Ruth 1:8 - Bible Ni Thothup

⁸ Machane nap’an ni kayad be yan, me ga’ar ngorow, “Mu sulow nga tafenmew ngam pirew rok e gali cha’ ni chitiningmew. Mang e yigi ayuwegmew SOMOL ni bod rogon ni um ayuwegew gag nge pi’in karm’ad.

Ruth 1:8 Iomraidhean Croise

2 Samuel 2:6

Ere SOMOL e nge runguymed ngi i par nib yul’yul’ ngomed. Ku er rogon gag ni bfel’ e tin ni bay ug rin’ ngomed ni bochan e tin ni kam ngongliyed.

Efesus 5:22

Pi’in ni ppin, um marod nga laniyan’ pi figirngimed, ni Somol e gimed be yan nga laniyan’.

Kolose 3:18

Pi’in ni ppin, mu folgad ko thin rok pi figirngimed, ya ireray e n’en ni ngam rin’ed nrogon nma rin’ girdi’en Kristus.

Kolose 3:24

Dab mpaged talin nra pi’ Somol puluwon ngomed; ya ra pi’ ngomed e tin ke tay ni fen e tirok’ e girdi’. Ya Kristus e ir e cha’ nriyul’ ni ir e suwon gimed ni gimed be pigpig ngak.

Ruth 1:5

miki yim’ Mahlon nge Kilion, me yan i par Naomi ni go ir nike yim’ fa gali pumo’on ni fak nge figirngin.

Ruth 1:7

Ma aram miyad chuw u rom ni ngar sulod nga Judah.

Ruth 1:9

I SOMOL e nge ayuwegmew nge bigimew miki yag ni un nga reb e mabgol nge yag reb e tabinaw ngak.” Ma aram me faray Naomi owcherow ni aram e ke fingichiyrow. Miyow pag lamrow ngalang ngar yorgow.

Ruth 2:20

Me ga’ar Naomi ngak, “Mang e fal’eg SOMOL wa’athan Boaz! I SOMOL e ma tay u gil’ e tin ke micheg ngak e pi’in nib fos nge pi’in karm’ad.” Me ul ul ngay nge ga’ar, “Re mo’on nem e gadad girdi’ ni rib chugur, ir reb e pi girdi’ ni yalen ni nge ayuwegdow.”

Ruth 3:10

Me fulweg Boaz ni ga’ar, “Fakag, mang e yigi fal’eg SOMOL wa’atham. Ka mu dag feni ga’ e yul’yul’ rom ko tabnaw ko n’en ni ka mu rin’ e chiney ko tin ku’um rin’ ngak e chitiningin figirngim. Go nap’an e ngam changarnag be’ ni kab pagel, fa be’ ni bfel’ rogon ara ba gafgow, machane dam rin’ ni aram rogon.