Titus 3:3 - Bible Ni Thothup

³ Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

Titus 3:3 Iomraidhean Croise

Genesis 38:9

Machane manang Onan ni re tir nra yib e dabi milsuwon ngak. Ere nap’an nra pirew fare pin me guy rogon ni nge dabi diyen fare pin, ya nge dabi for owchen walagen.

Genesis 39:16

Me cha’riy fare mad nge mada’ ko ngiyal’ ni ba’aram nike sul e masta rok Josef nga tabinaw.

Psalms 36:2

Ya bochan e ba tolngan’, ma be leamnag ndabi pir’eg Got e denen rok nge gechignag.

Proverbs 8:5

Mogned, kigimed be par ni leam ko bitir e bay romed? Mu filed rogon ni ngam leamgad ni bod e pi’lal. Mogned, kigimed bbalyang? Mu filed rogon ni ngam gonopgad.

Proverbs 9:6

Mu chuw u fithik’ e pi girdi’ nir ni gelan’, ma ga par ni dab mum’. Mu lek kanawo’en e llowan’.”

Isaiah 44:20

Bod feni balyang be’ ni be kay e awat. Leam rok ni leam ko balyang e ke fek nga wuru’ e wo’ ndabkiyag ni yira ayuweg. Der pat ngan’ ni re liyos nem nike kol nga pa’ e gathi ba got.

Obadiah 1:3

Tolngan’ rom e ir e ke ban nigem. Tochuch rom e kan yororiy ko war nib el; tafnam e bay ngalang u fithik’ e pi burey, ma kam ga’ar u wun’um, ‘Mini’ e rayag rok ni girngiyeg nga but’?’

Matthew 21:29

Me fulweg ni ga’ar, ‘Dabug ni nggu wan,’ machane fa’ani ta’aboch me piliyeg laniyan’ me yan ko fa gi milay’ ko grape.

Luke 21:8

Me ga’ar Jesus, “Mu ayuwgad ndab ni ban nagmed. Ya bo’or e girdi’ ni bay rabad ni yad be fek fithingag nra bagayad ma be ga’ar e ir gag, ma ku bayi lungurad, ‘Fare ngiyal’ i n’em e ke taw ngay!’ Dab manged bagayad.

John 8:34

Me ga’ar Jesus ngorad, “Nggog e tin riyul’ ngomed: urngin e girdi’ ni yad be denen e ra bagayad ma kemang sib ko denen.

Roma 11:30

Ma gimed e pi’in gathi gimed piyu Israel e da um folgad rok Got kakrom; machane chiney e ke runguymed Got, ya dakir fol piyu Israel rok.

Roma 6:12

Thangri dabki par ni denen e be gagiyegnag dowmed ni bogi dowef ni bay yim’, ya ir e ma waliymed ngam folgad ko tin ni be yim’ e dowef romed ni bochan.

Roma 6:17

Machane ke magaer Got! Ya immoy ba ngiyal’ ni um pired ni gimed e sib rok e denen, machane chiney e ri gimed be fol ko tin nib riyul’ ni ir e kan machibnag ngomed.

Roma 6:22

Machane chiney e kan chuwegmed u tan pa’ e denen kam manged sib rok Got; ma wenegan nike yib ngomed e kari mpi’ed gimed nga pa’, ma tomuren e biney, e yafos ndariy n’umngin nap’an e bay yag ngomed.

Roma 6:6

Ya gadad manang e re bugithin ni ba’aray: bin kakrom i gadad e kan uneg ngak Kristus kan li’row u daken e kuruth rok, ni fan e ngan kirebnag gelngin e bin kakrom i gadad nib tadenen, ya nge dab ku ud pired ni gadad e sib rok e denen.

2 Korinth 12:20

Gu be rusnag nra gub e nger mu gu pir’egmed ni gimed ba thil ko n’en ni gu be leamnag ni yugum boded, mi gimed pir’eg ni gub thil ko n’en ni gimed be finey ni yug gu bod. Gu be rusnag nra gub mu gu pir’egmed ni gimed be tugthin ma be awan’med ngomed, ma ba papey e dumumuw ngomed mra be’ ma kemus ni ir e be leamnag ir, ma gimed be yog e thin nib kireb ma gimed be gun’gun’nagmed, ma ba tolangan’med ma de ta’reban’med.

Galatia 6:3

Fa’anra be finey be’ ni ir e ba sorok, ma bin riyul’ riy e ri dariy rogon, ma aram e fa’anem e ir e be bannag ir.

Kolose 1:21

Bay ba ngiyal’ ni um moyed ni gimed bmal’af rok Got ma gimed be taymed ni gimed e pi to’ogor rok ni bochan e tin nib kireb ban’en ni um rin’ed ma gimed be leamnag.

Kolose 3:7

Ma gimed e bay ba ngiyal’ ni um uned ngak e girdi’ nma rin’ e pin’ey ko re ngiyal’ i n’en ni ba’aram ni pi ar’ar ney e i gagiyegnag pangimed.

2 Timothy 3:13

machane girdi’ nib kireb nge pi’in yad be dake girdi’en Kristus e bayi gel farad kireb ngu’ur ban niged boch e girdi’ ma yibe ban nagrad.

2 Timothy 3:6

Boch i yad e be yan ngalan e tabinaw i yan yad be guy rogon ni ngar gagiyeg niged e pi’in ni ppin nib me’waer nike tomal nagrad e denen ni yad be rin’ ma kemang urngin mit e ar’ar e be gagiyeg nagrad,

Titus 1:16

Yad be yog ni yad manang Got, machane be m’ug u pangirad ndar nanged Got. Ma dabuy pangirad ma darir folgad, ma dabiyag ni ngar ngongliyed ban’en ni bfel’.

Titus 2:12

Ma re runguy nem e ir e be fil ngodad ni ngad paged pangidad nge ngongol rodad nde m’agan’ Got ngay nge chogowen urngin ban’en u fayleng nde mat’aw u owchen Got, ma gadad par ni gadad be t’ar lanin’dad ko tin nde fel’, ma gadad ba yal’uw, ma gadad be rin’ e tin nib m’agan’ Got ngay u roy u fayleng,

James 1:26

Ra be finey be’ ni be liyor ngak Got ma fa’anra der yag rok ni nge gagiyegnag bolowthen nge siy ki yog e tin nib kireb, ma liyor ni be tay ngak Got e bm’ayfan, ma aram e ir e be bannag ir.

1 Peter 1:14

Um folgad rok Got, ma tin nib kireb ni um m’ad ni bochan ko ngiyal’ ndawor mu nanged Kristus riy e dab kum paged nge mang ir e i gagiyegnag pangimed.

Revelation 12:9

Mi nin’ fare dragon nri ba ga’ nga wuru’ e tharmiy! I ir fare porchoyog nike kakrom, ni kan tunguy fithingan ni Mo’onyan’, ara Satan, ni ir fa’anem ni bannag e girdi’ nu fayleng ni polo’. Mi nin’ u lang nga daken e fayleng, nib mu’un urngin e pi engel rok ngak.

Revelation 13:14

Me bannag urngin e girdi’ ni yad be par u daken e fayleng ni bochan fapi maang’ang nni pag ni nge ngongliy u p’eowchen fa bin som’on e gamanman. Me yog fare gamanman ngak urngin e girdi’ nu fayleng ni ngar ngongliyed ba liyos ni ngan tayfan fare gamanman ni fa’an nni maad’adnag ko saydon, machane de yim’.

Revelation 18:2

Me non ni ba ga’ laman ni ga’ar, “Ke waer! Fare Babylon nib gilbuguwan e ke waer! Chiney e kemang tafen e mo’onyan’ nge pi kan nib tagan; urngin mit e arche’ nib golong nge pi arche’ ni fanenikay ni be par u lan yu Babylon.