Ruth 2:13 - Bible Ni Thothup

¹³ Me fulweg Ruth ni ga’ar, “Ri gab gol ngog; kam pi’ e athamgil nga lanin’ug ko thin ni ga be yog ngog nib munguy, ni yugu aray rogog ni de ta’reb tolngig ngak reb e pi tapigpig rom.”

Ruth 2:13 Iomraidhean Croise

Genesis 32:6

Ma fa’ani sul fa pi’in ni l’oegrad Jakob, me lungurad, “Kug warod ngak walagem i Esau, ere be yib ni ngam mada’gow. Ma 400 e pumo’on ni yad be yib.”

Genesis 33:10

Me ga’ar Jakob, “Wenig ngom, fa’anra kam runguyeg me ere mfek e tow’ath rom ni kug pi’. Ya owchem ni kug guy e gowa kug guy owchen Got, ya ri gab gol ngog.

Genesis 33:15

Me ga’ar Esau, “Ere nggu tay boch e pi pumo’on rog ney rom.” Me ga’ar Jakob, “Kammagaer, machane kayag, ya yugu rayag rogomad ko wub.”

Genesis 33:8

Me ga’ar Esau, “Ma fa tinem e girdi’ ni kug mada’gad mang farad?” Me ga’ar Jakob, “Farad e bochan e ngam runguyeg.”

Genesis 34:3

Me pir’eg rok ni ba’adag Dinah ma ke t’uf rok me guy rogon ni ngki magan’ Dinah ngak.

Genesis 43:14

I Got ni Gubin ma Rayag Rok e nge gagiyegnag e re mo’on nem nge runguymed, nge yag ni pi’ ngomed fa binem i walagmed me pag Benjamin nge un ngomed ko sul. Me gag, e fa’anra thangri thay e bitir rog u pa’ag, me ere nge thay.”

2 Samuel 16:4

Me ga’ar David ni Pilung ngak Ziba, “Urngin ban’en ni bay rok Mefiboseth e ke mil suwon ngom.” Me ga’ar Ziba, “I gag e tapigpig rom, bay ug wan nga lanin’um!”

Proverbs 15:33

Madgun SOMOL e ba sukul. Thingar mu sobut’ nigem u m’on ni ngan tolang nagem.

Hosea 2:16

Ma aram e bayi piningeg ni gag figirngin, ma dabki piningeg ni gag e Baal.

Filippi 2:3

Dabi suk’ ngan’med ni ngam muruwliyed ban’en ni gimed e ngam m’onod riy ni fan e nganogmed riy ni gimed e soromed, ara bochan e nge yib ufan ngomed; machane nge bigimed me sobut’nag ir, ma dabi finey bigimed ni ir e ba sorok ngak e tin ni kabay e girdi’.

Judges 19:3

Ma aram me leamnag fare pumo’on ni nge lek fare pin nge wenig ngak ni nge sul. Me fek e tapigpig rok nge l’agruw e dongki nge un ngak. Me fek fare bpin fare mo’on ni be’ ko Levi i yan ngalan e naun, ma nap’an ni guy e chitamngin fare pin fare pumo’on, me yan nrib magan’ ngay nge yan i nang salpen.

Ruth 2:12

Mang e yigi pi’ SOMOL puluwom ko tin ka mu rin’; mang e yigi pi’ SOMOL puluwom ni polo’, ni fare Got nu Israel, ni ir e ka mub ni ngam naf nga tan pa’!”

Ruth 2:14

Me taw nga nap’an e abich me ga’ar Boaz ngak Ruth, “Moy iray; ngam fek bang e flowa ngam lthag nga fithik’ e wayin nib mugnin ngam koy.” Ma aram me yan i un ngak girdi’en e maruwel ko par nga but’, me pi’ Boaz e grain ngak ni kan urfiy; me kay nge fos, me aw boch ni de m’ay rok.

1 Samuel 1:18

Me ga’ar fare pin, “Mang e yigi felan’um ngog.” Ma aram me yan, me abich nike fel’ lanyan’.

1 Samuel 25:41

Me siro’ Abigail nge math peri’ nga daken e but’ me ga’ar, “I gag e tapigpig rok, ma kug fal’eg rogog ni ngug maluknag rifrifen ay e pi tapigpig rok.”