Ruth 3:13 - Bible Ni Thothup

¹³ Mu par u roy e nep’ ney, ma bayi kadbul ma gadow guy rogon ngad nangew ko ba’adag e re mo’on nem ni ir e nge ayuwegnem fa dangay, fa’anra ba’adag me ere bfel’; ma ra dabi rin’ me ere gu be yog u p’eowchen SOMOL ni be par nib fos ni bayi mang gag e gu ayuwegnem. Ere mu thig nga but’ ngam par nge kadbul.”

Ruth 3:13 Iomraidhean Croise

Jeremiah 12:16

Fa’anra m’ag u lanin’rad e taliw ko tirog e girdi’ ma yad ra micheg nga fithingag ni ngar ga’argad, ‘Bod rogon SOMOL ni be par nib fos’ — ni bod ni ka’ar filed ngak e girdi’ rog ni ngu’ur mowgad nga fithingan Baal — ma aram e bay ku ra manged boch e girdi’ rog nge fel’ rograd.

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

2 Korinth 1:23

Gu be yog e re bugithin ney u p’eowchen Got — ye ir e manang lanin’ug! Gu duwgiliy ndab ku gub nga Korinth ni fan e nge dab gu kirebnag an’med ko puwan’ ni gu ra tay ngomed.

Hebrews 6:16

Fa’anra micheg be’ ban’en me mow nga fithingan be’ nib tolang rok ma aram e fare mow e ke micheg, ke duwgiliy ni aram rogon.

Judges 8:19

Me ga’ar Gideon, “Yad pi walageg ni pumo’on, nri pifak e chitinag. Kari gu micheg, ni fa’an mang e da mu li’ewrad, ma dab gu li’mew.”

Ruth 2:20

Me ga’ar Naomi ngak, “Mang e fal’eg SOMOL wa’athan Boaz! I SOMOL e ma tay u gil’ e tin ke micheg ngak e pi’in nib fos nge pi’in karm’ad.” Me ul ul ngay nge ga’ar, “Re mo’on nem e gadad girdi’ ni rib chugur, ir reb e pi girdi’ ni yalen ni nge ayuwegdow.”

Ruth 3:12

Rriyul’, ni gag e reb e girdi’ rom ni gub chugur ngom, nri yalen ni nggu ayuwegnem; machane ka ba’ reb e pumo’on ni kab m’on rog.

Ruth 4:5

Me ga’ar Boaz, “Fa’an ga ra chuw’iy e re gi binaw nem rok Naomi, mi Ruth ni be’ u Moab nike yim’ figirngin e nge mang le’engim, ni fan e nge par e gi binaw nem u lan e tabinaw rok e en ke yim’ ni figirngin.”

Ruth 4:6

Me fulweg fare mo’on ni ga’ar, “Fa’anra er rogon me ere dab kug maruwel nga mat’awug ni nggu chuw’iy e re gi binaw nam, ya tirog e bitir e davi mang gayog rorad. Gur e ngam chuw’iy; mi gag e kabfel’ ni dab gu chuw’iy.”