Ekisodo 7:4 - Chiyawo Bible

⁴ Mwenye jwa ku Iguputojo ngaja kumpikanila jemanja. Nambo une tinjicijonanga cilamboco, ni pakutenda masengo ga macili ni mkono wangu, pa cilambo ca Iguputo, tinjigalongolela makuga gangu ga ngondo, ŵali ŵandu ŵangu Aisalaeli, kwakoposya mcilambo ca Iguputo.

Ekisodo 7:4 Iomraidhean Croise

Ekisodo 10:1

AMBUJE* ŵamsalile Mose* kuti, “Mjawule kwa Mwenye jwa ku Iguputo, pakuŵa namjumwisye mtima jwalakwejo ni mtima wa nduna syakwe, kuti nayitende yitagu yakusimonjekayi pasikati pawo,

Ekisodo 11:9

Ni AMBUJE ŵamsalile Mose kuti, “Mwenye jwa ku Iguputo tapitilisye kukana kumpikanila m'mwejo, kuti pakutenda myoyo, une nayitende yitagu yangu yakusimonjeka yejinji mcilambo ca Iguputo.”

Ekisodo 12:51

AMBUJE, ŵakopwesye ŵanace ŵa Isalaeli lisiku lilyolyo, kutyoka ku cilambo ca Iguputo, m'makugamakuga ga mitundu jawo.

Ekisodo 13:3

Mose ŵasalile ŵandu kuti, “Mlikumbucileje lisiku limwakopwece mcilambo ca Iguputo, cilambo ca ukapolo, ligongo AMBUJE ŵamkopwesye kwekula ni mkono wawo wamacili. Mkalya cilicose cana cakusasaŵilisya.

Ekisodo 13:9

Lilamusi lyeleli liŵeje mpela cimanyisyo cakutaŵidwa pa mkono wenu, kapena cindu cakumkumbusya cakutaŵidwa pa usyo penu. Kuti pakutenda myoyo, lilamusi lya AMBUJE gaŵe mkamwa mwenu, pakuŵa AMBUJEWO ŵamkopwesye ku Iguputo ni mkono wawo wamacili.

Ekisodo 18:8

Mose ŵamsalile Yetelo yosope AMBUJE ŵamtesile Mwenye jwa ku Iguputo ni Aiguputo, ligongo lya Aisalaeli. Ŵamsalile soni ya yisawusyo yiŵasimene nayo mwitala, ni yosope yiŵayitesile AMBUJE pa kwakulupusya.

Ekisodo 3:19

Une ngumanyilila kuti Mwenye jwa ku Iguputojo, ngajakukunda kuti mkatyoce, mpaka une ngamcisye mwenyejo mwamacili.

Ekisodo 3:20

Myoyo une, tingagakamulisye masengo macili gangu, tinjipeleka cilango kwa ŵandu ŵa ku Iguputo, pakutenda yindu yakusimonjeka une kweleko. Patiyicitendekwa yindu yeleyo, tacimkunda kutyoka.

Ekisodo 6:1

Nambo AMBUJE* ŵamsalile Mose* kuti, “Sambano timlole yitinamtende Mwenye jwa ku Iguputo. Tinamcisye jwalakwe kuti ŵakoposye ŵandu ŵangu mcilambo mwakwe. Tinamcisye kuti ŵatoposye jemanjajo mcilambo mwakwe.”

Ekisodo 6:26

Mose ni Aloni ali ŵandu ŵalaŵala ŵele AMBUJE ŵasalile kuti, “Mwakoposye Aisalaeli mcilambo ca Iguputo m'makuga malinga ni mitundu jawo.”

Ekisodo 6:6

Kwa lyele ligongoli m'mweji mkasalile Aisalaeli kuti, ‘Une ndili AMBUJE. Tinakulupusye myisawusyo ya ku Iguputo, tinakoposye mu ukapolo wa masengo gakupweteka gele gakumcisya kuti mgakamule. Tinakulupusye ni mkono wangu wetambasukule, ni pakutenda masengo gangu gamacili.

Ekisodo 7:13

Nambo Mwenye jwa ku Iguputo ni pawapundile kumula mtima, soni mpela muŵaŵecetele AMBUJE mula, mwenye nganiŵapikanila Mose ni Aloni.

Ekisodo 7:16

Mkamsalile Mwenye jwa ku Iguputo kuti, ‘AMBUJE, Mlungu jwa Ahebeli andumile kwenumwe kuti nimsalile aga maloŵega gakuti mwakunde ŵandu ŵangu kuti akandumicile Une mcipululu, nambo mpaka sambano jino m'mwejo ngamkumbikana.

Ekisodo 8:15

Nambo Mwenye jwa ku Iguputo piŵalolite kuti yindu yitandite kutama cenene, ŵatandite kumusya mtima wakwe, ni nginasosa soni kumpikanila Mose ni Aloni, ni kutenda yindu mpela muŵaŵecetele AMBUJE mula.

Ekisodo 8:19

Myoyo ŵandu ŵamatipwi ŵala ŵamsalile Mwenye jwa ku Iguputo kuti, “Ŵayitesile yeleyi ali Mlungu nditu.” Nambo Mwenye jwa ku Iguputo ŵaliji ŵakumula mtima, ni nginapikanila yiŵaŵecete Mose ni Aloni mpela muŵaŵecetele AMBUJE mula.

Ekisodo 9:12

Nambo AMBUJE ŵawujumwisye mtima wa Mwenye jwa ku Iguputo, ni nganampikanila Mose ni Aloni, mpela muŵaŵecetele AMBUJE kwa Mose mula.

Ekisodo 9:3

Une timbelece yisawusyo yekulungwa ya cilwele cakogoya pa yilangwa yenu mpela pa ng'ombe syenu syasili m'migunda, haci, abulu, ngamila,* ngondolo ni mbusi syakwe.

Misyungu 19:29

Yilinganyidwe kalape kuti ŵandu ŵakusakala gawujile magambo, soni cikoti cakuputila pa mgongo pa ŵandu ŵakuloŵela cili cile.

Yesaya 26:9

Umi wangu ukusiwasacilisya ŵalakwe cilo, kundaŵi msimu wangu ukwasosasosa ŵalakwe. Pandaŵi jimkucilamula cilambo capasi, ŵandu ŵa mcilambomo akusalijiganya ya cilungamo.

Malilo 3:3

Ni ŵandimbaga mwakutotoganya mwangali canasa.

Esek 14:21

Ayi ni yakuŵeceta AMBUJE Mlungu: “Tinjitumisya yilango yakogoya mnope pa Yelusalemu, ngondo, sala, yilombo, ni yilwele kuti yijonanje ŵandu ni yinyama.

Esek 25:11

Tinjapa cilango Amowabu, nipo tacimanyilila kuti Une ni AMBUJE.”

Esek 30:14

Tinjiwutendesya msinda wa Patilosi kuŵa masame nipo tinjiwujoca msinda wa Sowani. Tinjiwupa cilango msinda wa Tebesi.

Esek 30:19

Myoyo pitinjimpa Iguputo cilango mwa litala lyeleli, pelepo tacimanyilila kuti Une ni AMBUJE.”

Chunukuko 15:4

Ambuje, ana ŵani ŵingakwenela kwajogopa ni kulilumba lina lya ŵalakwe? Ŵalakwe jikape ali ŵaswela. Ŵandu ŵa ngosyo syosope taciyika kukwalambila ŵalakwe, pakuti masengo gawo gakulungamika gawonecele pakulanguka.”

Chunukuko 16:7

Kaneko napikene liloŵe kutyocela ku malo gakupelecela mbopesi. Liloŵelyo lyatite kuti, “Yisyene Ambuje, Mlungu Jwamaciligosope, kulamula kwawo kulikose kuli kwakuwona ni kwakulungamika.”

Chunukuko 19:2

Kulamula kwakwe kuli kwakuwona ni kwakulungamika. Jwalakwejo ŵamlamwile jwamkongwe jwakulijesya jula juŵasakasyaga cilambo capasi mtande wa cikululu cakwe. Mlungu ampele jwalakwejo cilango ligongo jwawuleje ŵakutumicila ŵakwe.”

Ŵakulamula 2:15

Ndaŵi jilijose jiŵajile ku ngondo, AMBUJE ŵakundile amagongo kwapunda Aisalaeli, mpela ŵaliji muŵalumbile kala kuti tacaleka. Jemanjajo ŵalasile mnope.