Revelation 9:4 - Bible Ni Thothup

⁴ Ma kanog ngorad ndab ra li’ed e pan, ara gek’iy, ara yugu bmit e woldug; kemus ni girdi’ e ngar gafgow niged ni pi’in ndariy fare pow ku Got u daken peri’rad.

Revelation 9:4 Iomraidhean Croise

BABYOR NI JOB 1:10

Kam par ni ga be yoror rok nge girdi’ nu tabinaw rok nge urngin ban’en ni bay rok. Ga be fal’eg wa’athan u urngin e tin be ngongliy, ma urngin e garbaw ni ka mu pi’ ngak e ke yo’or u daken e ted i yan.

BABYOR NI JOB 1:12

Me ga’ar SOMOL ngak Satan, “Kefel’, ke milfan e urngin rok ngom, machane dab mu gad pa’am ngak.” Ma aram me yan Satan.

BABYOR NI JOB 2:6

Me ga’ar SOMOL ngak Satan, “Aram e ke mil fan ngom, kemus ni dab mu thang e fan rok.”

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

Exodus 12:23

Ya ngiyal’ ni bay yan SOMOL u lan yu Egypt ni nge thang e fan rok piyu Egypt, e bayi guy e racha’ u daken langan e mab ngu daken ruw raba’ i langan e mab, ma dabi pag e Engel ko Yam’ nge yib ngalan e naun romed nge thang e pogofan.

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Ezekiel 9:6

Mu thanged e pogofan rok e pumo’on nike pilibthir, pagel, rugod, matin, nge bitir. Machane dab mu bit’gad ko en ni bay e pow u peri’. Mu tababgad u roy ko Tempel rog.” Ma aram miyad tabab ngar li’ed e pi tayugang’ ni yad ba sak’iy u rom ko Tempel.

Matthew 24:24

Ya bayi m’ug boch e Messiah nge profet ni yigo’o bogi ban’en; ma bay ur ngongliyed e maang’ang nge bogi n’en ni yira ngat ngay, ni bochan e fa’an mang e rayag miyad bannag e pi’in girdi’en Got ni Got e ke mel’egrad.

Efesus 4:30

Ma dab mu kireb niged laniyan’ fare Kan Nthothup rok Got; ya Kan Nthothup e ireram e pow rok Got nike tay ngomed nike suweymed, ni aram e mich riy ni bay reb e Rran ni bayi taw ngay me ri pithigmed Got rok e denen.

Revelation 14:1

Me ere fa’an gu sap ma bay fare Fak e Saf nib sak’iy nga daken e burey ni Zion; ni yad ra’ay nge aningeg i ragag nge aningeg i biyu’ e girdi’ ni bay fithingan rorad nge fithingan e Chitamngin ni kan yoloy nga peri’rad.

Revelation 6:6

Mu gu rung’ag ban’en ni gowa laman be’ ni be yib u fithik’ fa aningeg i n’em ni yad ba fos ni be ga’ar, “Salpiy nma thognag be’ u reb e rran e puluwon ta’reb e quart e wheat ni yima ngongliy e flowa riy ara dalip e quart e barley. Machane dab mu kirebnag e gapgep ko olive nge wayin!”

Revelation 7:1

Ma fa’ani mu’ e biney mu gguy aningeg i engel ni yad ba sak’iy ko fa aningeg i tabthung nu fayleng, ni kar taleged fa aningeg i nifeng nu fayleng, ni bochan e nge dabki thow e nifeng u daken e fayleng, ara u daken e day, ara nga daken ba ke gek’iy.

Revelation 8:7

Me thoy e bin som’on e engel e rappa rok. Me yib e ayis nike el nge nifiy u lang nga daken e fayleng nike ma’athuk e racha’ ngay. Me yik’ ta’ab guruy ko dalip guruy ko fayleng, ma ku ta’ab guruy ko dalip guruy ko gek’iy nu fayleng e yik’ nge m’ay, ma urngin gaf i yuwan e pan nib galunglung e yik’ nge m’ay.