Jwak 1:16 - Chiyawo Bible

¹⁶ Mu mtima mwangu natiji kuti, “Une ngwete lunda lwejinji kwapunda ayimwene wosope ŵiŵalamulilaga ku Yelusalemu kalakala. Nalijiganyisye yejinji kwambaga lunda ni umanyilisi.”

Jwak 1:16 Iomraidhean Croise

1 Ayi 10:7

Nambo yeleyo ngininayikulupilila, mpaka pimbice akuno ni kuyiwona ni meso gangu. Nambo nayiweni kuti ŵanduwo nganasalila atamose hafu ja yindu yosope. Lunda lwawo ni cipanje cakwete ŵalakwe yipundile ni muŵasalilaga ŵele ŵanduwo kumangwetu.

1 Ayi 4:30

Myoyo lunda lwa Solomoni lwapundile lwa ŵandu wosope ŵalunda ŵa kungopoko lyuŵa, ni lwa ŵandu wosope ŵa ku Iguputo.

1 Ayi 5:9

Ŵamasengo ŵangu tacituluka ni yitelayo kutyocela ku Lebanoni kuno mpaka ku nyasa. Ni taciyitaŵa yitelayo pamo ni kuyijajaŵilisya mungulugulu nyasa mpaka kumalo gatagasale ŵalakwe. Kweleko ŵamasengo ŵangu takayigopole yitelayo, nipo ŵamasengo ŵenu taciyipocelela pelepo. Cakwaŵenda une ŵalakwe ni cakuti ambe une yakulya yakwalisya ŵandu ŵangu.”

2 Ayi 5:20

Nambo Namani ali ajesile mkuli ŵamnono, Gehasi, jwakutumicila jwa Elisha, ŵaganisisye mu mtima mwakwe kuti, “Ambuje ŵanguŵa amkundile Namani kuti ajawuleje, ŵangalipila kandu kalikose. Akajenele kupocela mtuka uŵayice nawo kupeleka mundu jwa ku Siliya jula. Ngulumbila pali AMBUJE, Mlungu ŵacijumi, une tinamwutucile kuti ngapocele kandu kwa jwalakwejo.”

2 Mbi 2:12

Acimbicikwe AMBUJE, Mlungu jwa Isalaeli juŵapanganyisye kwinani ni cilambo ca pasi, juŵampele Mwenye Daudi mwanace jwalunda, jwagumbala ni umanyilisi, soni jwakupikanicisya cenene yindu, jwele jutataŵe Nyumba ja AMBUJE soni nyumba jakwe ja ucimwene.

Masalimo 4:4

Mtetemele mcitendaga woga ni kuleka kulemwa; mganisyeje mnope mu mtima mwenu pimkugona, mcitamaga jii pamalo genu pa ndaŵi jimkugona.

Masalimo 77:6

Ngusaganisyaga mu mtima mwangu cilo; ngusaliwusya ni kuliganicisya namsyene ni ngusati,

Jwak 2:1

Ndaŵi sine mu mtima mwangu natiji kuti, sambano linje yakulinonyelesya, nalisangalasye namsyene. Nambo nayiweni kuti yeleyi yaliji yangali mate.

Jwak 2:15

Kaneko une natandite kuganisya kuti, “Yele yayikusatendekwa kwa ŵandu ŵakuloŵela, iyoyo tiyicitendekwa kwa une soni. Ana mbatile cici pingwete lunda lwesope lwelelu?” Nalijanjile namsyene kuti, “Pangali cimbatile.”

Jwak 2:9

Myoyo naŵele mundu jwakupikanika mnope, kwapunda ayimwene wosope ŵaŵalamulilaga ku Yelusalemu kalakala, nambo naliji ciŵelape mundu jwalunda.

Jwak 3:17

Myoyo une natandite kuganisya mu mtima mwangu kuti, Mlungu tacapa cilango ŵandu wosope ŵambone ni ŵakusakala, pakuti jwalakwejo jwaŵisile ndaŵi jakutendela cindu cilicose ni masengo galigose.

Yelemiya 22:14

Mundujo akusaŵeceta kuti, “Tinjilitaŵila nyumba jekulungwa, ja yipinda ya mwinani jekulungwa mnope.” Tinjiŵika mawindo, ni komamo matabwa ga mkungusa, ni kupaka utoto wecejewu.

Daniele 4:30

Nipo ŵaŵecetaga kuti, “Mlole ukulu wa msinda wa Babiloniwu! Nawutaŵile kuti uwe msinda wekulungwa wakulosya macili gangu ni ucimbicimbi wa ucimwene wangu.”

Ŵaeblania 5:14

Nambo yakulya yakulimba ni ya ŵandu ŵakomangale. Pakupitila mkulijiganya kwawo akumanyilila kulekanganya yindu yambone ni yangalumbana.