Zefaniah 3:8 - Bible Ni Thothup

⁸ Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.

Zefaniah 3:8 Iomraidhean Croise

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 123:2

Bod ba tapigpig nma toer ngak e masta rok, bod ba yarif nma toer ngak e re bpin nma pigpig ngak, ere aram rogon ni kayiggu changargad ngom, i gur SOMOL ni Got romad, nge taw ko ngiyal’ nike wurengan’um ngomad.

Psalms 27:14

Mu pagan’um ngak SOMOL! Nge michan’um ngak, dabi mulan’um. Mu pagan’um ngak SOMOL!

Psalms 37:34

Mpar ni SOMOL e ke l’agan’um ngak mu’um fol ko tin keyog; me tolang nigem ngam tafnay e binaw, ma bay mu guy e pi’in kireb ni kan tulufrad.

Psalms 37:7

Mu gum’an ngam sonnag SOMOL ni ir e nge maruwel; dabi awan’um ngak e pi’in ke yo’or ban’en rorad, ara pi’in kefel’ rograd ni bochan e sasalap.

Psalms 62:1

Gu be gum’an nigeg gu be sonnag Got ni nge ayuwegneg; kemus ni ir e gu ma toer ngak.

Psalms 62:5

Kemus ni Got e gu be toer ngak; ni ir ke l’agan’ug ngak.

Psalms 79:5

SOMOL, ga ra par ni gab damumuw ngomad ni dariy n’umngin nap’an? Ra par e damumuw rom ni be yik’ ni bod ba nifiy ni dabital?

Psalms 79:6

Mu cheleg e damumuw rom nge sap ko pi nam ni darir liyorgad ngom, nge nga daken e girdi’ ni der meybil ngom.

Proverbs 20:22

Dab mu tay nga lanin’um ni ngam fulweg taban e kireb. Mu pagan’um ngak SOMOL ya ir e ra fal’eg nge fel’.

Tang Ko Pitang 8:6

Mu ning an’um ko gubin e adag kemus ni birog e ngam bing ngay; dariy be’ ni ngamun’ ngalan ngorngorem kemus ni go’ gag. Adag e bod feni gel gelngin e yam’; amithun e adag e bod feni gel e yam’. Ma gabulbul e daramram riy nge gak’ ni bod ba nifiy nib gelmirin.

Isaiah 14:26

Irera’ e n’en ku gu leamnag ni fan ko fayleng, ma pa’ag e ka ba k’iy ni nge gechignag e pi nam.”

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 34:2

I SOMOL e ke damumuw ngak gubin e nam nge gubin e salthaw rorad. Ke gechig nagrad ni ngan thang e pogofan rorad.

Isaiah 63:6

Fithik’ e damumuw rog e gotgot’ e pi nam riy ngar masengsenggad, me wear e racha’ rorad u but’.”

Jeremiah 10:25

Mu sapeg e damumuw rom ko pi nam ndarir liyor gad ngom nge nga daken e pi’in ni ka ra furyed gur. Kar li’ed e girdi’ rom; ma karted gamad ko bin but’ e fol ka ra paged e nam romad ni dakriy woton u but’.

Hosea 12:6

Ere chiney, e pi’in owchen Jakob, mu pagan’med ngak e Got romed migmed sul ngak. Mu yul’yul’gad mi gimed rin’ e tin bmat’aw, migmed sonnag Got u fithik’ e gumaen’ ni nge mang ir e rin’ ban’en.

Joel 3:2

Ma bay gu kunuy urngin e nam, nggu fekrad ko Loway ko Pufthin. Nu rom e bay gu pufthin nagrad riy ni bochan urngin e tin kar rin’ed ko girdi’ rog. Kar wereged piyu Israel u lan e pi nam i yan ma kar th’eth’abed kar f’oethed yu Israel, ni gag e nam rog.

Mikah 7:7

Machane gag e gu be toer ngak SOMOL. Bay ug par nike l’agan’ug ngak Got ma gu be son nag, ya ir e bayi ayuwegneg; Got rog e bayi rung’ag lungug.

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Zefaniah 1:18

Rofen nem e rra dag SOMOL gelngin e damumuw rok, ni mada’ nga urngin e silber nge gol rorad e dabyag ni nge aywegrad. Ga’ngin e fayleng ni bayi mogothgoth nga nifiyen e damumuw ni talyag rok. Ma bayi museg e yafos rok urngin e girdi’ nu fayleng nrib tomgin.

Haggai 2:22

mug gathay gil’ilungun e pilung mug taleg gelingrad. Bay gu pulpuliy e pi chariot nge pi girdi’en e yan riy; ma bayi yim’ e pi os, ma pi girdi’en e yan u os e bay ra chelgad ngorad ngu’ur thanged e fan rorad.

Matthew 25:32

ma urngin girdi’en e pi nam nu fayleng ni bay ni kunuyrad nga p’eowchen. Me ere weregrad ngar l’agruw ulunggad, ni bod rogon e en nma gafaliy e gamanman nma fek e saf nge chuwegrad u fithik’ e kaming:

2 Peter 3:10

Ya chirofen ni Rran rok Somol e bayi taw ni bod rogon ba moro’ro’. Chirofen nem e bay yan nga bayang lanelang ni be falgear lingan, ma urngin e tin ni bay u lanelang ban’en ni bayi yik’ nge kireb, ma fayleng nge urngin e tin bay riy e bayi chuw.

Revelation 16:1

Ma aram mu gu rung’ag ba lam ni ba ga’ ni be non u lan fare Tempel ngak fa medlip i engel ni be ga’ar, “Mmarod mpu’oged fa medlip raba’ i plet ni bay e damumuw rok Got riy nga daken e fayleng!”

Revelation 16:14

Yad e kan ni mo’onyan’ ni yad ma ngongliy e maang’ang. Dalip i kan ney e ka ranod ngak e pi pilung u fayleng ni polo’ ni ngar kunuyed yad nga ta’bang ni fan ko mael ni fan ko fare rran ni ba ga’ fan, ni Rran rok Got ni Gubin ma Rayag Rok.