo. Nambo yakupanganyidwayo yikwete cembeceyo cakuti,