Zefaniah 3:10 - Bible Ni Thothup

¹⁰ Mus ko girdi’ ni gu weregrad nga Ethiopia nib palog e bay ra feked e maligach rorad i yib ngog.

Zefaniah 3:10 Iomraidhean Croise

Psalms 68:31

Pi owchen reb e nam nga reb e bay rabad u Egypt; piyu Ethiopia e bay ra tininged pa’rad ngalang ngar meybilgad ngak Got.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Isaiah 11:12

I Somol e bay i n’uf bang i flak ngalang ni nge dag ko pi nam ni be kunkunuy bayay nga ta’bang fapi girdi’ nu Israel ngu Judah nra werwergad ko fa aningeg i tabthung ko fayleng.

Isaiah 18:1

Ba’ nem e pi lul’ nu Ethiopia e bay bbinaw riy ni yima rung’ag lingan pon ban’en riy.

Isaiah 18:7

Ra taw nga bangiyal’ ma bay un pi’ e maligach ngak SOMOL ni Gubin ma Rayag Rok ko re nam ney nike th’eth’ab e pi lul’, ni re nam ney nib maduwgil ma ba gel gelngin, ni girdi’ riy e ba n’un’uw ma ba pachpach downgin, ni yima rus ngorad u ga’ngin e fayleng. Bay rabad ko Burey ni Zion, ni aram e gin yima liyor riy ngak SOMOL ni Gubin ma Rayag Rok.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

John 7:35

Me yog e pi tolang ko Jew u fithik’rad ni lungurad, “U uw e ke chugur ni nge yan ngay ndab kud pir’eged? Gur bay yan ko pi binaw rok yu Greece ko yungi n’en ni be par piyu Israel riy ngi i machibnag piyu Greece?

Acts 24:17

“Nga tomuren in e duw ni ug milekag i yan nda gu moy u Jerusalem, mu gu sul nga Jerusalem ni kug fek bogi salpiy ni nggu pi’ ngak e girdi’ ko nam rog ni girdi’en Kristus mu gu pi’ bogi maligach.

Acts 8:27

Ma aram me fal’eg Filip rogon nge mu’ me yan. Ma bay be’ u Ethiopia ni be’ nib eunuch ni be sul i yan ko binaw rok. Re mo’on nem e be’ nib tolang nri ba ga’ fan, ya ir e mmil fan e salpiy rok ba queen nu Ethiopia ngak. I yib nga Jerusalem ni nge meybil ngak Got, me sul u ba karrow rok ni be girengiy e os. Nap’an ni bay u daken e re karrow nem ni be sul ma be be’eg e thin ni bay ko fare bak babyor ni yoloy Isaiah ni profet.

Roma 15:16

ni nggu mang ba tapigpig rok Kristus Jesus, ni nggu maruwel ni fan ngak e pi’in gathi yad piyu Israel. Gu be pigpig ni bod rogon ba prist ni gu be machibnag e Thin Ni Bfel’ ni yib rok Got, ni bochan e nge yag ni mang e pi’in gathi yad piyu Israel reb e maligach nib m’agan’ Got ngay, ni fare Kan Nthothup e ke gagiyegnag nge ydorom.

1 Peter 1:1

Re babyor ney e yib rok Peter ni ir e apostel rok Jesus Kristus — Ngak girdi’en Got ni Got e mel’egrad ni kar weargad ko nug nu Pontus, ngu Galatia, ngu Kappadocia, ngu Asia, ngu Bithynia ni yad be milnag e pogofan rodad.