Zefaniah 1:16 - Bible Ni Thothup

¹⁶ re rran nem e ra sug nga lingan e yabul ko mael nge laman e pi salthaw ni be tolul ko ngiyal’ ni yad be cham ko fapi binaw nge tafen e damit ni kan yororiy nrib tolang.

Zefaniah 1:16 Iomraidhean Croise

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.

Isaiah 32:14

Mus nga tafen e pilung ni bay nn’ag, ma fare binaw ni tochuch ko nam e bay nn’ag. Pi tafen e girdi’ nge pi naun ni kan yororiy ni fan ko mael ma matanagen e binaw e bayi par nib puth ndariy n’umngin nap’an. Pi gamanman ni dongki ni malboch e bay ur gorbalgad riy, ma saf e bay ur pir’eged e pan riy ni ngar ked.

Isaiah 59:10

ere gadad be gorbal ni bod e girdi’ nib malmit. Gadad be dol’ ni misiw, ni gowa ke nep’, ni gowa gadad bay u fithik’ e lumor ko fayleng ko yam’.

Jeremiah 6:1

Gimed girdi’en e Benjamin, mmil naged e pogofan romed! Mmilgad ngam chuwgad u Jerusalem! Mu thoyed e rappa’ u lan yu Tekoa mi gimed k’eg ba nifiy ni pow u lan yu Beth-Haccherem. Riya’ nge gafgow e nge yib ko lel’och.

Jeremiah 8:16

To’ogor rodad e ka ra tawgad ngalan e binaw nu Dan; gadad be rung’ag lingan e nifeng u peth’ngun e os rorad. Ga’ngin e binaw ni be t’on ko ngiyal’ ni be gogo’ e os rorad. Pi to’ogor rodad e karbad ni ngar gathayed tafadad nge gubin ban’en riy, nge binaw rodad nge girdi’ riy.”

Ezekiel 7:7

Tungun e ke anog ngomed e girdi’ ni gimed be par ko re nam ney. Ke chugur ko ngiyal’ ni dab kun madnom ko pi tagil’ e meybil u daken e burey, kemus ni bay mu pired nike wagagay lanin’med.

Hosea 5:8

Mu thoyed e yabul u Gibeah ni fan ko mael! Mu kum rin’ed u Ramah! Mu tolul niged e mael u Bethaven! Girdi’ rok Benjamin, marod ko mael!

Hosea 8:1

I SOMOL e ga’ar, “Mu thoyed e yabul ni ngan nang ni pi to’ogor e yad be ngolol i yib nga daken e nam rog ni bod e manuw! Girdi’ rog e kar th’abed fare m’ag ni gu ngongliy u thilmad yad be togopluw ko machib rog.

Joel 2:1

Ngan thoy e yabul u lan yu Zion; ni fare burey nib thothup rok Got. Gimed e girdi’ nu Judah mu t’on gad, ya fare rran rok SOMOL e ke chugur.

Amos 3:6

Gur rayag ni yan lingan e yabul ko mael u lan binaw ni dabi rus e girdi’? Gur rayag ni nge aw e riya’ ngab binaw ni gathi SOMOL e pag nge yib?

Habakkuk 3:6

Ra tal, me rur e fayleng; ra sap, me t’on e pi nam. Fapi burey nike kakrom e ke puth; ma yochi burey nike kakrom e ke aw nga but’, ni fa yochi burey ni i yan u daken kakrom.

Deuteronomy 28:52

Bay ra chamgad ngak urngin e binaw nu lan fare nam ni bayi pi’ SOMOL ni Got romed ngomed, ma pi yoror romed nib tolang ni fan ko mael nma pagan’med ngay e go’ ra puth.

Joshua 6:20

Me thoy fapi prist fapi yabul. Ma nap’an ni rung’ag e girdi’ lingan, miyad tolul ni ba ga’ lamrad, me muchubu’ fare yoror nga but’ nib liyeg fare binaw. Me wethap ga’ngin fa raba’ i salthaw ngalan fare binaw nranod nib k’iy kanawo’rad ngar koled.