Ekisodo 7:5 - Chiyawo Bible

⁵ Pelepo Aiguputo tacimanyilila kuti Une ndili AMBUJE, pitinjipeleka yisawusyo pa cilambo ca Iguputo ni kwakoposya Aisalaeli mcilambo mwawomo.”

Ekisodo 7:5 Iomraidhean Croise

Ekisodo 14:18

Ni Aiguputowo tamanyilile kuti une ndili AMBUJE, pitalole yitinjile pa kumpunda pa ngondo Mwenye jwa ku Iguputo ni mageleta gakwe ni ŵakugajendesya ŵakwe.”

Ekisodo 8:22

Nambo pa lyele lyuŵalyo tinjiciŵika pajika cilambo ca Gosheni cakutama ŵandu ŵangu, kuti membe syelesi sikayicila kweleko, kuti m'mwejo mpate kumanyilila kuti Une ndili AMBUJE soni kuti Une ni jungulamulila cilambo ca pasi.

Ekisodo 7:17

Sambano AMBUJE akusala kuti, patimyiwone yitinayitende, tim'manyilile kuti Une ndili AMBUJE. Mlole, timbute mesi gali mu Lusulo lwa Nayilo ni simbo jajili m'myala mwangu, ni mesi tigasanduce kuŵa miasi.

Ekisodo 14:4

Tinjimjumusya mtima Mwenye jwa ku Iguputo, tacakuya Aisalaeliwo. Mwenye jwa ku Iguputo ni likuga lyakwe lyosope tinjapunda pa ngondo. Tinjipocela une ucimbicimbi, pelepo Aiguputo wosope tacimanyilila kuti une ndili AMBUJE.” Aisalaeli ŵayitesile yosope mpela muŵasalile.

Ekisodo 3:20

Myoyo une, tingagakamulisye masengo macili gangu, tinjipeleka cilango kwa ŵandu ŵa ku Iguputo, pakutenda yindu yakusimonjeka une kweleko. Patiyicitendekwa yindu yeleyo, tacimkunda kutyoka.

Esek 39:22

Kutandila pelepo mpaka msogolo, Aisalaeli tacimanyilila kuti Une ni AMBUJE Mlungu jwawo.

Esek 39:7

Tinjilolecesya kuti ŵandu ŵangu Aisalaeli akulimanyilila lina lyangu lyeswela, ni ngasingunda lina lyangu kuti lisakale soni. Ni yilambo yosope tiyicimanyilila kuti Une ni AMBUJE, Jwamswela jula jwa ku Isalaeli.”

Ekisodo 8:10

Mwenye jwa ku Iguputo ŵatite kuti, “Malaŵi.” Mose ni ŵatite, “Tiyitendekwe mpela mumŵecetelemo, ni timcimanyilila kuti pangali Mlungu jwine jwakulandana ni AMBUJE Mlungu jwetu.

Esek 36:23

Lina lyangu lyakupikanika limlicembulwisyeje sikati ja ŵandu ŵa mitundu jine, tinjililosya kuti lili lyeswela. Sambano ŵandu ŵa mitundu jinewo pitacimanyilila kuti ndosisye uswela wa lina lyangu kupitila mwa jemanja, tacimanyilila kuti Une ni AMBUJE. Ni yinguti Une AMBUJE Mlungu.

Esek 28:22

AMBUJE Mlungu akuti, Une ndili m'magongo jwenu, m'mwe Sidoni, soni ŵandu tacinjimbicisya pitaciyiwona yitinjimtenda m'mwejo. Tacimanyilila kuti Une ni Mlungu, patinjimpa cilango soni pakulosya kuti Une ni jwamswela pasikati pawo.

Esek 25:17

Tinjapa cilango jemanjajo cakogoya ni kwawucisya jemanjajo mwakwanila nditu. Nipo pelepo taciluwona lutumbilo lwangu myoyo tacimanyilila kuti Une ni AMBUJE.”

Masalimo 9:16

AMBUJE alimanyisye asyene kwa ŵandu wosope, mwakulamula kwawo kwa cilungamo; ŵangalumbanawo ŵatanjile mu yitendo yawo.

Ekisodo 8:19

Myoyo ŵandu ŵamatipwi ŵala ŵamsalile Mwenye jwa ku Iguputo kuti, “Ŵayitesile yeleyi ali Mlungu nditu.” Nambo Mwenye jwa ku Iguputo ŵaliji ŵakumula mtima, ni nginapikanila yiŵaŵecete Mose ni Aloni mpela muŵaŵecetele AMBUJE mula.

Ekisodo 6:1

Nambo AMBUJE* ŵamsalile Mose* kuti, “Sambano timlole yitinamtende Mwenye jwa ku Iguputo. Tinamcisye jwalakwe kuti ŵakoposye ŵandu ŵangu mcilambo mwakwe. Tinamcisye kuti ŵatoposye jemanjajo mcilambo mwakwe.”

Ekisodo 10:2

ni jemanja cimwasalile ŵanace ŵenu ni yisukulu yenu ya yindu yosope yinayitesile pa Aiguputo, ni yitagu yakusimonjeka yinayitesile une pasikati pawo, kuti wosopemwe m'manyilile kuti une ndili AMBUJE.”

Ekisodo 10:7

Nduna sya Mwenye jwa ku Iguputo syamwusisye Mwenye jwa ku Iguputojo kuti, “Ana mundu jweleju tatulece cakaci kutusawusya camti myiyi? Mwakunde ŵanduŵa kuti ajawule akamtumicile AMBUJE, Mlungu jwawo. Ana ngamkulola kuti cilambo ca Iguputo cimasile konasika sambano?”

Ekisodo 18:8

Mose ŵamsalile Yetelo yosope AMBUJE ŵamtesile Mwenye jwa ku Iguputo ni Aiguputo, ligongo lya Aisalaeli. Ŵamsalile soni ya yisawusyo yiŵasimene nayo mwitala, ni yosope yiŵayitesile AMBUJE pa kwakulupusya.

Masalimo 138:7

Atamose ngwenda pasikati pa yisawusyo, ŵalakwe akuwusunga umi ŵangu, akusatambasukula mkono wawo kwalekasya amagongo ŵangu ŵatumbile, mkono wawo wamlyo ukusangulupusya.

Esek 32:15

Patinjimtendesya Iguputo kuŵa masame nipo cilambo cosope ndilinacijonasile pakwawulaga wosope ŵakutama kweleko, ni tacimanyilila kuti Une ni AMBUJE.

Ekisodo 6:6

Kwa lyele ligongoli m'mweji mkasalile Aisalaeli kuti, ‘Une ndili AMBUJE. Tinakulupusye myisawusyo ya ku Iguputo, tinakoposye mu ukapolo wa masengo gakupweteka gele gakumcisya kuti mgakamule. Tinakulupusye ni mkono wangu wetambasukule, ni pakutenda masengo gangu gamacili.