Ekisodo 13:5 - Chiyawo Bible

⁵ AMBUJE ŵaŵisile cilanga* ni acinangolo ŵenu kuti tacimpa jemanja cilambo ca Akenani, Ahiti, Aamoli, Ahifi, ni ca Ayebusi, cilambo celeco cili cakusicila ni cana cajila cambone. Pitacimjinjisya mcilambo celeco, mkatendeje msyungu welewu mwesi wakwe awuno.

Ekisodo 13:5 Iomraidhean Croise

Ekisodo 3:8

ni Une ndulwice kwisa kukwakulupusya, m'myala mwa Aiguputo, ni kwatyosya mcilambo celeco kuja ku cilambo cacikulungwa, cacili cakusicila ni ca cajila cambone, kumalo kwakutama Akenani, Ahiti, Aamoli, Apelesi, Ahifi, ni Ayebusi.

Yoswa 24:11

Jemanja mwajombwece Yolodani ni kwika ku Yeliko. Asilikali ŵa ku Yeliko ŵamenyene ni jemanja, mpela muŵatendele Aamoli, Apelesi, Akenani, Ahiti, Agiligashi, Ahifi, ni Ayebusi. Nambo une namtendesye kuti mwapunde wosopewo.

Ekisodo 6:8

Tingamjinjisye ku cilambo cinalumbilile kuti tinjicipeleka kwa Abulahamu, Isaki ni Yakobo. Tinjicipeleka cilambo celeco kwa jemanja kuti ciŵe cenucenupe. Une ndili AMBUJE.’ ”

Ekisodo 34:11

Mgasunje malamusi gangumlamula lelo jinoga. Tinjatoposya Aamoli, Akenani, Ahiti, Apelesi, Ahifi ni Ayebusi.

Ekisodo 3:17

Mlungu asimicisye kuti tamkoposye ku Iguputo kuno ku mkulaga, ni takamjinjisye ku cilambo cakusicila ni cana cajila cambone, kumalo kwakutama Akenani, Ahiti, Aamoli, Apelesi, Ahifi, ni Ayebusi.’

Detulonomo 26:1

“Patimkajinjile ni kutamilicika cenene mcilambo citakampe AMBUJE* Mlungu jwenu,

Detulonomo 19:1

“AMBUJE* Mlungu jwenu, ali amasile kwajonanga acimsyene cilambo cele cakuja kumpaco, ni jemanja patimkasumule misinda jawo pamo ni majumba gawo, ni kutamilicika mwelemo,

Detulonomo 12:29

“AMBUJE Mlungu jwenu takasijonanje ngosyo sine, ndaŵi jitimkajinjileje mcilambo cawoco, timkacisumule cilamboco ni kutamilicika mwelemo.

Detulonomo 7:1

“Ndaŵi jitimkajinjileje mcilambo cimkuja kutamaco, AMBUJE* takamkamucisye kucisumula cilambo ca Ahiti, Agiligashi, Aamoli, Akenani, Apelesi, Ahifi ni Ayebusi. Ngosyo msano ni siŵili syelesi sikwete ŵandu ŵajinji soni ŵamacili kumpunda jemanja, nambo patimkatande kumenyana nawo,

Numeli 32:11

‘Pangali jumo mwa acalume ŵakwana yaka 70 kapena kupunda juŵatyocele mcilambo ca Iguputo jutacijinjila mcilambo cinaŵisile cilanga* kwa Abulahamu,* Isaki, ni Yakobo* ligongo nginanguya une mwakulupicika.’

Numeli 14:30

Une naŵisile cilanga cakuti jemanja tacitama kweleko, nambo pangali jumo jwa jemanja jutacitamako, nambo Kalebu ni Yoswape basi.

Numeli 14:16

wawo ŵawuleje ŵandu ŵawo mcipululu ligongo nginapakombola kuti ŵajigale ni kwajinjisya mcilambo ciŵatesile cilanga* kuti tacapa jemanjajo.

Ekisodo 33:1

AMBUJE* ŵamsalile Mose* kuti, “Mtyoce akuno pampepe ni ŵandu ŵimwayice nawo kutyocela ku Iguputo, ni mjawule ku cilambo cinaŵisile cilanga* kuti tinjipeleka kwa Abulahamu,* Isaki ni Yakobo.* Nasalile jemanjajo, jele ndaŵijo kuti, ‘Cilambo celeci tinjicipeleka kwa yisukulu yenu.’

Genesesi 50:24

Yosefe ŵasalile acalongo acimjakwe ŵala kuti, “Une sigele panandi kuwa, nambo Mlungu tacimsunga nditu, nipo tacimkoposya mcilambo acino, kwawula namwe ku cilambo ciŵaŵisile cilanga* kwa Abulahamu, Isaki ni Yakobo.”

Genesesi 26:3

Mtame nawo mcilambo celeci, nipo une tinjiŵa namwe, soni tinjimpa upile, pakuŵa tinjipeleka kwa yisukulu yenu yilambo yosopeyi, nipo tinjilocesya kuti tiyitendece yosope yinatite mcilanga cinalumbilile baba ŵenu Abulahamu.

Ekisodo 12:24

Mgapikanile gele malamusiga jemanja, ni ŵanace ŵenu, kwa yaka yosope.

Ekisodo 13:10

Mkwenela kusunga msyungu wa cindimba celeci, pa ndaŵi jiŵicidweji, caka ni caka.

Ekisodo 13:11

“Pitacimjinjisya AMBUJE mcilambo ca Kenani, mpela muŵatendele cilanga kwa jemanja ni kwa acatati ŵenu, ni pitacimpa cilamboco,

Ekisodo 32:13

Ŵakumbucile ŵakutumicila ŵawo ŵala Abulahamu,* Isaki, ni Yakobo* ni yindu yeyila yiŵaŵisile ŵalakwe cilanga* pakulumbila pa lina lyawo, ndaŵi jiŵasalile kuti, ‘Tinjimpa yisukulu yejinji, winji wakwe mpela ndondwa sya kwinani. Tinjiyipa yisukulu yenuyo cilambo cosope cinaŵisile cilanga. Cilambo celeci ticiciŵa cawo mpaka kalakala.’ ”

Lefitiko 20:24

Nambo mbisile cilanga* ni jemanja cakumpa cilambo ca ŵandu ŵeleŵa. Cilambo cakusicila soni ca cajila kuti ciŵe cenu. Namsagwile jemanja kuti mŵe ŵandu ŵakulekangana ni ŵandu ŵa mitundu jine.* Une ndili AMBUJE Mlungu jwenu.

Numeli 11:12

Ana unaŵelece jemanjaji ni une, kuti wawojo asalileje kuti naleleje jemanjaji ni kwajigala kwawula nawo ku cilambo ciŵatesile wawojo cilanga* ni acinangolo ŵawo?

Numeli 13:27

Jemanjajo ŵatite kwa Mose, “Uwe tusondile mwa asili cilambo cila ni tuciweni kuti cakusicila soni cana cajila, ayi ni yine mwa yisogosi yakwe.

Yelemiya 11:5

Myoyo tinjitenda yinatesile cilanga kwa acinangolo ŵenu mwakulumbila, yakuti tinjapa cilambo cangasoŵa cine cilicose, mcilambo cimkutamaci.’ ” Sambano une najanjile kuti, “Yiŵe myoyo, ŵalakwe AMBUJE.”

Yelemiya 32:22

Ŵalakwe ŵapele jemanjajo cilambo acino, niŵasasile kuti tiŵape acinangolo ŵetu, cilambo cangasoŵa kandu kane kalikose.

Esek 20:6

Lisiku lyelelyo ni linatesile cilanga kwa jemanjajo kuti tinjakoposya mcilambo ca Iguputo, ni kwawula nawo ku cilambo cinasagulile jemanjajo, cilambo ca mkaka ni uci, cambone kupunda yilambo yosope.

Ekisodo 6:4

Soni naŵisile cilanga* ni jemanjajo, ca kwapa cilambo ca Kenani, cilambo ciŵatemi ali acalendo.