Revelation 7:2 - Bible Ni Thothup

² Mu gguy yugu reb e engel nike yib ngalang u lan e ngek nike fek fare hang rok fare Got ni be par nib fos. Me non ni ba ga’ laman ngak fa aningeg i engel ni fa’ani ke pi’ Got gelngirad ni ngar tagan niged e binaw nge day.

Revelation 7:2 Iomraidhean Croise

2 Kings 19:4

Fare pilung nu Assyria e ke l’oeg pilungen e salthaw rok ni nge darifannag Got ni be par nib fos. I SOMOL ni Got rom e mang e yigi rung’ag e pi thin ni kireb nem me gechignag e pi’in ni karogned. Ere mmeybil ni fan ngak e girdi’ rodad ni ka yad ba fos.”

Tang Ko Pitang 8:6

Mu ning an’um ko gubin e adag kemus ni birog e ngam bing ngay; dariy be’ ni ngamun’ ngalan ngorngorem kemus ni go’ gag. Adag e bod feni gel gelngin e yam’; amithun e adag e bod feni gel e yam’. Ma gabulbul e daramram riy nge gak’ ni bod ba nifiy nib gelmirin.

Isaiah 41:2

“I mini’ e gagiyegnag fa’anem nma gel ko mael nge yib u ngek demturug e gin be yan riy mma gel ko mael? I mini’ e be gagiyegnag nge gel ngak e pi pilung nge pi nam ko mael? Saydon rok e ma toy ngorad nga but’ ni gowa yad e fiyath! Gan e gat’ing rok e ma weregrad ni bod e nifeng nma wereg e pan nike mlik’!

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Malaki 3:1

Fulweg rok SOMOL ni Gubin ma Rayag Rok ko re bugithin ney e be ga’ar, “Bay gu l’oeg ba tafek thin rog nge ngongliy rogon e kanawo’ rog. Ma aram e fare SOMOL ni gimed be changar nag e bay mu gin gad ma keyib ko Tempel rok. Fare tafek thin ni gimed be finey ni mang e yug mu guyed e bayi taw ni nge weliy murung’agen e m’ag rog.”

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Matthew 16:16

Me fulweg Simon Peter ngak ni ga’ar, “I gur fare Messiah, ni Fak Got gur, ni Got nib fos.”

Matthew 26:63

Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

2 Korinth 1:22

me ir e ke tay e pow rok ngodad ni aram e ke mil fadad ngak, me ir e ke pi’ fare Kan Nthothup nga fithik’ i lanin’dad ni aram e mich riy ni gubin ban’en nike tay ni fan ngodad e ra pi’ ngodad.

Efesus 1:13

Ere ku er rogomed: fa’an mu rung’aged fare thin nib riyul’ nni pi’ nge yib, ni aram fare Thin Ni Bfel’ ni ir e thapegmed ngak Got, me mich Kristus u wun’med, me tay Got e pow rok ngomed ni aram e kam manged girdi’en ni fan e pi’ fare Kan Nthothup rok ngomed ni yog nra pi’.

Efesus 4:30

Ma dab mu kireb niged laniyan’ fare Kan Nthothup rok Got; ya Kan Nthothup e ireram e pow rok Got nike tay ngomed nike suweymed, ni aram e mich riy ni bay reb e Rran ni bayi taw ngay me ri pithigmed Got rok e denen.

Deuteronomy 5:26

Ya mini’ e re girdi’ ni ka a rung’ag laman Got ni be par nib fos ni non u fithik’ e nifiy, ni bod ni kad rung’aged ma ka gadad be par ni gadad bfos?

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

2 Timothy 2:19

Machane fare def nib gel nike fal’eg Got rogon ke tay e dabiyag ni ngan rurug; ma ba’aray e thin ni kan yoloy nga daken ni ga’ar: “I Somol e manang e pi’in yad girdi’en”; ma ki ga’ar, “En nra ga’ar e ir reb e girdi’ rok Somol e thangri pi’ keru’ ko ngongol nib kireb ni be rin’ nge dabki rin’.”

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Revelation 1:3

Nge felan’ e en nra be’eg e re ke babyor ney, ma nge felan’ e pi’in yad ra motoyil ko pi thin ney ni yib rok Got ni be weliy e tin ni bayi m’ug miyad fol ko pin’en ni kan yoloy ngalan e re ke babyor ney! Ya ngiyal’ ni bayi m’ug e pin’ey ni urngin e ke chugur.

Revelation 10:1

Ma aram mu ku gguy reb e engel nib gel nike yib u tharmiy nga but’, ni bangi manileng e mad rok, ni ba longob ba ragim nga lolugen; ma owchen e bod lan mit e yal’, ma ay e bod ruw pa’ i nifiy.

Revelation 10:4

Ma nap’an nra nonod mu gu wan ni nggu yol. Machane mu gu rung’ag ba lam nike non u tharmiy ni ga’ar, “Mu tay nib mith e tin keyog fa medlip i dirra’; dab mu yoloy!”

Revelation 16:12

Me pu’og fa bin nel’ e engel e ba’ rok e plet nga daken fare lul’ ni ba ga’ ni Eufrates fithingan. Me mlik’ fare lul’ nge mang kanawo’ ngak e pi pilung ni ngarbad u lan e ngek.

Revelation 5:2

Mu gguy ba engel nib gel ni non ni ba ga’ lungun ni ga’ar, “Mini’ e bay rogon ni nge guchthuy e pi hang nem nge pithig e re gi babyor nem ni kan bachiy?”

Revelation 8:3

Me yib reb e engel i sak’iy nga altar, ni bay baraba’ i ban’en u pa’ nib gol ni yima tay bogi n’en ni bfel’ bon ngay ngan urfiy. Ni bo’or fa pin’en ni bfel’ bon ni yima urfiy ni kan pi’ ngak ni nge puthuy ko meybil ni i pi’ urngin e girdi’ rok Got me pi’ u daken fare altar ni bay u m’on u tagil’ Got.

Revelation 9:14

Me yog fare lam ngak fa bin nel’ e engel ni bay fare rappa rok ni ga’ar, “Mpag fa aningeg i engel ni kan m’agrad u to’oben fare lul’ ni ba ga’ ni Eufrates fithingan!”

Revelation 9:4

Ma kanog ngorad ndab ra li’ed e pan, ara gek’iy, ara yugu bmit e woldug; kemus ni girdi’ e ngar gafgow niged ni pi’in ndariy fare pow ku Got u daken peri’rad.

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.