Ruth 3:15 - Bible Ni Thothup

¹⁵ Me ga’ar Boaz ngak, “Mu fek e re mad ni be’er ni kamon’ nga daken e mad rom ngam filath nga but’!” Me rin’ ni bod rogon nike yog, me pu’og Boaz gonap’an wugem e pawn e barley ngalan, me ayuweg Ruth ngar chibiyew ngalang ngar tew nga daken pon Ruth; ma aram me sul Ruth ngalan binaw nike fek.

Ruth 3:15 Iomraidhean Croise

Isaiah 3:23

nge mad ni mat’uft’uf rorad, nge hangkach ni wech, nge yungi mad ni yima m’ag nga lolgey nge yung i mad nib n’uw yang ni yad ma upnguy lolugrad ngay.

Isaiah 32:8

Machane be’ nib yul’yul’ e be ngongol u fithik’ e yul’yul’ ma be tay ir ko tin nib mat’aw.

Galatia 6:10

Ere urngin ngiyal’ nra puf rogodad ma ngad ngongliyed e ngongol ni bfel’ ngak urngin e girdi’, machane nge ga’ fadad ngak e pi’in kad manged girdi’en e tabinaw rok Got u fithik’ e mich u wun’uy ngak Kristus.

Ruth 3:14

Ma aram me mol u to’oben rifrifen ay, machane me od ni kabay e lumor nge dab ni guy; ya Boaz e dabun ni nge nang be’ ni immoy Ruth u rom.

Ruth 3:16

Me sul ngak fare pin ni chitiningin fa’anem ni i figirngiy, me ga’ar fare pin ngak, “Fakag, mang e mrin’ew?” Me weliy Ruth ngak urngin e tin ke rin’ Boaz ni fan ngak.