Ekisodo 13:3 - Chiyawo Bible3 Mose ŵasalile ŵandu kuti, “Mlikumbucileje lisiku limwakopwece mcilambo ca Iguputo, cilambo ca ukapolo, ligongo AMBUJE ŵamkopwesye kwekula ni mkono wawo wamacili. Mkalya cilicose cana cakusasaŵilisya. Faic an caibideil |
Mkatendeje cindimba ca mikate jangali cakusasaŵilisya, mpela munamlamulile, mkalyeje mikate jangali cakusasaŵilisya kwa masiku msano ni gaŵili pa ndaŵi jakwe, m'mwesi wa Abibu,* ligongo pa wele mwesi wa Abibu, ni wumwakopwece jemanja mcilambo cila ca Iguputo. Mundu akayika pameso pangu ali jwangali kandu kakupeleka m'myala mwake.
Jwakulocesya kapena jwakugopolela sagamisi jwalijose, jwele jwakumsalila jemanja kuti mwajimucile AMBUJE Mlungu jwenu, jwele juŵamkulupwisye ku cilambo cimwaliji mu ukapolo, ni kumkoposya mcilambo ca Iguputo, awulajidwe. Mundu jwa mtundu welewo ali jwakusakala, ligongo akusaka kumlekasya litala lyakusaka AMBUJE kuti mlikuye. Awulajidwe jemanjajo, pakutenda myoyo timcityosya cindu cakusakala celeci pasikati penu.
“Mundu akukomboleka kumnyenjelela jemanja pacisyepela kuti mjilambile milungu jine, milungu jele jemanja ni acinangolo ŵenu nginimjilambileje citandilile. Mundu jwakumnyenjelela m'mwejo atamose aŵe mlongo mjenu msyesyene jwakupagwa najo citumbo cimo, atamose aŵe mwanagwenu, atamose aŵe ŵamkwenu ŵakunonyelwa, kapena ambusanga ŵenu ŵa pamtima, mkakunda kujilambila milungu jinejo amta panandi.
Ngalya nyama ja mbopesijo pamo ni mkate wana cakusasaŵilisya. Nambo mlyeje nyamajo pamo ni mkate wangali cakusasaŵilisya, kwa masiku msano ni gaŵili, mpela mumwatendele ndaŵi jimwatyokaga mwakwanguya mcilambo ca Iguputo. Mlyeje mkate welewu utiwucikolanjidwa kuti mkate wa yisawusyo. Pakutenda cindimba celeci timciŵa mli mkukumbucila lisiku limwakopwece ku Iguputo umi wenu wosope.
Ana apali mlungu jwine jwalijose juŵajawile kuja kwajigala ŵandu, kwatyosya pasikati pa lukosyo lwine, ni kwasandusya ŵandu ŵakwe, mpela muŵamtyocesye jemanja, AMBUJE Mlungu jwenu ku Iguputo kula? Jwalakwe ŵayitesile yindu yakusimonjesya yakogoya ni macili gakwe gamakulungwa, soni ŵaputile ngondo, jemanja mli kulola ni meso genu.
“AMBUJE ni ŵasalile kuti, ‘Mtuluce mwitumbi muno citemacitema, ligongo ŵandu ŵenu ŵimwalongolele kutyocela ku Iguputo ŵala, akasile malamusi gangu, ni atesile ulemwa* wekulungwa. Atandite kuŵa ŵandu ŵangambikanila une pa yindu yinalamwile kuti atendeje, ni alipanganyicisye acimsyene mlungu jwagumba.’