Ekisodo 4:5 - Chiyawo Bible

⁵ AMBUJE ŵatite, “Mkatende yeleyi, ni takakulupilile kuti AMBUJE, Mlungu jwa acinangolo ŵawo, Mlungu jwa Abulahamu,* jwa Isaki, ni Yakobo,* amwonecele m'mwejo.”

Ekisodo 4:5 Iomraidhean Croise

Genesesi 12:7

AMBUJE ŵawonecele Abulamu ni ŵatite, “Tinjicipeleka cilambo celeci kwa yisukulu yenu.” Kaneko Abulamu ŵataŵile pa malo gelego malo gakupelecela mbopesi, kwataŵila AMBUJE ŵiŵamwonecelewo.

Genesesi 17:1

Abulamu piŵaliji ni yaka 99, AMBUJE* ŵamwonecele ni ŵamsalile kuti, “Une ndili Mlungu Jwamaciligosope, myoyo mumbikanileje une ndaŵi syosope, soni mtendeje yindu yagoloka.

Genesesi 18:1

AMBUJE* ŵamwonecele Abulahamu* ku yitela ya mtundu ku Mamule ali atemi pa mlango wa tenti jakwe, musi lyuŵa lilimkuŵala mnope.

Genesesi 26:2

AMBUJE* ŵamwonecele Isaki ni kumsalila kuti, “Mkasimjawula ku Iguputo, mtame mcilambo citinamsalile kuti mtamemo.

Genesesi 28:13

AMBUJE* ŵajimi pambali pa jwalakwe ni ŵamsalile kuti, “Une ndili AMBUJE, Mlungu jwa acinangolo ŵenu Abulahamu ni Isaki. Cilambo cimgonileci tinjicipeleka kwa m'mwejo pamo ni yisukulu yenu.

Genesesi 48:15

Ni ŵampele upile Yosefe nangolo jwa ŵanace ŵala kuti: “Mlungu juŵamtumicilaga acibaba ŵangu Abulahamu* ni Isaki, Mlungu juŵaliji ni une umi wangu wosope mpaka lelo, ŵapele upile jemanjajo!

Genesesi 48:3

Yakobo ŵamsalile Yosefe kuti, “Mlungu Jwamaciligosope ŵambonecele une ku Lusi mcilambo ca Kenani, ni ŵampele upile.

1 Ayi 18:36

Jili jikwanile ndaŵi jakupelecela mbopesi ja ligulo, jwakulocesya Eliya ŵasejelele kuŵandicila ku malo gakupelecela mbopesi, ni ŵapopesile kuti, “Ŵalakwe AMBUJE, Mlungu jwa Abulahamu,* Isaki ni Yakobo, lelo yimanyice kuti ŵalakwe ali Mlungu jwa Aisalaeli, ni soni kuti une ndili jwakutumicila jwa ŵalakwe, ni soni kuti nayitesile yindu yosopeyi ligongo lyakuti asasile ŵalakwe.

2 Mbi 20:20

Kundaŵindaŵipe ŵanduwo ŵajile ku cipululu ca Tekowa. Pandaŵi jiŵakopokaga mu cipululumo Yehoshafati ŵasalile ŵandu ŵa ku Yuda ni Yelusalemu ŵala kuti: “Ŵandu ŵa ku Yuda ni Yelusalemu! Mkwenela kwakulupilila AMBUJE, Mlungu jwenu, nipo timcitamilicika, soni mwakulupilileje ŵakulocesya ŵakwe nipo timcipunda.”

Ekisodo 19:9

Ni AMBUJE ŵamsalile Mose kuti, “Tiyice kwenumwe mwiwunde lyakandapala, kuti ŵandu akambikane patingaŵeceteje ni m'mwejo, soni kuti akakulupilile kwa yaka yosope.” Myoyo Mose ŵasalile AMBUJE, yiŵasasile ŵandu ŵala.

Ekisodo 3:15

Mkasalile Aisalaeli kuti, ‘AMBUJE, Mlungu jwa acinangolo ŵawo, Mlungu jwa Abulahamu, Isaki, ni Yakobo, ni jwele jwandumile kwa jemanja. Lyeleli ni lina lyangu mpaka kalakala. Ŵandu wosope ŵakupagwa msogolo tacingolanga Une ni lina lyeleli.

Ekisodo 3:16

Mjawule mkasonganye acakulungwa wosope Aisalaeli pampepe, mkajile kwa jemanjajo kuti Une, AMBUJE, Mlungu jwa acinangolo ŵenu, Mlungu jwa Abulahamu, Isaki, ni Yakobo ŵambonecele une, ni ŵangombelesye kuti namsalile jemanja kuti, Mlungu ayice kwa jemanja, yosope yakutenda Aiguputo ayiweni.

Ekisodo 3:18

“Jemanjajo takayipikane yitimkasalileyo. M'mwejo ni acakulungwa ŵa ku Isalaeli, mkajawule kwa Mwenye jwa ku Iguputo ni mkamsalile kuti, ‘AMBUJE, Mlungu jwa Ahebeli ŵatusimene uwe. Ni sambano, um'we tukwaŵenda, atukunde tujawule pa ulendo wa masiku gatatu cipululu, kuti tukapelece mbopesi kwa AMBUJE, Mlungu jwetu.’

Ekisodo 3:4

AMBUJE piŵam'weni Mose kuti asepwice kwisa kulola, Mlungu ŵamŵilasile ali mkati mwiwukutu mula kuti, “M'mwe, Mose!” Mose ŵajanjile kuti, “Une ndili apano.”

Ekisodo 3:6

Ni ŵatite, “Une ndili Mlungu jwa atati ŵenu, Mlungu jwa Abulahamu,* Mlungu jwa Isaki ni Mlungu jwa Yakobo.”* Papopo Mose ŵasisile ngope jakwe, pakuŵa ŵajogwepe kumlola Mlungu.

Ekisodo 4:1

Mose* ŵajanjile AMBUJE* kuti, “Nambo Aisalaeliwo ngaja kungulupilila une, atamose kugapikanila maloŵe gangu, pakuŵa takajile kuti, ‘AMBUJE nganamwonecela m'mwejo.’ ”

Ekisodo 4:31

Ŵanduwo ŵakulupilile. Soni piŵapikene kuti AMBUJE ŵayicilile Aisalaeli, ni soni kuti ŵakuweni kulaga kwawo, ŵajineme mitwe jawo pasi ni kumlambila.

Ekisodo 4:4

AMBUJE ŵamsalile Mose kuti, “Mtambasukule ligasa lyenu ni mlikamule ku mcila.” Ni ŵatambasukwile ligasa lyakwe ni ŵalikamwile, ni lyasandwice kuŵa simbo mwigasa mwakwe.

Yesaya 7:9

Cilambo ca Efelemu cikusalilumba ligongo lya m'msinda wakwe wekulungwa wa Samaliya, nipo msinda wa Samaliya ukusalilumba ligongo lya mwenye jwakwe Peka. “Naga ngimkulimbicila pa cikulupi cenu, timcilepela kulimbangana nditu.”

Yelemiya 31:3

Une nawonecele kwa jemanjajo ndili pakutalika. Une namnonyele jemanja ni cinonyelo cangali mbesi, mbele ndili jwakulupicika kwa jemanja mpaka sambano jino.

Yohana 11:15

Une ngusengwa mnope kuti kwaliji kwangali une kweleko ligongo lya yeleyi, kuti jemanja mkulupilile. Tukuŵajilwa sambano kwawula kwa jwalakwejo.”

Yohana 11:42

Une ngumanyilila kuti wawo akusambikanila masiku gosope, nambo nguŵeceta ayi ligongo lya ŵandu ŵali apanoŵa, kuti jemanjaji akulupilile kuti wawojo ŵandumile une.”

Yohana 20:27

Kaneko ŵamsalile Tomasi kuti, “Aŵice cala cawo pegasa pangu, nipo agalole magasa gangu, kaneko atambasukule mkono wawo ni awuŵice mumbalati mwangu. Alece kukayicila nipo akulupilileje!”

Yohana 20:31

Nambo ayi yinduyi ayilembile kuti jemanja mkulupilile kuti Yesu ali Klistu,* Mwanace jwa Mlungu, nipo kuti jemanja akole umi pakukulupilila mu lina lyakwe.

Yohana 5:36

Nambo une ngwete umboni wa une jika wakupunda wele uŵapelece Yohane: welewu ni umboni wa yingutenda, yayili yitendo yiŵambele Atati ŵangu kuti nayitendeje, yeleyi yikuŵeceta ni kulosya kusyesyene mumbelele une, soni yingutendayo yikulosya kuti ndumidwe ni Atati ŵangu.

Masengo 7:2

Sitefano ŵajanjile kuti, “Acalongo acimjangu ni acatati wosope, mumbikanile une. Mlungu jwa lumbili ŵamwonecele nangolo jwetu Abulahamu* piŵaliji ku Mesopotamiya mkanajawule kukutama ku Halani.

Ŵaeblania 11:16

M'malo mwakwe tukulola kuti ŵasosaga cilambo cine cambone mnope, cele cacili cilambo ca kwinani. Ni ligongo lyakwe Mlungu ngakutenda soni kolanjidwa Mlungu jwawo, pakuti Jwalakwe ŵalinganyicisye msinda.