Zefaniah 1:1 - Bible Ni Thothup

¹ Ba’aray e thin ni yog SOMOL ngak Zefaniah ni profet u nap’an ni Josiah ni fak Amon e Pilung nu Judah. (Zefaniah e yib rok fare pilung ni Hezekiah u daken Amariah, Gedaliah, nge Kushi.)

Zefaniah 1:1 Iomraidhean Croise

2 Kings 21:18

Me yim’ Manasseh min k’eyag u lan fare gi milay’ u charen e naun rok ni tafen e pilung, ni kanog e milay’ nu Uzza ngay, me Amon nib mo’on ni fak e yan nga luwan nge mang pilung.

2 Kings 21:26

I Amon e ni k’eyag ko fare low ko yam’ u lan e milay’ nu Uzza, me Josiah nib mo’on ni fak e yan nga luwan nge mang pilung.

2 Kronicles 33:20

Me yim’ Manasseh mi ni k’eyag ko naun rok e pilung, me Amon nib mo’on ni fak e yan nga luwan nge mang pilung.

Jeremiah 1:2

U lan fare duw ni gaman e ragag nge dalip e duw ngay ni Josiah ni fak Amon e ir e pilung u Judah, me non SOMOL ngak Jeremiah.

Jeremiah 22:11

I SOMOL e yog murung’agen Joahaz nib mo’on ni fak Josiah, ni ir e ke yan nga luwan e chitamngin ke mang pilung nu Judah, “Ka ni chuweg u roy kanfek ni dakriy duwan me sul.

Jeremiah 25:3

“Ke non SOMOL ni kanpan e bin ragag nge dalip e duw nike pilung Josiah ni fak Amon u Judah nge mada’ ko daba’ ni aray e ke gaman rliw’ nge dalip e duw, ma dawor gu pag ni da gog ngomed e tin ni i yog. Machane damur motoyilgad.

Ezekiel 1:3

U rom u Babylon u to’oben e lul’ ni Kebar, e gu rung’ag lungun SOMOL riy ni non ngog mu gu thamiy gelngin u fithik’ag.

Hosea 1:1

Irera’ e thin ni pi’ SOMOL ngak Hosea, ni be’ nib mo’on ni Beeri e chitamngin, ko fa ngiyal’nem ni Uzziah, nge Jotham, nge Ahaz, nge Hezekiah e ur pilunggad u Judah, ni bayi chuw bagayad me yib bagayad nga luwan; mi Jeroboam ni bmo’on ni Joash e chitamngin e ir e pilung nu Israel.

2 Timothy 3:16

Ya urngin e thin ni bay u lan e babyor nib thothup e Got e yib i pi’ nga laniyan’ e girdi’ ngar yoloyed nga babyor, me ir e ba ga’ fan ya ma fil e tin nib riyul’ e thin ngodad, ma be yal’uweg e tin ni be oloboch e girdi’ riy, ma be fulweg e girdi’ ko ngongol ni bfel’, ma be fonownag e girdi’ u rogon e ngongol ni ngar pired riy ni ir e bmat’aw u mit Got,

2 Peter 1:19

Aram fan ni kari pagan’mad ko thin rok Got ni i weliy fapi profet. Bfel’ ni ngam tiyan’med ko pi thin nem, ya bod ba magal ni be par ram’en u fithik’ e lumor nge yani mada’ ko fare Rran ni nge puf e woch riy me gal ram’en fasiran, ni t’ufen e kadbul, nge tamilangnag lanin’med.