Ruth 2:8 - Bible Ni Thothup

⁸ Me ga’ar Baoz ngak Ruth, “Fakag, mu telim ngog. Ngam tay ni kemus ni giney e milay’ e ngu’um kunuy wom’ngin e barley riy; mu par u roy ngu’um un ngak e pi’in rugod ko maruwel.

Ruth 2:8 Iomraidhean Croise

2 Kings 5:13

Me yib fapi tapigpig rok ngak me lungurad, “Chitamangimad, fa’an mang e keyog e re profet nem ngom ni ngam rin’ ban’en nib mo’maw’ ma rib mudugil ni ga ra rin’. Ere mangfan ndab mmaluk ni bod rogon nike yog ngom ngam gol?”

Levitikus 19:9

“Fa’an gimed ra kunuy wom’ngin e woldug romed ko yungi flang, ma dab mu th’abed e grain riy nge mada’ nga marichlen e yungi flang, ma dab mu sulod ngam th’abed tamal’gun e grain nike magey.

Matthew 9:2

Me fek boch e girdi’ be’ nike mugutgut i yib ngak, ni kan moleg nga daken e wormel. Me guy Jesus gelngin e michan’ rorad ngak Got, me ga’ar ngak fa’anem nib mugutgut, “Fakag, mpagan’um! Ke m’ayfan e denen rom.”

Matthew 9:22

Me cheal Jesus u luwan me guy fare pin, me ga’ar Jesus ngak, “Fakag, mpagan’um. Ya michan’ rom ngak Got e ke gol nigem.” Ka chingiyal’ nem me gol fare pin.

Filippi 4:8

Pi walageg ni girdi’en Kristus, n’en ni nggog ngomed u tungun e re gi babyor ney e ngam suguyed lanin’med ko fapi n’en ni bfel’, ni yira yog e fel’ ngay: ni n’en nriyul’, nge n’en nib yal’uw, ma bmat’aw, ma bmachalbog, ma bmanigil, nge tin ndariy thibngin.

Ruth 2:7

Be yog ngog ni nggu pag nge lek keru’ girdi’en e maruwel ngi i kunuy wom’ngin e barley. Ma ke maruwel ni kab kadbul ke mada’ ko chiney ma ke tal ni nge yan i gif buchu’uw nga naun u milay’.”

Ruth 2:9

Mu yaliyrad ngam guy e gin yad be maruwel riy, ma ga par rorad. Kugog ngak e pi pumo’on ni yad be maruwel rog ni nge dab rabad ra magawon niged gur. Mra yib e belel ngom, ma ga yan mu unum e ran ko fapi rume’ ni kar suguyed ko ran.”

1 Samuel 3:16

Me pong Eli ni ga’ar, “Samuel, ni fakag!” Me ga’ar Samuel, “Mang e ga be yog?”

1 Samuel 3:6

Me pining SOMOL Samuel bayay; me suwon ngalang, nge yan ngak Eli me ga’ar ngak, “Kam piningeg, ere gub aray.” Machane me ga’ar Eli, “Fakag, dawor gu piningem; mu sul ngam mol.”