Jwak 1:13 - Chiyawo Bible

¹³ Mu mtima mwangu nasacile kupikanicisya mnope yosope yene yayikusatendekwa pa cilambo capasi pano. Aga ni masengo gakusawusya giŵatupele Mlungu kuti tutendeje.

Jwak 1:13 Iomraidhean Croise

Genesesi 3:19

Mkwenela kukamula masengo mnope mpaka kukoposya citukuta, kuti litaka limpe yakulya mpaka pa timciwujila kwitaka kumwatyocele. Nampanganyisye kutyocela kwitaka, kwitaka kukoko timciwujila.”

Yobu 28:3

Ŵandu akusajinjila mu mgodi ali ajigele nyali. Akusasosasosa magangago mpaka kumbesi kwa mgodiwo aku ali mkwenda mu cipi cakogoya.

Masalimo 111:2

Masengo ga AMBUJE gali gamakulungwa, wosope ŵakunonyelwa nago akusagaganicisya.

Misyungu 18:1

Mundu jwakusalityosya mwikuga lya cimjakwe akusaŵa jwakulinonyela, akusagambaga kukuya yakumnonyela jwalakwe jika.

Misyungu 18:15

Mtima wa mundu jwakalamuka cenene ukusaŵa cile kusosa kulijiganya yejinji, mapikanilo ga mundu jwalunda gakusasosa kupikanicisya kuti gapate umanyilisi.

Misyungu 23:26

Mwanangu, mtima wenu ungulupilile une, meso genu galolecesye matala gangu.

Misyungu 25:2

Uli ucimbicimbi wa AMBUJE* kusisa yindu, nambo ucimbicimbi wa ayimwene ugonile pa kuyisosasosa yinduyo ni kuyilondesya cenene.

Misyungu 4:7

Cindu cakupunda mnope kuti mcitende, ni kupata lunda. Mwa yindu yili yose yimkuyisosa kuyipata, patani umanyilisi.

Jwak 1:17

Nalinjile kulijiganya soni kulekangana kwakwe kwa umanyilisi ni kuloŵela, lunda ni masoka. Nambo nayiweni kuti kutenda myoyo kwaliji kwamba kulisawusya.

Jwak 11:5

Muwukusajinjilila msimu mcilu mwa mwanace mcitumbo mwa mamagwe, jemanja ngamkumanyilila. Myoyo jemanja ngaŵa mkupakombola kumanyilila masengo ga Mlungu, mkupanganya jwa yosope.

Jwak 12:12

Mwanangu, mkalamuce ni majiganyo gane kupunda gelega. Kulemba mabuku kwangali mbesi, soni kulijiganya kwejinji kukusapesya cilu.

Jwak 2:23

Pa masiku gakwe gosope gakusaŵaga ga yipwetesi soni gakudandawulisya. Atamose cilo mtima wa mundujo ŵangapumula ligongo lya masengo. Yeleyi soni yili yangali mate.

Jwak 2:26

Mlungu akusapeleka lunda, umanyilisi ni lukondwa kwa mundu jwakusamsangalasya jwalakwejo. Nambo kwa mundu jwa ulemwa, Mlungu akusampa masengo ga kusonganya ni kusunga kuti yapatileyo yipelecedwe kwa mundu jwakumsangalasya Mlungu. Yeleyi soni yili yangali mate, nambo soni kuti uyipikanicisye kuli kwamba kulisawusya.

Jwak 3:10

Nigaweni masengo gapelece Mlungu kwa uwe kuti tukamuleje.

Jwak 3:11

Jwalakwejo ŵapanganyisye cindu cilicose kuti ciŵe cambone mu ndaŵi jakwe. Atupele soni uweji lunda lwakuti tumanyilileje ya msogolo, nambo uweji ngakomboleka kuti tuyimanyilile yosope yene.

Jwak 4:4

Kaneko namanyilile soni kuti uwe tusakamula masengo ni kutenda yindu yakusimonjesya ligongo lyakuti tukusatendelanaga wiwu. Yeleyi yili yangali mate, soni kuti uyipikanicisye kuli kwamba kulisawusya.

Jwak 4:8

Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Jwak 7:25

Myoyo naŵisilepo mtima wangu kuti manyilile, wungunye ni kusosasosa lunda ni muyikusaŵela yindu. Nasacile soni kuti mbikanicisye kusakala kwakwe kwa kuloŵela, kuloŵela kwakwe kwa masoka.

Jwak 8:9

Nayiweni yosope yeneyi pa ndaŵi jinaganisyaga mu mtima mwangu yindu yosope yayikutendekwa pacilambo capasi pano. Pana ŵandu ŵakusiŵalamulilaga acimjawo mwa ngalwe.

1 Timoseo 4:15

Mtendeje masengo gelega mwakusamalicisya ni mwakulipeleka, kuti ŵandu wosope ayiwone kuti umi wenu wa kutumicila ukuja msogolo.