EBREEOM 1:8 - Yaqui

⁸ Taa a' u'usi betana, a' Lioj rokaka, inien jiia: Achai Lios, yo'otaka em ane'u jiba betchi'botune. Juna'a intok em yo'otaka nesawe'u, tu'uwa intok lutu'uria ausu'li.

EBREEOM 1:8 Iomraidhean Croise

MATEEO 1:23

Ju'u beeme, a' yoemianee'uta mabetne. Intok o'outa yoemiane. Juna'a san Emanuel ti teane. Lios itomake ti jiubaeme.

LUUKAS 1:75

Si'imemmak wepulsi lutu'uriakamta jiba bo'o jooriaka intok aapo'ik betchi'bo jiba jiapsakai, taewaim, inim itom jiapsa'u tajtia.

JOAN 10:30

Inepo intok ju'u in yo'owa, itepo te nau wepu'ulai.

JOAN 10:33

Jume' juriom intok: ―Katte itepo inia tu'ik em ya'ari betchi'bo enchi mamaabae. Ala ju'u, Liojta beje'eka tua ka tu'ik em teuwaa'u betchi'bo. Empo wepulsi kia yoemtaka, taa intok jiba empo su emo Lios jooa ―ti a' yoopnak.

JOAN 20:28

Junak ju'u Toomas, aapo'iku: ―In yo'owa intok in achai Lios ―ti au jiiak.

ROMAANOM 9:5

Bempo, tua bat naataka katriam, yeu pu'arim, itom yo'owasuka'ummet yoemiarim. Intok junae yoemrata betana, ito benasi a' yoemtuka' betchi'bo, ju'u Jesukrijto, inim yoemtuk. Aapo, ju'u si'imeta bepa Liojtakai, jiba yuu betchi'bo a' yo'orinaa'uta au aune. Intok tua junuentune.

1 KORINTIOM 15:25

Bwe'ituk ju'u yo'owe Jesukrijto, inika'a kee yeu weyeo, inia bepat bat, inim bwiapo si'imekut nesaweka a' yejnee'uta au lutu'uriatune, jume' a' ee beje'eka aneme am koba'asu'po tajtia.

1 TIMOTEEO 3:16

Ju'unakkiachisi lutu'uria ini'i itom suale'u betana, wepulsi au emo su'u tojirika, ka sep lauti a aet ju'uneetu'uu. Maa su, inen ji'ojtei: Lios, aapo ito benasi au yaaka, inim au yeu machiak. Liojta tu'u jiapsi aet aneka, aapo wepulsi tu'ika jiba aet ayuka jiapsak. Jume' ankelesim betana bittuk. Inim bwiapo si'ime ka nanau machi yoemratau aapo'ik betana ameu bicha teuwaatuk. Inim bwiapo jiapsame betana sualtuk. Chukula intok, juchi teekau mabettuk.

2 PEEO 1:11

Junuen, kaita emoaj ayukai, eme'e tu'isi aman mabettune, itom yo'owe Jesukrijtota, juka' itom jinne'ukamta, jiba betchi'bo si'imem bepa che'a yo'o nesaweka a' kateka'u.

1 JOAN 5:20

Intok ketchia, itepo ju'unea, juka' Liojta u'usita, a'abo a' yepsaka'po. Intok junaka'a, koba suawata itot a' autuaka'po, junuen, tua juka' lutu'uriapo, achai Liojta itom a' ta'aane' betchi'bo. Aapo'ik yoemiata, Jesukrijtota sualeka, lutu'uriapo Liojtamak eaka te jiapsa. Ini'i juna'a, ju'u tua lutu'uriapo Lios, intok ju'u jiba yuu jiapsiwamta yetet autuame.