Zefaniah 1:9 - Bible Ni Thothup

⁹ Bay gu gechignag e pi’in yad ma meybil ni bod e pi’in dar nanged Got ma yad ma mororo’ ma yad ma mathang pogofan ni fan e ngar sugyed e naun rok e masta rorad ko chugum nra feked u yargal.”

Zefaniah 1:9 Iomraidhean Croise

Nehemiah 5:15

Gubin e pi’in ur governor gad ni yad ba m’on rog e ur tomal niged e girdi’, ya ur feked e ggan nge wayin ko girdi’ ma yad be yog nra reb e rran ma nge pi’ e girdi’ aningeg i ragag e silber ni salpiy. Mus ngak e pi tagpigpig rorad mu’ur gafgow niged e girdi’. Machane gag e ba thil e ngongol rog, ni bochan e ug tayfan Got.

Proverbs 29:12

Be’ nma gagiyeg e fa’anra i motoyil ko tin nde riyul’, ma gubin e pi’in tolang ko maruwel rok e bay ur bangad.

Jeremiah 5:27

Nri bod be’ nib tamun arche’ nike suguy tafen e arche’ rok ko arche’, naun rorad e ka ra sugyed ko chugom ni ur laegged. Aram fan nike gel gelingrad ma kefel’ rograd,

Amos 3:10

Be ga’ar SOMOL, “Pi girdi’ ney e yad be suguy e pi naun rorad ni gagang’ ko chugum nra feked u fithik’ e kireb nge yargal. Dar nanged rogon ni ngar yul’yul’gad.

Mikah 6:12

Pi’in yo’or ban’en rorad u lan binaw e yad be bannag e pi’in gafgow u puluwon e chugum. Ya gimed urngin ni gimed ma lifith l’ugunmed.

Zekariah 5:6

Mug fith ni lungug, “Ba mang?” Me fulweg ni ga’ar, “Ba dug, ni be yip fan e denen ko fare nam ni polo’.”

Acts 16:19

Ma nap’an ni nang fa picha’ nib milfan fare pin ngorad ndakuriy e gin ku ra yib e salpiy riy ngorad, miyad kol Paul nge Silas ngar girngiyed yow i yan ngabang ni yima mu’ulung ngay nga p’eowchen e pi’in yad be yog e thin.

Judges 19:27

Me od figirngin fare bpin e re kadbul nem ma nap’an ni bing e mab ni aram e nge yan, me pir’eg fare bpin rok nib thig u but’ u mit e naun ni kab k’iy pa’ ni i guy rogon ni nge dead ko mab.

1 Samuel 5:5

(Ara’ fan ni mus ko bin daba’ e rran ni pi prist rok e re got nem ni Dagon nge urngin e girdi’ ni yad ma meybil ngak u lan yu Ashdod e yad ma luk’af e gin’em ndari ranod u daken.)