Ruth 2:4 - Bible Ni Thothup

⁴ Me taw Boaz ni aram e ke yib u Bethlehem. Me ga’ar ngak fapi girdi’en e maruwel, “I SOMOL e ngi i par romed!” Miyad fulweg ni lungurad, “I SOMOL e nge ayuwegnem!”

Ruth 2:4 Iomraidhean Croise

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Genesis 28:3

I Got ni Gubin ma Rayag Rok e nge fal’eg wa’atham ko mabgol rom nge pi’ ngom e bitir ni pire’, ngam mang chitamngin bo’or e nam.

1 Kronicles 2:51

ma en migid u pifak ni pumo’on e Salma ni ir e sunmeg yu Bethlehem, ma bin dalip e pumo’on ni fak e Haref ni ir e sunmeg yu Bethgader.

Psalms 118:26

Mang e yigi fal’eg Got wa’athan e en ke yib u fithingan SOMOL! U Tempel rok SOMOL e nggu fal’eged wa’atham riy.

Psalms 134:3

Manga yigi fal’eg SOMOL ni sunumiy e tharmiy nge fayleng wa’athmed u Zion!

Jeremiah 31:23

I SOMOL ni Gubin ma Rayag Rok, ni Got rok piyu Israel e be ga’ar, “Nap’an ni bay gu fulweg piyu Israel ko nam rorad, ma aram e bay rogned bayay u daken e nam nu Judah ngu lan e yochi binaw u rom ni bayi lungurad, ‘I SOMOL e nge fal’eg wa’athan fare burey nu Jerusalem nib thothup, ni fa gin nib thothup nma par riy.’

Numbers 6:24

I SOMOL e ngi i fal’eg wa’athmed ma be ayuwegmed;

Luke 1:28

Me yib fare engel i ga’ar ngak, “Nge yib e gapas ngom! I Somol e bay rom, ma ke fal’eg wa’atham ni ba ga’!”

2 Thessalonika 3:16

I Somol ni ir e ma pi’ e gapas nga lanin’dad e nge pi’ e gapas nga lanin’med ni gubin ngiyal’ u fithik’ urngin ban’en. Ngi i un Somol ngomed ni gimed gubin.

1 Timothy 6:2

Ma pi’in yad e sib nib mil farad ngak e pi masta nike mich Got u wun’rad e thangri dab ra darifan niged e pi masta rorad ni bochan e kar walagyed yad. Machane aram e ngar pigpiggad ngorad ni kefel’ ko kafaram, ya pi’in nge fel’ rogorad ko maruwel ni yad be tay, e girdi’ nike mich Kristus u wun’rad, ni bogi girdi’ ni kar t’ufgad rorad. Pin’ey e thingar mu fil ma ga machibnag ngak e girdi’.

2 Timothy 4:22

I Somol e ngi i par u lanin’um. I Got e ngi i ayuwegmed ni gimed gubin.

Joshua 24:15

Fa’anra der magan’med ngay ni ngam pigpiggad ngak SOMOL, me ere mu duwgiliyed e daba’ e re got ni ngu’um pigpiggad ngak, ko pi got ni i pigpig pi chitamangimed ngorad u lan e nam nu Mesopotamia, ara pi got rok e pi Amorite, ni nam rorad e gimed be par riy e chiney. Machane gag nge girdi’ ko birog e tabinaw e ngu’ug pigpiggad ngak SOMOL.”

Judges 6:12

Me m’ug fare engel rok SOMOL ngak me ga’ar ngak, “I gur reb e pumo’on ndariy e marus rom, ma SOMOL e bay rom!”

Judges 6:16

Me filuweg SOMOL, “Rayag rom ya gu ra ayuwegnem. Bay mu pirdi’iy yu Midian nrib mom ni gowa ta’abe’ e kamcham ngak!”

Ruth 2:3

Ma aram me yan Ruth nga daken e milay’ ngi i lek keru’ e pi’in yad be maruwel, ni aram e be kunuy wom’ngin e barley ni kan pag u but’. Me yan i puluw nga bangi milay’ ni fen Boaz.

Ruth 2:5

Me fith Boaz e tapigpig rok ni be’ ni be tay murung’agen e pi’in yad be maruwel rok Boaz ni ga’ar, “Mini’ e fak e re rugod nem?”

Ruth 4:11

Pi’in yad ma yog e thin nge girdi’ ni yad bay u rom e ra ga’argad, “Errpgpm. gamad e kug manged mich riy. Mang e yigi ayuwegh SOMOL le’engim nge bod Roachel nge Leah, nra diyen nigew bo’or e bitir ku Jakob. Mang e yigi yo’or ban’en rom u lan fare ke girdi’ rok Efrath me gilbugwam u lan yu Bethlehem.

1 Samuel 17:37

I SOMOL e ke ayuweg e pogofan rog u pa’ e layon nge bear, ere ku bayi ayuwegneg u pa’ e re Filistine nem.” Me ga’ar Saul, “Kefel’, mman, mi SOMOL e nge un ngom ngam marow.”