Ekisodo 4:1 - Chiyawo Bible

¹ Mose* ŵajanjile AMBUJE* kuti, “Nambo Aisalaeliwo ngaja kungulupilila une, atamose kugapikanila maloŵe gangu, pakuŵa takajile kuti, ‘AMBUJE nganamwonecela m'mwejo.’ ”

Ekisodo 4:1 Iomraidhean Croise

1 Ayi 13:3

Nipo mundu jwakulocesya jwa Mlungu jula ŵaŵecete soni maloŵe gakuti, “Malo gakupelecela mbopesi gelega tigacigumuka nipo liwu liticiŵa pelepo tilicimwalamwasika. Nipo timcimanyilila kuti AMBUJE aŵecete kupitila mwa une.”

Ekisodo 2:14

Jwalakwe jula ŵamwusisye Mose kuti, “Ana ŵani ŵamŵisile m'mwejo kuŵa ŵakutulongolela ni ŵakutulamula uwe? Ana mkusosa kumbulaga une, mpela yimwatite pakumwulaga mu Iguputo jula?” Mose ŵajogwepe, ni ŵaganisisye mu mtima mwakwe kuti, “Ŵandu ayimanyi yindetesile yila.”

Ekisodo 3:15

Mkasalile Aisalaeli kuti, ‘AMBUJE, Mlungu jwa acinangolo ŵawo, Mlungu jwa Abulahamu, Isaki, ni Yakobo, ni jwele jwandumile kwa jemanja. Lyeleli ni lina lyangu mpaka kalakala. Ŵandu wosope ŵakupagwa msogolo tacingolanga Une ni lina lyeleli.

Ekisodo 3:16

Mjawule mkasonganye acakulungwa wosope Aisalaeli pampepe, mkajile kwa jemanjajo kuti Une, AMBUJE, Mlungu jwa acinangolo ŵenu, Mlungu jwa Abulahamu, Isaki, ni Yakobo ŵambonecele une, ni ŵangombelesye kuti namsalile jemanja kuti, Mlungu ayice kwa jemanja, yosope yakutenda Aiguputo ayiweni.

Ekisodo 3:18

“Jemanjajo takayipikane yitimkasalileyo. M'mwejo ni acakulungwa ŵa ku Isalaeli, mkajawule kwa Mwenye jwa ku Iguputo ni mkamsalile kuti, ‘AMBUJE, Mlungu jwa Ahebeli ŵatusimene uwe. Ni sambano, um'we tukwaŵenda, atukunde tujawule pa ulendo wa masiku gatatu cipululu, kuti tukapelece mbopesi kwa AMBUJE, Mlungu jwetu.’

Ekisodo 4:10

Nambo Mose ŵatite kwa AMBUJE, “Pepani Ambuje ŵangu, une jwangapakombola kuŵeceta citandile kala, atamose mumtandilile kuŵeceta ni une jwakutumicila jwenu mula. Lulumi lwangu lukusitopa, jwangapakombola kuŵeceta, ligongo une jwa cimeme.”

Ekisodo 4:30

Aloni ŵasalile acakulungwakulungwa ŵala, yosope yele AMBUJE ŵamsalile Mose, ni ŵayitesile yitagu yosope yakusimonjeka yila, ŵanduwo ali mkulola.

Ekisodo 4:31

Ŵanduwo ŵakulupilile. Soni piŵapikene kuti AMBUJE ŵayicilile Aisalaeli, ni soni kuti ŵakuweni kulaga kwawo, ŵajineme mitwe jawo pasi ni kumlambila.

Ekisodo 6:12

Nambo Mose ŵasalile AMBUJE kuti, “Atamose Aisalaeli acimsyenewo ngakumbikanila une, sambano Mwenye jwa ku Iguputo tikakombolece uli kumbikanila uneji? Paja unetu jwangapakombola kuŵeceta cenene.”

Ekisodo 6:30

Nambo Mose ŵajanjile AMBUJE kuti, “Ŵalakwe akumanyilila kuti paja une jwangapakombola kuŵeceta, nambi Mwenye jwa ku Iguputojo takambikane uli uneji?”

Yelemiya 1:6

Une najanjile kuti, “Aa, AMBUJE Mlungu! Une ndili mwanace, soni ngingumanyilila kuŵeceta.”

Esek 3:14

Macili ga AMBUJE gayice kwa une mwamacili, nipo msimu wakwe wanjigele ni kungwesya, nipo mtima wambwetece ni natumbile.

Masengo 7:25

Nambotu Mose ŵaganisyaga kuti ŵandu ŵa lukosyo lwakwe tacimanyilila kuti Mlungu ŵamsagwile jwalakwe kuti ayice kukwakulupusya, nambo jemanjajo nganamanyilila kose.

Ŵakulamula 6:17

Gidiyoni ŵajanjile kuti, “Naga asengwile ni une, andosye cimanyisyo cakuti yisyene wawo ali AMBUJE.