Ruth 4:14 - Bible Ni Thothup

¹⁴ Me ga’ar e pi’in ppin ngak Naomi, “Ke magaer SOMOL! Ya ke pi’ ba pumo’on ngom ni fak be’ ni fakam ni ir e nge changar ngom. Mang e yigi gilbuguwan e re pagel nem u Israel!

Ruth 4:14 Iomraidhean Croise

Genesis 12:2

Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.

Genesis 24:27

ni ga’ar, “SOMOL, ke sorom, i gur fare Got rok e masta rog i Abraham, i gur e ri gab yul’yul’ ya kam tay nga tagil’ e tin mog ngak e masta rog ni bay mu rin’. I SOMOL e ke pow’iyeg nga tafen fare mo’on ni walagen e masta rog.”

Genesis 29:35

Me diyen nge gargel bayay ni ku reb e pagel. Me ga’ar, “Yaney e nggu pining e magaer nge sorok ngak SOMOL”; me tunguy fithingan ni Judah. Me tal ndaki diyen.

Luke 1:58

Ma girdi’ nib chuchugur taferad ngak nge girdi’ rok e rrung’aged rogon feni fel’ e ngongol rok Somol ngak, ma aram ma yad gubin nra uned ngak ko felfelan’.

Roma 12:15

Mu uned ko felfelan’ ngak e pi’in kar felfelan’gad, mi gimed un ko meyor ngak e pi’in yad be yor.

1 Korinth 12:26

Fa’anra gafgow bang u dowey, ma urngin e yu yang ni kabay e yad ma un ngak ko gafgow; fa’anra nog e sorok ngak bang riy, ma urngin e yu yang ni kabay riy ni yad ra un ngak fa gi nem ko felfelan’.

1 Thessalonika 5:18

demturug e n’en nra yib ngomed ma gubin ngiyal’ ni ngu’um pininged e magaer ngak Got. Ireray e tin ni ba’adag Got ni ngam rin’ed e pi’in kam manged girdi’en Kristus Jesus.

2 Thessalonika 1:3

Pi walagmad ni girdi’en Kristus, thingar ug pininged e magaer ngak Got ni gubin ngiyal’ ni bochmed! Rib mat’aw ni nggu rin’ed ni aray rogon, ya ba papey ni be ilal e michan’ romed ngak Kristus, ma rogon nib t’uf bigimed rok bigimed e be ga’ i yan.