Zefaniah 1:17 - Bible Ni Thothup

¹⁷ Me ga’ar SOMOL, “Bay gu pag e gafgow nrib gel nge yib ngak e girdi’, nga uranod ni bod bmalmit ni be gay e kanawo’, ya kar denen gad nib togopluw ngog. Ere chiney e bay ni pu’og racha’rad nga but’ ni bod e ran, ma pi ldow rorad e bayi mel u but’.”

Zefaniah 1:17 Iomraidhean Croise

Psalms 83:10

Gur e mu gel ngorad u Endor, ni mel e ldow rorad u daken e but’.

Isaiah 29:10

I SOMOL e ke k’ar chuchuw ngom, ni be n’en ni ngam mol ni dabki od oram. Fapi profet e ngar manged owchen e girdi’, machane Got e ke ning owchrad.

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.

Jeremiah 10:18

I SOMOL e nge yon’med nga wuru e re binaw ney; ni nge parsiymed nge taw ko ngiyal’ ndakriy be’ nra magey. I SOMOL e be non.

Jeremiah 15:3

I Gag SOMOL e kug duwgiliy ni aningeg ban’en nib gel e gafgow riy e nge yib ngorad: bay nli’rad ko saydon ngarm’ad; ma dowef rorad e bay yib e pilis ngi i girengiy; bay yib i par e arche’ ngi i longuy; ma gamanman ni malboch e bay yib i longuy e tin ke magey ko dowef rorad.

Jeremiah 18:21

Machane chiney SOMOL, e gu be wenig ngom ni ngam pag pifakrad nge math e fan rorad ni uyongol; ma ga pagrad ngan li’rad u fithik’ e mael. Mu pag e pi’in ni ppin nge thay figirngirad nge pifakrad u pa’rad; mu pag e pi pumo’on ngarm’ad ko liliy, ma ga pag e pi’in ni pagel ngan li’rad u fithik’ e mael.

Jeremiah 2:17

Israel, i gur e kam girengiy e biney e pa’ nga dakenam! Ya mu pi’ keru’um ngog, I Gag SOMOL ni Got rom, fa ngiyal’ ni gu be pow’iyem i yan u daken e kanawo’.

Jeremiah 2:19

Kireb rom e bayi gechig nigem, ma rogon ni ka mu pi’ keru’um ngog e bayi turguy e gechig rom. Bay mu nang rogon feni gel e mo’oy nge kireb riy ni ngan pi’ keru’uy ngog, fare SOMOL ni Got rom, min par ndakunir yul’yul’ ngog. I Gag fare SOMOL ni Th’abi Tolang ma Gubin ma Rayag Rok, e kugog e pi thin ney.”

Jeremiah 3:25

Thingar da thiggad nga but’ u fithik’ e tamra’ nge mang m’ayfan rodad e upnguydad. Gadad nge pi chitamangidad kakrom e gubin ngiyal’ ni u da denengad nib togopluw ngak SOMOL ni Got rodad, ni da ud folgad ko tin ni yog.”

Jeremiah 4:18

Judah, kam girengiy e biney nga dakenam u rargom ni um par nge rogon e pin’en ni um rin’. Denen rom e ke k’aring e biney e gafgow; ya ke rag nga gumircha’em.

Jeremiah 8:2

Susun e ngan kunuy nga ta’bang ngan key’ag, ma yilrad e kan wereg u but’ ni bod t’ay e gamanman. Bay ni wereg u tarma’en e yal’, nge pul, nge t’uf, ni er e pin’en ni ba’adag e pi girdi’ ney ni ur pigpiggad ngay, mu ur ninged e ayuw ngay ma yad be tay fan.

Lamentations 1:14

“Ke fek babyoren urngin e denen rog ke m’ag nga ta’bang; Ke the’ nga bilel’ugnag, ni tomalngin e rib tomal nike m’aynag gelngig. I Somol e ke pi’eg nga pa’ e pi to’ogor rog, ni dariy gelngig u pulowrad.

Lamentations 1:18

“Machane SOMOL e ir e bmat’aw, ya gag e da ug fol rok. Mmotoyil gad ngog, gimed e girdi’ u gubin yang; mu guyed gag u fithik’ e amith rog. Pi’in pagel nge rugod rog e kan fek’rad nga bang ni yad ba kalbus.

Lamentations 1:8

Bugwan ni bfel’ e ke chuw rok; dakriy e upong u daken ke thiyer. Be gel’gel’ nike mithag owchen ko tamra’. Yu Jerusalem e ke alitnag ir ko denen rok nib tinowey.

Lamentations 2:21

Fel’ yangren nge pilbithir e go’ yad ba aw’ u lan e kanawo’ ni karmad’. Pumo’on nge ppin ni bfel’ yangeren, e karm’ad ko saydon rok e pi to’ogor. Mu thang e pogofan rorad nide wurngan’um ni gelngin e damumuw rom e rofen nem.

Ezekiel 16:38

Bay gu gechig nigem ni fan e damur yul’yul’ ko mabgol rom ma ga ma thang e pogofan, ma u fithik’ e damumuw rog nib gel e bay gu gechig nagem riy ngamum’.

Ezekiel 24:7

U ni thang e fan u lan fare binaw, machane racha’ e de map nga daken e but’ ko gin nra upnguy e fiyath; ya map nga daken ba malang.

Ezekiel 24:8

Gu pag e racha’ u rom, ni gin ni dabiyag i mithag riy, ni aram e gin ni tolul riy ngog ngalang ni nggu falbiyen.”

Amos 4:10

“Gu pag e msilipig ngomed ni bod fa binem ni gu pag ngak piyu Egypt. Kug thang e fan rok e pi’in pagel romed u fithik’ e mael mu gu fek e pi os romed. Mu gu suguy p’ethungmed nga bon e yam’ u lan gin gimed be par riy. Machane ku da mu sulod ngog.

Mikah 7:13

Machane binaw ni ga’ngin e bayi par ni bangi daken e ted nder tugul ban’en riy ni bochan e kireb ni be ngongliy e pi’in yad be par u daken.

Matthew 15:14

“Mpaged yad! Ya yad be pow’iy e girdi’ ma yad bmalmit; ma fa’anra kol reb e malmit pa’ reb e malmit ngi i pow’iy i yan, ma yow l’agruw ni yow ra mul nga wuru’ e kanawo’ ngalan wol’ e ran.”

Roma 11:25

Pi walageg, bay e tin riyul’ nib mith ni gub adag ni ngam nanged; ya ir e ra talegmed ndab ku um tafinay niged rogon fanmed llowan’, ni ba’aray ni ga’ar: gel laniyan’ rok e girdi’ nu Israel e dabi par, machane bay i par nge mada’ ko ngiyal’ nra yan i gaman e matha’eg rok e pi’in gathi yad piyu Israel ni ngarbad ngak Got.

Roma 11:7

Ere uw rogon? Yu Israel e dar pir’eged e ren’en ni yad be changarnag. Ya kemus ni fachi ulung ni Got e mel’eg e yad e ra pir’eged; ma pi’in ndar uned ko re ulung ney e dar matoyilgad ko pong ni be tay Got.

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.

2 Peter 1:9

Machane en ndariy e pin’ey rok e rib ngoch e changar rok ndabiyag ni nge guy ban’en, ma ke pag talin ni kireb ni i ngongliy kakrom e ka ni maluknag rok ke chuw.

1 John 2:11

Machane en ni be fanenikay walagen ni girdi’en Kristus e bay u fithik’ e lumor; ni be yan u fithik’, ni der nang e gin be sor ngay, ya fare lumor e ke pingeg ke malmit.

Revelation 3:17

Ya ke lungum u lanin’um, “Ke yo’or ban’en rog nike fel’ rogog, ya urngin e tin nge yag ngog e ke yag ngog.” Machane da mu nang gelngin e gafgow ni kam tay nge rogon yaam ni kari mu gafgow! Ya kam gafgow, ma dakuriy e mad u dakenam, ma kam malmit.