Titus 2:2 - Bible Ni Thothup

² Mog ngak e pi’in kar pumo’ongad ni ngar pired ni yad bmuduwgil, ma ngar pired ni yad ba gonop, ma nge yag nra t’ared lanin’rad ko tin nde mat’aw; ma nge yal’uw rogon nib mich Kristus u wun’rad, nge rogon nib t’uf Got rorad nge girdi’, nge rogon ni ngar k’adedan’rad.

Titus 2:2 Iomraidhean Croise

Galatia 5:23

nge sobut’an’, nge t’ar laniyan’. Dariy ba motochiyel nib togopluw ko pin’ey.

1 Peter 4:7

Ke chugur nga tungun urngin ban’en. Thingar um pired ni gimed be filmunguyan’med ma gimed be tiyan’med, nge yag ni um meybilgad.

1 Timothy 3:11

Ma ppin rorad e ku errogon ndabisiy ni bfel’ pangirad, ndab ur uned ko dugdug thin; ma thingar ra pired ni yad ba gonop mrayag ni ngan pagan’uy ngorad u urngin ban’en.

1 Peter 5:8

Mu tiyan’med ngam ayuwgad! Ya mo’onyan’ ni ir e to’ogor romed e yugu be yan ni bod ba layon ni be tolul, ni be gay be’ ni nge longuy.

Titus 1:13

Tin keyog e ba riyul’. Ireray fan nthingar mu puwan’ ngorad nib gel, ni bochan e nge mich Kristus u wun’rad ni bfel’ rogon,

1 Timothy 3:2

En ni be tay murung’agen girdi’en e galesiya e thangri yan i aw ni be’ ni bfel’ thin nge pangin; thangri par ni ta’reb e bpin rok, ma ba gonop, mrayag ni nge t’ar laniyan’, ma bfel’ e ngongol rok; ma thangri m’agan’ ngay ni nge t’ufeg e milekag ni karbad nga tabinaw rok; ma thangri yag rok ni nge machib;

Proverbs 16:31

Yafos nib n’uw nap’an e towa’th rok e pi’in nib mat’aw; ma manna’ u lolugenrad e ba te’elyaw nib gamog.

1 Thessalonika 5:8

Machane gadad girdi’en e rran, ni aram fan ni ngu’ud pired ni gadad ba tamilang. Ere michan’ rodad ngak Kristus nge rogon nib t’uf Kristus rodad nge girdi’, e thingar don’ed nga dakendad ni bod breastplate nma upunguy e salthaw ngorongoren ngay, nge tin ni be l’agan’dad ngay ni bay da guyed ni bochan e kad thapgad ngak Got e ngad maruwelgad ngay ni bod e helmet nma ayweg lolugen e salthaw ko mael.

Roma 12:3

Ke runguyeg Got ke pi’ e salap ngog, ma aram fan ni nggog ngomed ni gimed gubin ndab um tolang niged gimed u lanin’med nge pag rogon e leam nsusun e ngu’um ted, machane ngu’um leamgad u fithik’ e leam nib sobut’, me bigimed me gonopiy u wan’ e tin nrayag rok nib m’ag nga gelngin e michan’ rok ngak Got nike pi’ Got ngak.

BABYOR NI JOB 12:12

Gonop nge tamilangan’ e bay rok e pi’in ke ilal, ya ke n’uw nap’rad.

Levitikus 19:32

“Mu ted fan e girdi’ ni kar pilibthirgad, ni fan e ba’ madgug u wun’med, I Gag SOMOL.

1 Peter 1:13

Mu fal’eged rogon lanin’med ni ngam ngongolgad. Mi gimed tiyan’med ngari l’agan’med ko tow’ath ni yira pi’ ngomed ko ngiyal’ nra yib i m’ug Jesus Kristus.

1 Korinth 15:34

Mu sulweged lanin’med mi gimed tal ndab kum denengad. Ba’aray bbugithin ni nggog ma ngam tamra’gad ngay ni nge lungug: bay boch i gimed ndar nanged Got.

Psalms 92:14

nike pilbithir ma ku ma k’uf ni ku be par ni kab galunglung ma ku ba gel.

2 Peter 1:6

mi gimed puthuy ko gonop romed e t’ar laniyan’; mi gimed puthuy e k’adan’ ko t’ar laniyan’ romed; mi gimed puthuy ko k’adan’ romed e yan nga laniyan’ Got;

Titus 2:7

Me gur e ngam par ni bfel’ pangim ma bfel’ e ngongol rom u gubin ban’en, ya ngar guyed gur miyad folwok ko ngongol ni bfel’ ni ga be rin’; ngam tiyan’um ma ga yul’yul’ ko machib ni ga be tay.

Titus 1:8

Ma thangri m’agan’ ngay ni nge fek e milekag nga tabinaw rok nge ayuweg ma ba’adag e tin ni bfel’. Ma thangri yag rok ni nge t’ar laniyan’ ko tin nde fel’, ma nge par nib yul’yul’, ma ba thothup, mrayag ni nge tel ir ko tin nde mat’aw.

1 Timothy 3:4

ma thangri yag rok ni gagiyegnag girdi’en e tabinaw rok ni bfel’ rogon, me guy rogon e bitir rok ngar folgad rok miyad tayfan.

1 Timothy 1:5

Fan e re bugithin ney ni kugog ngom e bochan e nge yagnag e t’ufeg nma yib ko gum’ircha’ nib machalbog, ma ma yib u lanin’uy ni der yog ngom gur be’ ni kam rin’ ban’en nib kireb, ma ma yib ko bin nib riyul’ i rogon nib mich Kristus u wun’uy.

1 Thessalonika 5:6

Ere dab ud molod ni bod boch e girdi’; ya ngu’ud pired ni gadad be od ma ba tamilangan’dad.

Filippi 4:8

Pi walageg ni girdi’en Kristus, n’en ni nggog ngomed u tungun e re gi babyor ney e ngam suguyed lanin’med ko fapi n’en ni bfel’, ni yira yog e fel’ ngay: ni n’en nriyul’, nge n’en nib yal’uw, ma bmat’aw, ma bmachalbog, ma bmanigil, nge tin ndariy thibngin.

2 Korinth 5:13

Gur kari gu aliliygad? Fan ngak Got. Gur ba tamilang lanin’mad? Fan ngomed.

1 Korinth 9:25

Ra be’ ni be fol gosgos ma be fol ko motochiyel ko fare gosgos ni be rin’; ni be rin’ ni aram rogon ni fan e nge yag nte’eliyawnag nga ba te’eliyaw ni gathi bayi par ni dabi kireb; machane gadad e gadad be rin’ ni fan nga reb e te’eliyaw nra par ni dariy n’umngin nap’an.

Acts 24:25

Machane nap’an ni ul ul Paul ngay nge weliy murung’agen rogon ni ngan par ni yi ba mat’aw, nge rogon ni ngan t’ar lanin’uy ko tin nde mat’aw, nge murung’agen e Chirofen ni ba’aram ni bayi pufthinnag Got e girdi’ riy, me yib e marus ngak Felix me ga’ar, “Mman e chiney, ma bay puf rogog bangiyal’ mu kugog nga mub.”

Luke 8:35

Me yan e girdi’ ngranod ra guyed e n’en nike buch. Ma fa’an rabad ngak Jesus miyad pir’eg fare mo’on ni fa’ani chuw fapi mo’onyan’ rok nike par nga but’ u to’oben i ay Jesus, nike yin’ e mad, ma ke sul laniyan’ ngak, ma aram me yib e tamdag ngorad ni yad gubin.

Mark 5:15

Ma fa’anra bad ngak Jesus miyad guy fa’anem ni fa’ani immoy ni ying fare ulung i mo’onyan’ ngak nike par nga but’, nike yin’ e mad ma ke sul laniyan’ ngak, ma aram e yib e tamdag ngorad ni yad gubin.

Isaiah 65:20

Bitir ni kabran e dab kur m’ad, ma urngin e girdi’ ni bay ra pired ko biney e tamilang ni n’umngin nap’an ni ngar pired. Pi’in yad ra par nge gaman e 100 e duw rorad e bay ni leamnag ni ka yad ba pagel. Ma ra yim’ be’ u m’on riy ma ba pow ni gag e kug gechignag.

1 Timothy 3:8

Pi’in ni ngu’ur ayuweged e galesiya e ku errogon nthingar ur pired ni bfel’ pangirad ma yad ba yul’yul’ ko maruwel rorad; ma thangri dab ra unumed e wayin ni pire’ ara ur chogow niged e salpiy;

1 Timothy 1:2

Ngak Timothy, nike mang be’ nri fakag u daken e mich u wun’uy ngak Kristus: I Got ni Chitamangiy nge Kristus Jesus ni ir e Somol rodad e ngu’ur ayuwegew gur ma yow be runguyem, ma yow be pi’ e gapas nga lanin’um.

1 Timothy 1:10

ma fan ngak e pi’in yad ma darngal, ma fan ngak e pumo’on nma darngalnag e pumo’on, nge pi’in yad ma iring e girdi’, ma fan ko pi’in yad ma lifith l’ugunrad ma yad ma pi’ e thin ni nge mang mich nde riyul’ ara rrin’ed ban’en nib togopluw ko bin nib riyul’ e machib.

1 Timothy 1:14

Ma Somol rodad e tow’ath nigeg ko ayuw ni pi’ ngog nge pag rogon me pi’ ngog fare mich nge t’ufeg ni fadad ko ta’ab girdi’ ni gadad ma tay Kristus.

1 Timothy 5:1

Dab mu puwan’ ngak be’ nib mo’on ni be’ nike pilibthir, machane ngam wenig ngak ni gowa ir e chitamam. Ma rogon e ngongol rom ni ngu’um tay ngak e pi’in pumo’on ni kayad ba pagel e ngu’um rin’ ngorad ni gowa yad pi walagem,

Filemon 1:9

Machane rogon ni gab t’uf rog e ke gagiyeg nigeg ni nggu wenignag ngom ni ngam rin’. Yug ireray rogon ni gag Paul, ni gag e mol’og rok Kristus Jesus, ma ku errogon e chiney ni kug mang reb e kalbus ni bochan.