Zefaniah 1:13 - Bible Ni Thothup

¹³ Urngin e tin ke fel’rogorad riy e bay ni fek u fithik’ e yargal min thirif e pi naun rorad u but’. Dabkur pired bi’id ko pi naun ni yad be toy ara ra unumed e wayin ni bay yib u wom’ngin fa yungi woldug ni grape ni yad be yung.”

Zefaniah 1:13 Iomraidhean Croise

Isaiah 6:11

Me lungug, “SOMOL, uw n’umngin nap’an ni nge par ni aray rogon?” Me ga’ar, “Nge mada’ ko ngiyal’ nike mogoth fapi binaw ni dakuriy be’ riy; ma pi naun ni bay riy e dakriy be’ nma par riy, nge ngiyal’ ni kann’ag e re nam ney ni dakriy ban’en ni bfel’ ngay.

Jeremiah 15:13

I SOMOL e ga’ar ngog, “Bay gu pi’ e pi to’ogor ngar feked e fel’ rogon nge machaf ni bay u pa’ e tirog e girdi’, ni aram e gechig rog ngorad ni bochan e pi denen ni yad be ngongliy u lan e re nam ney ni ga’ngin.

Jeremiah 17:3

nge daken e pi burey ni gagang’ u lan e tafelfel’. Bay gu gagiyegnag e pi to’ogor romed ngar feked e fla’ab u pa’med nge machaf romed ni bochan gubin e denen ni ka mu rin’ed u daken tafenmed ni ga’ngin.

Jeremiah 4:20

Ke malay reb e riya’ nga daken reb; ke mogothgoth fare nam ni polo’. Yugun dada’ ma kan buthug e pi tent romad; kateng riy e kan gochothuy ke yochyang.

Jeremiah 4:7

Bod ba gamanman ni layon nike yib ko gin ma mith riy, ba tagathay e pi nam e ke yib nga wean. Ke yib ni nge gathay yu Judah. Pi binaw nu Judah e bayi par ni dakriy woton u but’, ma dakriy be’ nra par u lan fapi binaw.

Jeremiah 5:17

Bay ra ful’ed wom’ngin e woldug romed nge ganmed; bay ra thanged e pogofan rok e pagel nge rugod ni pifakmed. Bay ra li’ed e yu ran’ nge yu ulung i gamanman romed miyad gathay fi’imed ni grape nge gek’iy ni fig. Yungi binaw ni ka ni yororiy ni fan ko mael ni pagan’ romed e bayi buthug e salthaw rorad nga but’.

Jeremiah 9:11

I SOMOL e be ga’ar, “Bay gu gagiyegnag yu Jerusalem nge par nike puth e naun riy, nge yan i par ni bangi ban’en nike tafnay e gamanman ni jackal; pi binaw nu Judah e bayi par nike bod e ted ni desert, ni dakriy be’ riy.”

Jeremiah 9:19

Mu telmed nga laman e meyor ni yibe tay u lan yu Zion ni be lunguy, “Kan thirifdad u but’! Kad pired ni kari m’ay fadad! Thingar da chuwgad ko nam rodad; pi naun rodad e ka ni buthug nga but’.”

Lamentations 5:2

Binaw romad e bay u pa’ e milekag; girdi’ nu bang e be par ko pi tabnaw romad.

Ezekiel 22:31

Ma aram e bay gu cheleg e damunuw rog nga dakenrad, bay gu thang owcharad ni bod nra yik’gad ko nifiy ni bochan e pin’en ni kar rin’ed.” I SOMOL ni Th’abi Tolang e be non.

Ezekiel 7:19

Bay ron’ed e gol nge silber rorad ngalan e yupa’ i kanawo’ ni bod e dow, ni bochan e silber nge gol e dabiyag ni nge aywegrad u nap’an nra pu’og SOMOL e damumuw rok. Dabkiyag ni ngar faned nge gamaneg e ar ar rorad, fa suguy e yal rorad. Ya gol nge silber e fekrad i yan ko denen.

Ezekiel 7:21

Ga’ar SOMOL, “Bay gu pag e milekag ngar moro’ro’ gad ngorad, nge pi tamath’ab e motochiyel e bay ra feked e fla’ab rorad u pa’rad miyad m’aynag fan.

Ezekiel 7:24

Bay gu fek e pi nam ni th’abi kireb e leam rorad e ngaray mu gu pagrad ngar feked tafenmed u pa’med. Pumo’on romed nib falu’ e bayi mul’anrad u nap’an ni bay gu pag fapi nam ngar ma’ niged fan e yungin gimed ma meybil riy.

Amos 5:11

Gimed be gafgownag e pi’in gafgow gimed be fek e grain rorad u yargal. Ere bay dab kum pired u lan e pi naun ni bfel’ ni malang e mu ngongliyed ngay, ara mu unumed e wayin ko yungi milay’ ko grapes ni bfel’ ya’an nim yunged.

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.

Mikah 6:15

Bay mu yunged e grain, machane dabiyag wom’ngin ngomad. Bay um uduyed e pi olive ngi’i yib e gapgep riy, machane dab mu fanayed e gapgep riy. Bay um ngongliyed e wayin, machane gathi gimed e gimed ra unum.

Zefaniah 1:9

Bay gu gechignag e pi’in yad ma meybil ni bod e pi’in dar nanged Got ma yad ma mororo’ ma yad ma mathang pogofan ni fan e ngar sugyed e naun rok e masta rorad ko chugum nra feked u yargal.”

Deuteronomy 28:30

“Bay ni duwgliy be’ ni bpin ni ngam mabgolgow — machane yug reb e pumo’on e ra le’engiy fare pin. Bay mu toy ba naun, machane dariy bi’id ni ga ra par riy. Bay mu yung bangi milay’ ni grape, machane dariy bi’id ni ga ra kay wom’ngin.

Deuteronomy 28:39

Bay mu yunged e yungi woldug ni grape romed mu’um tamilang niged owchen, machane dab mu t’ared wom’ngin ara mu unumed e wayin riy, ni bochan e bayi longuy e fakl’ud.

Deuteronomy 28:51

Bay ra longuyed e gamanman romed nge woldug romed, mi gimed yim’ nriyul’ ko bilig. Dab ra paged romed boch e grain, nge wayin, nge gapgep ni olive, nge garbaw nge saf; ma aram e bay mm’ad.