Zefaniah 3:2 - Bible Ni Thothup

² Der ma motoyil ngak SOMOL ara fel’ u wan’ e fnow. Der ma pagan’ ngak SOMOL ara ning e ayuw ngak.

Zefaniah 3:2 Iomraidhean Croise

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Psalms 10:4

Pi’in kireb e dariy fan SOMOL u wan’rad; mu fithik’ e tolngan’ rorad e yad ma leamnag ni dariy rogon Got.

Psalms 50:17

Ka mu siyeged e fonow rog; ka mu n’iged e tin kug ta’chiylen.

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

Psalms 78:22

ya dariy e michan’ rorad ngak ma de mich u wan’rad nra ayuwegrad.

Proverbs 1:7

Ra nge tamilangan’um, ma som’on e thangri yib madgun SOMOL u lanin’um. Girdi’ ni balyang e dariy fan e gonop u wun’rad, ma daburad ni ngar folgad ko fonow.

Proverbs 5:12

ma bay mu ga’ar, “Mang ni da’ug fol? Mangfan ni dagpag be’ nge yal’uwegneg?

Isaiah 1:5

Mangfan ni kayugu mpired ni gimed be togopluw? Mogned, gimed ba’adag ni ngan gelnag e gechig ngomed? Israel, lolugmed e ke polo’ i maad’ad, ma lan gum’ircha’med nge lanin’med e ke m’ar.

Isaiah 29:13

Ke ga’ar SOMOL, “Pi girdi’ ney e yad be yog ni yad be liyor ngog, machane thin rorad e bm’ay fan, ya lanin’rad e basap ngabang. Pigpig ni yad be tay ko raba’ i taliw rorad ney e dariy rogon ya kemus ni motochiyel ko girdi’ nge yalen rorad, ni aram e tin ke mit ngorad yakar filed ke mit ngorad ni churu’.

Isaiah 31:1

Pi’in yad ra yan ko man ayuw nga Egypt e kar riya’gad! Yad be toer nga gelngin yu Egypt, ni os, nge chariot nge salthaw. Ya darir toergad ngak SOMOL, ni fare Got nu Israel nib thothup, ara ra weniggad ngak ni nge ayuwegrad.

Isaiah 43:22

Be ga’ar SOMOL, “Machane gathigag e um meybilgad ngog; ya chalabanmed yu Israel ngog.

Isaiah 9:12

Syria ko ngek me Filistia ko ngal e kar falew langrow ni ngar ful’ew yu Israel. Ni yugu aram rogon ma damumuw rok SOMOL e daworimus; kab k’iyeg pa’ ni nge gechig.

Jeremiah 13:25

I yog ni irera’ e n’en ni nge buch romed. Irera’ e n’en ke leamnag ni nge rin’ ngomed, ni bochan e ka mu paged talin ke l’agan’med nga yug boch e got ni go’ bogi ban’en.

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Jeremiah 22:21

I SOMOL e non ngom fa ngiyal’ ni bfel’ rogom, machane i gur e mu siyeg ni ngam motoyil. Irera’ e n’en ni um rin’ u n’umngin e yafos rom; dariy e ngiyal’ ni mu fol rok SOMOL.

Jeremiah 32:33

Ka ra pi’ed keru’rad ngog; yug aram rogon ni da gu tal i machib nagrad, dariy e ngar motoyilgad ngar nanged.

Jeremiah 35:17

Ere chiney, I Gag, fare SOMOL ni Gubin ma Rayag Rok, ni Got rok yu Israel, e bay gu fek nga daken e girdi’ nu Judah ngu Jerusalem gubin fapi riya’ ni kug micheg. Bay gu rin’ ni aray rogon ni bochan e damur motoyilgad ko ngiyal’ ni gu be non ngomed, ma damur fulweged lungug ko ngiyal’ ni gu be piningmed.”

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Ezekiel 22:24

ni ga’ar, “Fak e girdi’, mog ngak yu Israel ni but’ rorad e de thothup, ni aram e nggu gechignag u fithik’ e damumuw rog.

Ezekiel 24:13

Jerusalem, ngonglem nib kireb e ke alit nigem ni yug aram rogon ni gu be guy rogon ni nggu machalbog nigem, maka ga be par ni gab alit. Dab kum machalbog bayay nge mda’ ko ngiyal ni kam thamiy ga’ngin gelngin e damumuw rog.

Zefaniah 1:6

Bay gu thang mit e pi’in kar pi’ed keru’rad ngog nda kurir lekedgag, ni pi’in nda kurirbad ngog ara ra ninged e ayuw ngog ni nggu pow’iyrad.”

2 Timothy 3:16

Ya urngin e thin ni bay u lan e babyor nib thothup e Got e yib i pi’ nga laniyan’ e girdi’ ngar yoloyed nga babyor, me ir e ba ga’ fan ya ma fil e tin nib riyul’ e thin ngodad, ma be yal’uweg e tin ni be oloboch e girdi’ riy, ma be fulweg e girdi’ ko ngongol ni bfel’, ma be fonownag e girdi’ u rogon e ngongol ni ngar pired riy ni ir e bmat’aw u mit Got,

Hebrews 10:22

Ere ngad chuchugurgad ngak Got ni gadad ba yul’yul’ u lanin’dad ngak ma mmich u wun’dad nder maruwaran’dad rok, nge lanin’dad ni kan be’echnag ndakir yog ngodad ban’en nib kireb ni kad rin’ed, nge dowef ni kan maluknag ko ran nib machalbog.