Ekisodo 26:1 - Chiyawo Bible

¹ “Mkapanganye tenti ja mapopelo ni nguwo likumi syakusalala, syepanganyikwe cenene, sya buluwu, sya papo ni syecejewu. Nguwo syelesi mkasipete cenene ni yitusitusi ya akelubi.

Ekisodo 26:1 Iomraidhean Croise

2 Sam 7:2

Lisiku line Daudijo ŵamsalile jwakulocesya* Natani kuti, “Une ngutama m'nyumba ja ucimwene jakutaŵa ni yitela ya mikungusa, nambo Libokosi lya Cilanga ca AMBUJE likutama mu tenti.”

1 Ayi 6:29

Mapupa ga cipinda cacikulungwa ca Nyumba ja AMBUJE, ni ga cipinda ca mwana ca mkatikati ca Nyumba ja AMBUJE ŵagasalalisye ni yitusitusi ya kusokota ya akelubi, ya migwalangwa, ni ya maluŵa.

1 Mbi 17:1

Mwenye Daudi* ali atandite kutamilicika m'nyumba ja ucimwene, lyuŵa line ŵamsalile Natani jwakulocesya* kuti; “Une ngutama m'nyumba ja ucimwene jakutaŵa ni yitela ya mikungusa, nambo Libokosi lya Cilanga ca AMBUJE* likutama mu tenti.”

1 Mbi 21:29

Pandaŵi jeleji Tenti ja AMBUJE jele Mose* ŵapanganyisye ku cipululu kula, ni malo gakupelecela mbopesi, yosopeyi yaliji ku malo gakulambila ku Gibiyoni;

Ekisodo 25:18

Mungulugulu mwa ciwuniko, kumbali syakwe siŵili, mkapanganye akelubi ŵaŵili ŵa golidi, ŵakusyana ni nyundo.

Ekisodo 25:4

soni nguwo syetonji sya buluwu, syecejewu, ni sya mtundu wa papo. Ayiceje ni nguwo sya bafuta sya kutililika, ni nguwo jakupanganyikwa ni manyunya ga mbusi,

Ekisodo 25:8

Ni akambanganyicisye une Nyumba jangu, jakuti une ngatame pa sikati pawo.

Ekisodo 26:2

Nguwo jilijose jikaŵe mamita 12 ni hafu mcilewu, ni mamita gaŵili mcijipi. Nguwo syosopesyo sikaŵe syakulandana.

Ekisodo 26:31

“Mkatote nguwo jakucijila mkati mwa citenti, jamtundu wabuluwu, wapapo ni wecejewu, ni nguwo ja bafuta jwakutililika, jeluce cenene, ni nguwojo mkajipete ni yitusitusi ya akelubi.

Ekisodo 26:36

“Mkaŵice pa mlango wakwinjilila mu citentimo, nguwo jakuciga ja mtundu wa buluwu, wa papo ni wecejewu, ni nguwo ja bafuta jwakutililika mnope, jeluce ni jepete cenene.

Ekisodo 31:7

Apanganye citenti cakusimanilana une ni ŵandu ŵangu, Libokosi lya Cilanga* ca AMBUJE,* ciwuniko ca libokosilyo, pampepe ni yida yosope ya mu citenti,

Ekisodo 35:11

Apanganye citenti ca AMBUJE, ni yakuwunicila yakwe, yakukolecela, mafelemu gakwe, mitwalo jakwe, njalamila pampepe ni yakwimicila yakwe.

Ekisodo 35:35

AMBUJE ŵapele jemanjaji lunda, lwakupanganya masengo ga mtundu uliwose gakutenda ŵandu ŵa ku sokota, afundi wakulekanganalekangana, ni ŵandu ŵakupanganya nguwo sya mtundu wa buluwu, syecejewu, sya papo ni nguwo sya bafuta sya litonji lya kutililika cenene. Akugamanyilila ni kugatenda masengo ga umisili wa mtundu uliwose.

Ekisodo 35:6

soni nguwo sya litonji sya buluwu, syecejewu ni sya mtundu wa papo. Ayiceje ni nguwo ja bafuta jakutililika, ni nguwo jakupanganyikwa ni manyunya ga mbusi,

Ekisodo 36:35

Ni ŵatotile nguwo jakucijila mkati mwa citenti ja mtundu ŵa buluwu, ŵa papo, ni wecejewu, soni nguwo ja bafuta jwakunyililika, jeluce cenene, ni ŵajipetile ni yitusitusi ya akelubi.

Ekisodo 39:3

Ŵasyanile golidi mwa kwepepala ni ŵamlenjilelenjile, kuti alucile kumo mwa umisili, ni litonji lya buluwu, litonji lya papo, ni litonji lyecejewu, ni kuti alucile kumo ni litonji lya nguwo ja bafuta jakutililika.

Ekisodo 40:2

“Pa lisiku lyandanda lya mwesi wandanda, mkataŵe citenti cakusimanilana ni AMBUJE.

Numeli 3:25

Jemanjajo ni ŵiŵaliji ŵakulamulila ŵa citentico, yakuwunicila yakwe ya mkati, ya kusa, likatani lya pa mlango pakwinjilila,

Numeli 4:25

nguwo syakuciga ku Cipinda Ceswela Mnope, ni tenti pamo ni nguwo syakucinga syakwe, lipende lya mbusi lyakuwunicila penani pakwe, ni nguwo jakucinga pa mlango ŵa ku tenti ja AMBUJE.

Yohana 1:14

Liloŵe lyaŵele mundu, ni ŵatemi pasikati petu. Twaluweni lumbili lwakwe, lumbili luŵalupocele mpela mwanace jumope jwa Atati. Mwa jwelejo ŵatulosisye umbone mtima wa Mlungu ni usyesyene.

Yohana 2:21

Nambo Nyumba ja AMBUJE jiŵagambaga Yesu caliji cilu cakwe.

Ŵaeblania 8:2

Jwalakwe akutumicila mpela Jwamkulungwa jwa ŵakutaga mbopesi wosope pa Cipinda Ceswela Mnope, ni kuti mcitenti cisyesyene cele ciŵataŵile Ambuje ngaŵa mundu iyayi.

Ŵaeblania 9:2

Ŵandu ŵataŵile citenti, nipo mcipinda cakwe candanda mwaliji cakuŵika nyali, tebulo, ni mikate jakupelecedwa kwa Mlungu. Nipo cipinda celeci cakolanjidwaga kuti Malo Gamaswela.

Ŵaeblania 9:9

Yeleyi yili yakuwanicisya cabe, nipo yikulosya ndaŵi ajino. Pakuyicisya kulongosola kweleku mituka ni mbopesi sisikusapelecedwa kwa Mlungu ngaŵamkomboleka kose kuwugalawusya mtima wa jwakulambilajo kuti aŵe jwambone mtima.

Chunukuko 19:8

Jwalakwejo apegwile nguwo jetakate jakunyesima jakutependala kuti awale, jegumbidwe cenene.” (Yakuwala yeswelayo yakunyesima yakutependala yikugopolela yitendo yambone ya ŵandu ŵa Mlungu.)

Chunukuko 21:3

Napikene maloŵe gamacili mnope gakutyocela ku citengu ca ucimwene gacitiji kuti, “Sambano malo gakutama Mlungu gali sikati ja ŵandu. Jwalakwejo taciŵa ni jemanjajo nipo jemanjajo taciŵa ŵandu ŵakweŵakwepe. Mlungu msyene taciŵa ni jemanjajo, nipo taciŵa Mlungu jwawo.