Zefaniah 2:3 - Bible Ni Thothup

³ Mu sulod ngak SOMOL, gimed gubin girdi’en fare binaw nib sobut’an’med, ni gimed ma fol ko tin ni yog. Mu rin’ed e tin bmat’aw, mi gimed sobut’ nagmed u p’eowchen SOMOL. Ma aram e sana gimed ra thay ko gechig ko fare rran ni nge dag SOMOL e damumuw rok.

Zefaniah 2:3 Iomraidhean Croise

2 Samuel 12:22

Me fulweg David ni ga’ar, “Errogon, gu pag e abich mu ug par ni gu be yor ko ngiyal’ ni ba’aram ni kab fos. Ya gu finey ni bayi runguyeg SOMOL nge gagiyegnag nge dabi yim’ fare tir.

Psalms 105:4

Mman ngak SOMOL nge ayuwegnem; mu’um liyor ngak ni gubin ngiyal’.

Psalms 149:4

I SOMOL e ba felfelan’ ngak e girdi’ rok; ma tolangnag e pi’in nib sobutan’rad nma gel nagrad.

Psalms 22:26

Pi’in ndariy ban’en rorad e yad ra kay urngin e tin yad ba’adag; pi’in yad be yib ngak SOMOL e bay ra pininged e sorok ngak. Manga yu gur pired ni bfel’ rogorad ndariy n’umngin nap’an!

Psalms 31:20

Ga ma mithagrad u p’eowchem ndariy ban’en nra buch rorad rok e pi makath ko girdi’; kam mithagrad nga tan ba manaf ndabi buch ban’en rorad ko pi yaba’ ni be tay e pi to’ogor rorad.

Psalms 45:4

Mman u fanam falu’ ngam gel ni fan ko tin riyul’ nge tin bmat’aw gelngim e ra i gel nigem ko pi mael!

Psalms 57:1

A Got, nge wurngan’um ngog, ma ga runguyeg, ya kugub ngom ni nggu naf nga tan pa’am. taglul’ u tan pom e kug naf ngay nge taw ko ngiyal’ nike m’ay e yoko’.

Psalms 76:9

nap’an ni mu sak’iy ngam weliy e n’en ni ka mu tirigiliy, ni ngan ayuweg gubin e pi’in yibe gafgow nagrad u fayleng.

Psalms 91:1

En nra yan ngak SOMOL ni nge dabi buch ban’en rok, en be par u tanggin gelngin e ayuw rok e En ni Gubin ma Rayag Rok,

Exodus 12:27

ma nge lungumed, ‘Irera’ e maligach ko Paluk’af ni yibe liyor ngak SOMOL, ni bochan e luk’af e pi naun rok piyu Israel u lan yu Egypt ko fa ngiyal’nem ni thang e fan rok piyu Egypt me pag e pi tabinaw rodad nde bit’ ko girdi’ riy.’” Me ragbug fapi girdi’ nga but’ ngar liyorgad ngak SOMOL.

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Isaiah 1:17

mi gimed fil rogon i rin’ e fel’. Mu guyed ni tin mat’aw e nge lebug, mu ayuweged e pi’in yibe gafgow nagrad, mpi’ed mat’wun e bitir ni kanim’ rorad, mi gimed mang yoror rok e pi’in ke yim’ figirngirad.”

Isaiah 11:4

ra pithig e oloboch rok e pi’in gafgow nrogon nib mat’aw me n’ufeg mat’wun e pi’in dariy ban’en nrayag rorad. Yug ra pag lungun min gechignag e pi nam, me yim’ e pi’in kireb.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Jeremiah 39:18

Bay gu ayuweg e pogofan rom nge dab ni li’em ngamum’. Bay mu thay ni dab mum’ ni bochan e pagan’ rom ngog. I Gag SOMOL e kugog e pi thin ney.”

Jeremiah 45:5

Mog ga be guy rogon ni gur e ngan rin’ ban’en ngom ni yugub thil ko girdi’? Dab mu rin’ ni arrogon. Ya nggu fek e riya’ nga daken gubin e girdi’, ma gur e gu ra aywegem ko yam’ u gubin yang ni ga ra yan riy. I Gag SOMOL e kugog e pi thin ney.”

Ezekiel 13:5

Darir matanagiyed e yungin ke puth e rungrung, ma ku dariy e ngar ubungiyed e rungrung, ere yu Israel e dabyag i ayweg ko ngiyal’ nike yib e mael ko fare rran rok SOMOL.

Hosea 10:12

Me lungug, ‘Mu gi’ed bang e but’ ni kab be’ech ni fenmed, mu yunged e tin bmat’aw, migmed t’ar wom’ngin ni fel’ wa’athan nma yib u fanmed yul’yul’ ngog. Ke taw nga nap’an ni ngam chealgad ngam sapgad ngog, ni Gag SOMOL romed, mu gub gu pu’og e fel’ wa’athan rog nga dakenmed.’

Hosea 7:10

Tolngan’ rok e girdi’ nu Israel e ir ke togopluw ngorad. Yug aram rogon urngin e tin ke buch rorad, ma dar chealgad ngar sulod ngog, ni gag fare SOMOL ni Got rorad.

Jonah 3:9

Ma aram e sana ra thiliyeg Got laniyan’; ma sana ra tal e damumuw rok, me siy da m’ad!”

Zekariah 8:19

“Fare pag abich ni yima tay ko bin ni aningeg, lal, medlip, nge bin ragag e pul e nge par ni bogi madnom ko felfelan’ nge paslagan’ rok e girdi’ nu Judah. Thangri t’uf romed e tin rriyul’ nge gapas.”

Matthew 5:5

“Nge felan’ e pi’in nib sobut’an’rad, ya rayag ngorad e tin nike micheg Got nra pi’!

1 Thessalonika 4:1

Pi walagmad ni girdi’en Kristus, kabay aray ta’a ban’en, kam filed romad rogon ni ngu’um pired nib m’agan’ Got ko n’en ni gimed be rin’ ma bmuduwgil ni aray rogon ni gimed be par. Ere chiney e gamad be wenig ngomed ma gamad be ta’mad ngomed u fithingan Somol ni Jesus ni ngam athamgilgad boch.

1 Thessalonika 4:10

Ma ireray rogon e ngongol ni kam rin’ed ngak urngin e pi’in girdi’en Kristus ni walagmed u lan yu Macedonia ni ga’ngin. Ere gamad be wenig ngomed, pi walagmad ni girdi’en Kristus ni ngu’um athamgilgad boch.

1 Peter 1:22

Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.

1 Peter 3:4

Ya lanin’med e nge par nib pidorang, ni aram e pidorang ni dabi m’ay ni aram e leam nib sumunguy ma ba gapas, ni ir e ba ga’ fan u mit Got.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.