Ekisodo 4:2 - Chiyawo Bible

² AMBUJE ŵamwusisye Mose kuti, “Ana cici cili m'myala mwenu?” Ni ŵatite, “Simbo.”

Ekisodo 4:2 Iomraidhean Croise

Genesesi 30:37

Yakobo ŵajigele nyambi syasiŵisi sya yitela ya mitundu jitatu ja ku cilamboco, ŵatugwagwile makungwa, nipo nyambisyo syawonekaga sya maŵalamaŵala.

2 Ayi 4:2

Elisha ŵamwusisye jwamkongwejo kuti, “Sambano wawo akusaka kuti natendele cici? Asale, akwete cici m'nyumba jawo?” “Nganingola kandu m'nyumba mwangu, akaŵe kabotolo kamawuta gakutelecela basi.” Jwajanjile myoyo jwamkongwejo

Masalimo 110:2

Taciwukusya ucimwene wenu wamacili, kutyocela ku Siyoni* kuti mlamulile pasikati pa amagongo ŵenu.

Ekisodo 4:17

Mkajigale simbo aji jitimkatendele yindu yakusimonjeka m'myala mwenu.”

Ekisodo 4:20

Myoyo Mose ŵajigele ŵamkwakwe ni ŵanace ŵakwe ŵacalume, ni ŵakwesisye pa bulu wosopewo, ni ŵajawulaga ku cilambo ca Iguputo, ali ajigele simbo m'myala mwakwe, jele Mlungu ŵamsalile Mose kuti ajigale.

Ekisodo 7:15

Mjawule kundaŵi mkasimane najo Mwenye jwa ku Iguputo ndaŵi jakwawula ku Lusulo lwa Nayilo, mkalindilile mungulugulu lusulolo, soni mjigale simbo jijasandwice lijoka jila m'myala mwenu.

Ekisodo 7:9

“Naga Mwenye jwa ku Iguputo akuja kumlamula kuti, Mtulosye yindu yakusimonjeka kuti uwe tumkulupilile, m'mwejo Mose mkasalile Aloni kuti, mjigale simbo jenu ni mjiponye pasogolo pa Mwenye jwa ku Iguputo kuti jisyuce lijoka.”

Yesaya 11:4

Nambo tacalamula ŵakulaga mwacilungamo, nipo ŵandu ŵakutulala m'mitima ŵa cilambo capasi tacalamula mwangatenda lusagu. Maloŵe gele taciŵeceta tigaciŵa mpela simbo jakwakwapulila ŵakulemwa, pitacilamula jwalakwejo, ŵandu ŵakusakala taciwulajidwa.

Lefitiko 27:32

Nyama jilijose ja likumi ja kulanga, ng'ombe, ngondolo, kapena mbusi, jili jawo AMBUJE. Nyama ja likumi jilijose jitajiŵalanje mundu jwakucinga, jili jawo AMBUJE.

Mika 7:14

Ŵalakwe AMBUJE, ŵalongole ŵandu ŵawo ni simbo ja ŵalakwe jakwacinjilicisya jemanjajo. Mlolele ngondolo siŵasisagwile. Sambano sikutama jikape mu ukwete pasikati pa cilambo ca cajila. Nambo asikunde kuti sikalye ku mopo wambone, ku Bashani ni ku Giliyadi mpela musyatendelaga kalakala.