Ruth 2:15 - Bible Ni Thothup

¹⁵ Ma fa’ani sak’iy nge yan ni nge kunuy e grain, me ga’ar Boaz ngak e pi tapigpig rok, “Dab mu talaged ni mus ni fa’anra kunuy e grain ko gin kan yuthumnag kan ulunguy ngay.

Ruth 2:15 Iomraidhean Croise

Levitikus 19:9

“Fa’an gimed ra kunuy wom’ngin e woldug romed ko yungi flang, ma dab mu th’abed e grain riy nge mada’ nga marichlen e yungi flang, ma dab mu sulod ngam th’abed tamal’gun e grain nike magey.

Levitikus 23:22

Fa’an gimed ra t’ar wom’ngin e woldug romed, ma dab mu th’abed e grain ni bay u marichlen e milay’ romed, ma dab mu sulod ngam th’abed e grain ni mpaged; ngam paged nge kay e girdi’ ni gafgow nge girdi’ u yugu boch e nam ni yad be par u fithik’med. I SOMOL e Got romed.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

Ruth 2:14

Me taw nga nap’an e abich me ga’ar Boaz ngak Ruth, “Moy iray; ngam fek bang e flowa ngam lthag nga fithik’ e wayin nib mugnin ngam koy.” Ma aram me yan i un ngak girdi’en e maruwel ko par nga but’, me pi’ Boaz e grain ngak ni kan urfiy; me kay nge fos, me aw boch ni de m’ay rok.

Ruth 2:16

Mu girngiyed yu pa’ e grain u fithik’ e tin kam thum niged ngam paged nge yib i fek; ma dab mu puwan’gad ngak.”