Revelation 8:5 - Bible Ni Thothup

⁵ Me fek fare engel fare raba’ i n’en ni yima af fa pin’en ni bfel’ bon ngay nge suguy ko nifiy nu altar, me yin’ nga daken e fayleng. Me chub e dirra’, me yan lingan bogi ban’en, me matmat e uluch, me yib ba durru’.

Revelation 8:5 Iomraidhean Croise

1 Kings 19:11

Me ga’ar SOMOL ngak, “Mman nga wean nga mub mu sak’iy nga p’eowcheg u p’ebugul e re burey ney.” Me yib SOMOL nge yan nib chugur ngak, me pi’ bangi nifeng nib gel nib gel nge yib nge rurug fare burey me bilbilig e war, machane de moy SOMOL u fithik’ e re gi nifeng nem. Me tal fa gi nifeng ndaki thow, me yib ba durru’, machane de moy SOMOL u fithik’ e re durru’ nem.

Psalms 18:13

Ma aram me chob SOMOL ni dirra’ u lanelang; ma laman fa en Th’abi Tolang e nni rung’ag.

Exodus 19:16

Me kadbul ko rofen ni man e dalip ngay mi i chub e dirra’ ma be mat e uluch u daken e re burey nem, ma ke m’ag bangi manileng nib dib’ag daken, ma be yan laman ba yabul ni yibe thoy ni ba ga’ laman. Ma urngin e girdi’ ni yad bay u rom e ur t’on gad ko marus.

Isaiah 29:6

ma SOMOL ni Gubin ma Rayag Rok e bayi lagmed u fithik’ e yoko’ ni be chob e dirra’ riy nib almarin nge durru’. Bayi pi’ e yoko’ ni bay e nifeng riy nib gel nge nifiy ni be gabulbul e daramram riy;

Isaiah 30:30

I SOMOL e bayi gagiyegnag nge rung’ag gubin e girdi’ lungun ni yima rus ngay’, miyad thamiy gelngin e damumuw rok. Ra yib e nifiy, nge n’uw nib tomgin nib almarin, nge malang ni bay e nifiy riy ni be mulmul, nge n’uw ni sarbul.

Isaiah 66:6

Motoyilgad! Nga ban’en nib ga’ lingan u lan e binaw, ni be yan lingan u lan e Tempel, ni aram lingan SOMOL ni be gechignag e pi to’ogor rok!

Jeremiah 51:11

I SOMOL e sak’iynag e pi pilung nu Media, ni bochan e ke leamnag ni ngan kirebnag yu Babylon. Aram rogon nra sulweg puluwon e kireb ni kan tay ko Tempel rok. Pi tolang ko salthaw ni yad e yad be cham e rogned nra ga’argad, “Mu uthumed e pi gan e gat’ing romed! Migmed falfal’eg rogon e shield romed!

Levitikus 16:12

ma nge fek baraba’ i fen e nifiy nib sug ko kol ni be yik’ nni fek u altar nge l’agruw gogow i incense nge fek i yan ngalan fa Gin Th’abi Thothup.

Zekariah 14:5

Gimed ra mil ngam thumur gad u lan e re loway ney nike ki’eg fare burey ni l’agruw guruy. Gimed ra mil ni bod e pi chitamangimed kakrom u nap’an ni yib fare durru’ fa ngiyal ni Uzziah e Pilung nu Judah. I SOMOL ni Got rog e bay yib nike un urngin e pi engel ngak.

Matthew 24:7

Ya bay reb e nam me cham ngak reb e nam, ma gin nsuwon reb e pilung e bayi mael ko gin nsuwon reb e pilung. Ma bay i yib e uyongol nge durru’ u gubin yang.

Luke 12:49

“Ku gub ni nggu tay e nifiy ko fayleng, ma kari gum’ ni bochan ni fa’an manga aray rogon ma ke af e nifiy ngay e chiney!

Acts 16:26

Mi yigi yib ba durru’ nrib gel, nge rurug fare kalbus nge mada’ ko def riy. Ma ka chingiyal’ nem me mab urngin e mab, me mul e chen u downgin urngin e kalbus.

Acts 4:31

Ma fa’anra mu’gad ko meybil, me rur fa gin’en ni kar mu’ulunggad ngay. Ma yad gubin ni yib i suguyrad fare Kan Nthothup miyad tabab i weliy e thin rok Got ngak e girdi’ ndaki yib e marus ngorad.

Revelation 11:13

Ka chingiyal’ nem me yib ba durru’ nib gel; me kireb ta’ab guruy u ragag i guruy ko fare binaw, ma medlip i biyu’ e girdi’ e yim’ ko re durru’ nem. Ma tin ni magey e girdi’ e ra m’ad ko marus miyad yog nrib sorok Got nu tharmiy.

Revelation 11:19

Me mab e Tempel rok Got u tharmiy, ma fare Kahol ko M’ag rok Got e ni guy u lan e Tempel rok. Me matmat e uluch, me yan lingan bogi n’en, ma be chub e dirra’, me yib ba durru’, me mul e ayis ni gagang’ yang u lang nga but’ ni bod e n’uw.

Revelation 4:5

Me mat e uluch u tagil’ Got, ma be yan lamay, ma be chub e dirra’ riy. Ma bay medlip i mol’ ni kan tay e nifiy ngay ni be yik’ u m’on u tagil’ Got; ni ireram fa medlip i kan rok Got.

Revelation 6:12

Mu gguy fare Fak e Saf nike th’ab fa bin nel’ e hang. Me yib ba durru’ nib gel, me talumor lan mit e yal’ ni bod bangi mad nib talumor ni yima ngongliy e tutuw riy, me piliyeg ram’en e pul ngari row, ni bod ram’en e racha’;

Revelation 8:3

Me yib reb e engel i sak’iy nga altar, ni bay baraba’ i ban’en u pa’ nib gol ni yima tay bogi n’en ni bfel’ bon ngay ngan urfiy. Ni bo’or fa pin’en ni bfel’ bon ni yima urfiy ni kan pi’ ngak ni nge puthuy ko meybil ni i pi’ urngin e girdi’ rok Got me pi’ u daken fare altar ni bay u m’on u tagil’ Got.