Zefaniah 3:14 - Bible Ni Thothup

¹⁴ Gimed e girdi’ nu Israel, mu tanggad mi gimed garusnag e felfelan’! Gimed yu Jerusalem, mu felfelan’ gad u polo’ i lanin’med!

Zefaniah 3:14 Iomraidhean Croise

Nehemiah 12:43

Rofen nem e bo’or e maligach nni pi’, ma kesugnag e felfelan’ e girdi’ ni Got e kepi’ ngorad kar felfelan’gad. Me un e pi’in ppin nge bitir ko fare madnom, ma lamrad ni yad gubin e yira rung’ag nga palog.

Psalms 14:7

Ri gu be meybil nu Zion e nge yib e ayuw riy ngak yu Israel! Rib gel e felfelan’ nra tay e girdi’ nu Israel nap’an nra fal’eg SOMOL rograd bayay!

Psalms 149:2

Israel, nge felan’um, ni bochan e En ni Sunumiyem; girdi’ nu Zion, nge felfelan’med ni bochan e pilung romed!

Psalms 97:8

Ke felan’ e girdi’ nu Zion, nge pi binaw nu Judah e yad be felfelan’ ni bochan e tin ka mu tirigiliy, I gur SOMOL.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 29:19

Pi’in gafgow nge pi’in sobutan’ e yad ra pir’eg fare felfelan’ bayay nma pi’ SOMOL, ni fare Got nib thothup nu Israel.

Isaiah 35:2

Ted ni desert e bayi tang ma be tolulnag e felfelan’; bayi bod feni fel’ ya’an e Burey nu Lebanon, ma ba yong’ol e but’ riy ni bod e ted u Karmel ngu Sharon. Gubin e girdi’ ni bayi guy e muluplup rok SOMOL, nge feni ga’ nge feni gel gelngin.

Isaiah 37:22

SOMOL e ga’ar, “Sennakerib, fare binaw nu Jerusalem e be minmin ngom, ma be moning nagem.

Isaiah 40:1

Be ga’ar e Got rodad, “Mu fal’eged laniyan’ e girdi’ rog, mu fal’eged laniyan’rad!

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Isaiah 52:9

Pin’en ni ka ni buthug u Jerusalem, mu tolul niged e felfelan’. SOMOL e ke fal’eg laniyan’ e girdi’ rok; ke chuweg fare binaw rok u pa’ e to’ogor rok.

Isaiah 54:1

Jerusalem um par ni bod be’ ni bpin ndariy e bitir rok. Machane chiney e rayag ni ngam tang ma ga be garusnag e felfelan’. Ya chiney e bayi yag e bitir ngom nib pire’ boch ngak be’ ni bpin ni der chuw figirngin u charen!

Jeremiah 30:19

Girdi’ nma par u rom e bay ra tang niged e og magaer nge sorok; ma bay ra tolul gad ngalang ko felfelan’. Fal’eg wa’ath rog ngorad e ngar yo’or gad; towa’ath rog ngorad e bay un tay farad.

Jeremiah 31:13

Ma pi’in nrugod e bay ur churu’ gad ni kar felfelan’ gad, ma pumo’on, ni tin nib pagel nge tin ke pilibthir, e bay ra felfelan’ gad. Bay gu fal’eg lanin’rad mu gu pingeg e meyor ni yad be tay nge ngal’ ni felfelan’, ma kireban’ ni yad be tay e bay gu pingeg ko felfelan’.

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Joel 2:23

’Mu felfelan’gad e girdi’ nu Zion, mu felfelan’ gad ni bochan e tin ke rin’ SOMOL ni Got romed ngomed. Ke pi’ ngomed e n’uw ni bfel’ urngin ko ngiyal’ ndabisiy ni nge yag ngomed, ni bod ni i rin’, ma ke pu’og e n’uw nga but’ u nap’an e garbeb ni fan ngomed, ma ke pi’ e n’uw u ngal’an e yafang nike tabab e gowel ni bod ni i rin’ ko som’on.

Mikah 4:8

Me gur, Jerusalem, ni gur tagil’ Got ni mapar riy, ni bod ba tagafaliy e saf u lan tafen e damit rok, ngi i changar nga daken e girdi’ rok, e bay kum mang bayay lolgen fare lung ni immoy ni fanam.

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”