Ruth 4:6 - Bible Ni Thothup

⁶ Me fulweg fare mo’on ni ga’ar, “Fa’anra er rogon me ere dab kug maruwel nga mat’awug ni nggu chuw’iy e re gi binaw nam, ya tirog e bitir e davi mang gayog rorad. Gur e ngam chuw’iy; mi gag e kabfel’ ni dab gu chuw’iy.”

Ruth 4:6 Iomraidhean Croise

Genesis 38:8

Ere ga’ar Judah ngak Onan ni walagen Er, “Man ngam munfangich rok fare pagel ni walagem nike yim’, ngam pirew fare pin rok, ya nge yag ni for owchen walagem.”

Levitikus 25:25

Fa’anra gafgow be’ nu Israel nike math e liyeb ngak me pi’ e binaw rok nchuway’, ma en nth’abi chugur ngak u pi girdi’en e ra chuw’iy fare gi binaw nge sulweg.

Deuteronomy 25:7

Ma fa’anra siyeg fare pumo’on ni walagen fa’anem nike yim’ ni nge munfangich, ma nge yan fare pin nga p’eowchen e pi’in yad be yog e thin ko fare binaw nge ga’ar, ‘Fare mo’on ni walagen figirngig nike yim’ e dabun ni nge rin’ e tin yalen ni nge rin’, dabun ni nggu diyen nigew reb e pumo’on nge par ni owchen walagen u fithik’ e girdi’ nu Israel.’

Deuteronomy 25:8

Ma aram e girdi’ ni yad be yog e thin ko fare binaw e ngar pininged fa’anem nge yib ngar welthingad ngak. Ma fa’anra ka be siyeg ndabi le’engiy fare pin,

Deuteronomy 25:9

ma fare pin rok walagen nike yim’ e nge yib ngak fare mo’on u p’eowchen e pi’in yad be yog e thin ko fare binaw, nge luf baraba’ e sus u ay fare mo’on me thuw nga owchen fare mo’on me ga’ar ngak, ‘Irera’ e n’en niyima rin’ ngak e re mo’on nra siyeg ni nge munfangich nge sum owchen walagen nike yim’.’

Ruth 2:20

Me ga’ar Naomi ngak, “Mang e fal’eg SOMOL wa’athan Boaz! I SOMOL e ma tay u gil’ e tin ke micheg ngak e pi’in nib fos nge pi’in karm’ad.” Me ul ul ngay nge ga’ar, “Re mo’on nem e gadad girdi’ ni rib chugur, ir reb e pi girdi’ ni yalen ni nge ayuwegdow.”

Ruth 3:13

Mu par u roy e nep’ ney, ma bayi kadbul ma gadow guy rogon ngad nangew ko ba’adag e re mo’on nem ni ir e nge ayuwegnem fa dangay, fa’anra ba’adag me ere bfel’; ma ra dabi rin’ me ere gu be yog u p’eowchen SOMOL ni be par nib fos ni bayi mang gag e gu ayuwegnem. Ere mu thig nga but’ ngam par nge kadbul.”

Ruth 3:9

Me ga’ar ngak, “Gur mini’?” Me ga’ar Ruth, “I gag Ruth, ni tapigpig rom. I gur reb e girdi’ rog ni ga ba chugur, ni yalen ni ngam ayuwegneg, siro’ ngom mu fekeg nggu mang le’engim.”