Ruth 1:6 - Bible Ni Thothup

⁶ Me munmun me rung’ag Naomi nike ayuweg SOMOL e girdi’ rok ya ke dammalnag e woldug rorad; me fal’eg rogon ni nge chuw u Moab ni yad fa gali ppin ni le’engin fak.

Ruth 1:6 Iomraidhean Croise

Genesis 21:1

Me ayuweg SOMOL Sarah, ni bod rogon ni yog,

Genesis 28:20

Me micheg Jakob bbugithin ngak SOMOL ni Got ni ga’ar, “Fa’anra um un ngog ngu’um yoror rog ko re milekag ney, mu um pi’ e ggan nge mad ngog,

Genesis 48:15

Ma aram me fal’eg wa’athan Josef ni ga’ar: “I Got e ngi i fal’eg wa’athan e gali pagel ney, ni fare Got ni i par e chitamag i Abraham nge Isak u p’eowchen. I Got, ni i pow’iyeg i yib ke mada’ ko bin daba’ e rran e ngi i fal’eg wa’athrow.

Genesis 50:25

Ma aram me wenig Josef ngak fapi pumo’on ni fak Israel ni ngar micheged bbugithin ngak u mit Got. I ga’ar, “Mmicheged ngog nnap’an nra ayuwegmed Got u fithik’ e runguy rok ngomed, ma gimed ra fek e yil rog nge un ngomed.”

Psalms 102:14

Pi tapigpig rom e ba t’uf yu Zion rorad, ni yug aram rogon nike mogothgoth; ke kireban’rad ngak, ni yug aram rogon nike puth.

Psalms 111:5

Ma pi’ e ggan ni fan ngak e pi’in yad ma liyor ngak; der ma pagtilin fare m’ag rok.

Psalms 132:15

Bay gu pi’ ngak yu Zion urngin e tin nge yag ngorad; bay gu pi’ e ggan ngak e pi’in gafgow nge fel’ rogorad ko ggan.

Psalms 145:15

Urngin e tin nib fos ban’en ni yad be toer ngak, mma pi’ e ggan ngorad ko ngiyal’ ni nge yog ngorad.

Psalms 146:7

mma turguy e tin bmat’aw ni fan ngak e pi’in yibe gafgow nagrad mma pi’ e ggan ngak e pi’in karm’ad ko bilig. I SOMOL e ir e pag e pi kalbus

Psalms 147:14

Ir e ma tay e mathilin binaw rom nib gapas. ma chum’er nigem ko tin th’abi fel’ e wheat.

Exodus 3:16

Mman ngam ulunguy e pi’in yad be yog e thin rok piyu Israel ngamog ngorad ni Gag, fare SOMOL, ni Got rok e pi chitamangirad, ma Got rok Abraham, Isak, nge Jakob, e kug m’ug ngom. Mog ngorad ni kug guy e n’en ni be rin’ piyu Egypt ngorad.

Exodus 4:31

Me mich u wun’rad, ma fa’an rrung’aged nike yib SOMOL ngorad ke guy gelngin e gafgow ni yibe tay ngorad, miyad siro’ ngar pininged e magaer ngak Got.

Proverbs 30:8

Mu aywegeg nga dab ug sasalap l’ugun, ma dabri fel’ rogog ma dab rug gafgow. Ere mu pi’ ngog chi urngin e ggan nib t’uf rog.

Isaiah 55:10

“Thin rog e bod e ayis nge n’uw nma aw u lang nga but’ ya nge tarannag e but’. Nge ayuweg e woldug nge ga’; me yib awochngin ni ngan yung nge ggan ni ngan kay.

Jeremiah 29:10

“I ga’ar SOMOL, ‘Nap’an nra thumur medlip i ragag e duw u Babylon, ma bay gu dag e runguy rog ngomed nggu tay u gil’ e n’en ni gu micheg ni nggu fulwegmed nga tafenmed.

Joel 2:19

Me fulweg ngorad ni ga’ar, ’Chiney e aram e nggu pi’ ngomed e grain nge wayin nge gapgep ni olive, ngam chum’er gad riy. Ma yugu boch e nam e gathi bay kur fananikayed gimed.

Zefaniah 2:7

Girdi’ nra magey u Judah nib fos e bay ra pired ko binaw romed. Bay ra chugliyed e saf rorad u rom ma yad be mol u lan e naun rok yu Ashkelon. Fare SOMOL ni Got rorad e bayi par rorad nge ayuwegrad nge fel’ rogorad bayay.

Matthew 6:11

Mpi’ ngomad e daba’ e ggan ni nge yag ngomad.

Luke 1:68

“Ngad pininged e sorok ngak Somol, ni ir fare Got rok yu Israel! Ya ke yib ni nge ayuweg e girdi’ rok nge biyuliyrad.

Luke 19:44

Ma bay ra kireb niged gur nge girdi’ ni bay u lan e yoror rom; ma dariy ta’reb e malang ni yad ra pag u tagil’, ni bochan e de pow rom e ngiyal’ ni yib Got riy ni nge thapegem ngak!”

1 Timothy 6:8

Ere fa’anra bay e ggan rodad nge mad ni ngdon’ed, ma susun e ke gaman e tin nge yag ngodad.

1 Peter 2:12

Ma susun e ngar um pired u fithik’ e pi’in ndar nanged Got ni bfel’ pangimed, ya ngrogned nib kireb e ngongol romed, me Chirofen ni sul Kristus riy miyad nang ni bfel’ e ngongol romed, ma aram miyad yog e sorok ngak Got.

Ruth 1:5

miki yim’ Mahlon nge Kilion, me yan i par Naomi ni go ir nike yim’ fa gali pumo’on ni fak nge figirngin.

Ruth 1:7

Ma aram miyad chuw u rom ni ngar sulod nga Judah.

1 Samuel 2:21

Me ayuweg SOMOL Hannah ngki diyennag dalip e pagel nge l’agruw e buliyel. Me ilal Samuel ni be pigpig ngak SOMOL.