Ruth 3:10 - Bible Ni Thothup

¹⁰ Me fulweg Boaz ni ga’ar, “Fakag, mang e yigi fal’eg SOMOL wa’atham. Ka mu dag feni ga’ e yul’yul’ rom ko tabnaw ko n’en ni ka mu rin’ e chiney ko tin ku’um rin’ ngak e chitiningin figirngim. Go nap’an e ngam changarnag be’ ni kab pagel, fa be’ ni bfel’ rogon ara ba gafgow, machane dam rin’ ni aram rogon.

Ruth 3:10 Iomraidhean Croise

Genesis 24:31

Me ga’ar, “Moy nga darow nga tabinaw. I gur be’ nike fal’eg SOMOL wa’atham. Mang ni kam sak’iy u wean, ya kug ngongliy tagil’im u naun, bay e gin ni ga ra par riy nge gin ni nge par e gamanman rom riy.”

Ruth 1:8

Machane nap’an ni kayad be yan, me ga’ar ngorow, “Mu sulow nga tafenmew ngam pirew rok e gali cha’ ni chitiningmew. Mang e yigi ayuwegmew SOMOL ni bod rogon ni um ayuwegew gag nge pi’in karm’ad.

Ruth 2:11

Me fulweg Boaz ni ga’ar, “Kanog ngog urngin ban’en ni kam rin’ ni fan ngak e chitiningin figirngim ni ka nap’an ni yim’ figirngim; ma kug nang rogon ni mu pag e chitamam nge chitinam nge nam rom nge rogon ni mub nga mub mu par nga fithik’ girdi’en reb e nam ni da mu nangrad.

Ruth 2:20

Me ga’ar Naomi ngak, “Mang e fal’eg SOMOL wa’athan Boaz! I SOMOL e ma tay u gil’ e tin ke micheg ngak e pi’in nib fos nge pi’in karm’ad.” Me ul ul ngay nge ga’ar, “Re mo’on nem e gadad girdi’ ni rib chugur, ir reb e pi girdi’ ni yalen ni nge ayuwegdow.”

Ruth 2:4

Me taw Boaz ni aram e ke yib u Bethlehem. Me ga’ar ngak fapi girdi’en e maruwel, “I SOMOL e ngi i par romed!” Miyad fulweg ni lungurad, “I SOMOL e nge ayuwegnem!”

Ruth 3:9

Me ga’ar ngak, “Gur mini’?” Me ga’ar Ruth, “I gag Ruth, ni tapigpig rom. I gur reb e girdi’ rog ni ga ba chugur, ni yalen ni ngam ayuwegneg, siro’ ngom mu fekeg nggu mang le’engim.”

1 Samuel 15:13

Me yan Samuel ngak Saul, me ga’ar Saul ngak, “Samuel, i SOMOL e ngi i tow’ath nagem! Kug fol ko tin ni yog ngog ni nggu rin’.”