Revelation 9:2 - Bible Ni Thothup

² Me bing fare t’uf fare abyss me yib e ath u lan ngalang ni bod e ath ni yib u lan ba tafen e nifiy ni ba ga’; me talumornag e ath ni be yib u lan fare abyss ram’en e yal’ nge lanelang.

Revelation 9:2 Iomraidhean Croise

Genesis 15:17

Ma fa’ani aw e yal’ nike nep’, me m’ug ba tafen e nifiy ni bod ya’an ba th’ib ni be yib e ath u langgin, me m’ug ba mol’ ni be daramram ni be yan u thilin fa yu raba’ i gamanman.

Genesis 19:28

Me changar nga daken e binaw nu Sodom ngu Gomorrah, nge re loway nem ni polo’, me guy e ath ni be yib u but’ ngalang, ni bod rogon ba tafen e nifiy ni ba ga’ ni be yib e ath riy ngalang.

Exodus 19:18

Ma fare Burey ni Sinai e ke ing e ath ni polo’, ni bochan e ke yib SOMOL u lang nga but’ nga daken u fithik’ e daramram. Me yan e ath riy ngalang ni bod e ath u ba tafen e nifiy, me rur fare burey nib almarin.

Isaiah 14:31

Gimed gubin e binaw nu Filistia ni bay um gawolgad ngalang ma gimed be yornag e ayuw! Mu rusgad ni gimed gubin! Be yib byil’ i ath ko lel’och ni barba’ i salthaw ndariy buchu’uw i marus rorad.

Daniel 3:6

En dabi siro’ nge tay fan e ka chingiyal’nem e yira yin’ ngalan ba tafen e nifiy ni be daramram.”

Joel 2:10

Yad ra yib ma but’ ni bay nga m’on rorad e be durru’; ma be rur lanelang. Yal’ nge pul e bayi par nike talumor, ma pi t’uf e dabki m’ug ram’en.

Joel 2:2

Ra yan i aw ni ba lumor ma ba lumolang e rofen nem, nde fel’ lanelang ma der m’ug ram’en e yal’ e re rran nem. Ma asmen’ing ni pire’ ni pire’ e yad be yan nga m’on ni bod e lumor nike upunguy e pi burey. Dariy ban’en ni ka’a ni guy ni aram rogon, ma dabki yodrom bi’id.

Joel 2:30

’Bay gu tay e pow nga lanelang nge nga daken e fayleng ni nge ginaeng e girdi’ ko re rran nem; ni pu’og e racha’, nge nifiy, nge manileng ni ath nib suwon ngalang.

Acts 2:19

Bay gu ngongliy e maang’ang u lanelang, mu gu ngongliy bogi ban’en u but’ ni yira ngat ngay: Bay yib i m’ug e racha’ nge nifiy nge ath nib dib’ag;

Revelation 14:11

Ma ath ko fare nifiy ni be gafgow nagrad e bay i yan ngalang ndariy n’umngin nap’an; ni dabi yodor bochu’uw e gafgow riy ni rran ara neap’ u puluwon e pi’in ni ur ted fan ma yad be meybil ngak fare gamanman nge ya’an ni kan ngongliy nliyos, ni pi’in ntay ngorad fare pow ni fithingan fare gamanman.”

Revelation 16:10

Me pu’og fa bin lal e engel e ba’ rok e plet nga daken tagil’ fare gamanman. Me aw e lumor u daken fa gin nsuwon fare gamanman, me k’ad e girdi’ bolowthrad ni bochan e amith,

Revelation 8:12

Me thoy e bin aningeg e engel e rappa rok. Ma ta’ab guruy ko dalip guruy i ram’en e yal’ nge pul nge t’uf e m’ay; ma ta’ab guruy ko dalip guruy ko rran e par nib talumor, ma ku errogon e neap’.

Revelation 9:1

Me thoy fa bin lal e engel e rappa rok. Mu gguy ba t’uf nike mul u lang nga daken e fayleng ni kan pi’ e kiy ko abyss ngak.

Revelation 9:11

Ma bay be’ ni ir e pilung rorad ni be yog e n’en ni ngar rin’ed, ni ir fare engel nib milfan fare abyss ngak. Ni fithingan nthin ni Hebrew e Abbadon; ma fithingan nthin ni Greek e Apollyon (ni fan e re ngachal ney e “En nma Kirebnag Ban’en”).

Revelation 9:17

Min piliyeg e changar rog ngug guy e pi os nem nge girdi’ ni yad bay u daken; bay yungi wasey nike upunguy daken ngorongorrad nib row ni bod e nifiy, ma ba ra’en mak’ef ni bod e sapphire, ma bmaguchol ni bod e sulfur. Ma lolugen fapi os e bod lolugen e layon, ma be yib e nifiy, nge ath, nge sulfur u lan l’ugunrad.