Revelation 4:8 - Bible Ni Thothup

⁸ Ra bagayad fa aningeg i n’em ni yad ba fos ma nel’ pon, ma kayigi fach lan owcherad u lan porad ngu wuru’ i porad. Darir talgad ko tang ni rran nge neap’ ni be lungurad: “Ba thothup, ba thothup, ba thothup Somol ni Got ni Gubin ma Rayag Rok, ni ir e immoy, me ir e bay, me ir e bay yib.”

Revelation 4:8 Iomraidhean Croise

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

Psalms 91:1

En nra yan ngak SOMOL ni nge dabi buch ban’en rok, en be par u tanggin gelngin e ayuw rok e En ni Gubin ma Rayag Rok,

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Exodus 3:14

Me ga’ar Got, “I Gag e en ni Gag. Arrogon ni thingar mog ngorad: ‘Fa’anem ni yima pining ni GAG e ir e ke l’ogeg ni nggub ngomed.’

Isaiah 13:6

Mu gel’gel’ naged e amith! Ya rran rok SOMOL e ke chugur, rofen ni En ni Gubin ma Rayag Rok e nge girengiy e riya’ i yib.

Isaiah 62:1

Bay gu welthin ni nggu pi’ e athamgil nga Jerusalem; dab gu th’ab gulngag nge mada’ ko ngiyal nike thap, ma gel nike tay e ra gal ra’en ni bod ba mol’ nnep’.

Ezekiel 1:18

Mirichlen e pi tayapyap nem e ba sug ko lanmit.

Ezekiel 1:5

Mu gguy aningeg i ban’en nib fos ni bod ya’an e girdi’ u lukngun fa gi manileng,

Ezekiel 1:6

machane ra bagayad ma aningeg owchen ni bay ma aningeg raba’ i pon.

Ezekiel 10:12

Ma downginrad ni keru’rad, pa’rad, porad, nge fapi tayapyap e go’ ba tafach e lanmit riy.

Joel 1:15

Birok SOMOL e rran e ke chugur; fa’anem ni Gubin ma Rayag Rok e bayibnag e riya’. Ba ga’ ba marus ni yira tay e rofen nem!

Acts 20:31

Ere mu ayuwgad ma dab mpaged talin ni ug machib nagmed u fithik’ e lu’ ni rran nge neap’ ni dalip e duw.

2 Korinth 6:18

Ma bay gu mang chitamangimed, ma bay mmanged pifakag ni pumo’on nge ppin. Ara’ rogon e thin ni yog Somol ni Gubin ma Rayag Rok.

1 Thessalonika 2:9

Pi walagmad ni girdi’en Kristus, bmuduwgil ni kigimed manang rogon feni gel e maruwel ni ug ted! Ug maruwelgad ni rran nge neap’ ni bochan e nge siy gu magawon niged gimed ko n’en ni ngan gafaliymad riy ko ngiyal’ ni ba’aram ni ug machib niged ngomed fare Thin Ni Bfel’.

1 Timothy 4:16

Mu ayuwegnem, ma ga ayuweg rogon ni ga be weliy murung’agen e thin rok Got ngak e girdi’. Um rin’ e pin’ey i yan, ya fa’anra mu rin’ ma ga ra ayuwegnem nge pi’in yad ma motoyil ngom ngar thapgad ngak Got.

2 Timothy 4:2

ni ngam machibnag e thin rok Got ko girdi’ ndemturug ko kari mab e kanawo’ ngom fa dawor; mu gguy rogon ni nge riyul’ u wun’rad, ma ga fal owcherad ko kireb ni yad be rin’, ma ga pi’ e athamgil nga lanin’rad, mu um fil e thin rok Got ngorad u fithik’ e gumaen’.

Hebrews 13:8

I Jesus Kristus e ka rogon ni fowap, nge daba’, nge chiney i yan ngam’on ndariy n’umngin nap’an.

Revelation 1:4

Re babyor ney e yib rok John ni nge yan ngak fa medlip i galesiya ni bay ko nug nu Asia: I Got ni ir e bay e chiney, me ir e immoy, me ir e bay yib, nge fa medlip i kan ni bay u m’on ko gin ntagil’ Got e ngu’ur ayuweged gimed ma yad be pi’ e gapas nga lanin’med,

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Revelation 11:17

ni be lungurad: “Somol ni Got ni Gubin ma Rayag Rok, ni ir e en ni bay e chiney nge en ni ki immoy! Gamad be pining e magaer ngom ni fan e kam maruwel nga gelngim nib gel ni kam tabab ko gagiyeg!

Revelation 14:11

Ma ath ko fare nifiy ni be gafgow nagrad e bay i yan ngalang ndariy n’umngin nap’an; ni dabi yodor bochu’uw e gafgow riy ni rran ara neap’ u puluwon e pi’in ni ur ted fan ma yad be meybil ngak fare gamanman nge ya’an ni kan ngongliy nliyos, ni pi’in ntay ngorad fare pow ni fithingan fare gamanman.”

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!

Revelation 15:7

Me pi’ bagayad fa aningeg i n’em ni yad ba fos, ngak fa medlip i engel, medlip raba’ i ban’en nib gol nike sug ko damumuw rok Got, ni fa’anem ni ir e be par nib fos ndariy n’umngin nap’an.

Revelation 16:14

Yad e kan ni mo’onyan’ ni yad ma ngongliy e maang’ang. Dalip i kan ney e ka ranod ngak e pi pilung u fayleng ni polo’ ni ngar kunuyed yad nga ta’bang ni fan ko mael ni fan ko fare rran ni ba ga’ fan, ni Rran rok Got ni Gubin ma Rayag Rok.

Revelation 16:7

Mu gu rung’ag ba lam ni yib u altar ni be ga’ar, “Somol ni Got, ni Gubin ma Rayag Rok! Rib riyul’ ma rib mat’aw e gechig ni kam pi’!”

Revelation 19:15

Me yib ba saydon u lan l’ugun nib m’uth, ni ir e nge maruwel ngay nge gel ngak e pi nam. Bay mang ir e i gagiyeg nagrad nga ba ley i wasey, ma bayi uduy e grape u lan fare n’en nma uduy e grape u lan, ni aram e damumuw rok Got ni Gubin ma Rayag Rok.

Revelation 19:4

Ma fa rliw’ nge aningeg i pi’ilal nge fa aningeg i n’em ni yad ba fos e ra parawgad nga but’ ngar ted fan Got miyad siro’ ngak nike par nga tagil’ me lungurad, “Amen! Ke sorok Got!”

Revelation 21:22

Ma da gguy ba Tempel u lan e re binaw nem, ya Tempel riy e aram Somol ni Got, ni Gubin ma Rayag Rok, nge fare Fak e Saf.

Revelation 3:7

“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.

Revelation 4:4

Ma bay rliw’ nge aningeg i tagil’iy nib liyeg tagil’ fa’anem, nike par rliw’ nge aningeg e pi’in pi’ilal nga daken ni kron’ed e mad nib wechwech, ma kar te’eliyawgad ko te’eliyaw ni gol.

Revelation 4:6

Mu m’on u tagil’ Got e bay bangi ban’en riy ni bod bangi day ni gowa ni ngongliy ko thirek, nib machalbog ra’en nra yan e changar u fithik’ ni bod e krystal. Bay aningeg i ban’en ni yad ba fos ni kayigi fach lan owcherad u m’on rorad ngu keru’rad ni kar liyeged tagil’ Got.

Revelation 4:9

Ma gubin yay nra tang fa aningeg i n’em ni yad ba fos ni yad be pining e sorok ngak ma yad be tayfan, ma yad be pining e magaer ngak fa’anem nike par nga tagil’, ni ir e bay i par nib fos ndariy n’umngin nap’an,

Revelation 5:6

Ma aram mu gguy ba Fak e Saf nike sak’iy nga lukngun fa gin’en ntagil’ Got nike cholngobiy fa aningeg i n’em ni yad ba fos nge fa pi’in pi’ilal. Re Fak e Saf nem e gowa ka’an li’ kem’. Ma medlip e gagey ni bay u lolugen ma medlip lan mit, ni ireram fa medlip i kan rok Got nnol’oegrad nga gubin yang u fayleng.

Revelation 6:1

Mu gguy fare Fak e Saf nike th’ab fa bin som’on e hang ko fa medlip i hang, mu gu rung’ag bagayad fa aningeg i n’em ni yad ba fos ni non ni bod mam’ungun lingan e dirra’ ni ga’ar, “Moy!”

Revelation 6:6

Mu gu rung’ag ban’en ni gowa laman be’ ni be yib u fithik’ fa aningeg i n’em ni yad ba fos ni be ga’ar, “Salpiy nma thognag be’ u reb e rran e puluwon ta’reb e quart e wheat ni yima ngongliy e flowa riy ara dalip e quart e barley. Machane dab mu kirebnag e gapgep ko olive nge wayin!”

Revelation 7:11

Ma urngin e engel ni kar liyeged tagil’ Got ni yad ba sak’iy, nge pi’in pi’ilal, nge fa aningeg i n’em ni yad ba fos nra parawgad nga but’ u m’on u tagil’ Got ngar ted fan Got,

Revelation 7:15

Aram fan ni kar sak’iygad u m’on u tagil’ Got ni yad be pigpig ngak ni rran nge neap’ u lan e Tempel rok. Fa en ke par nga tagil’ e ir e ke yororiyrad ni dabi buch ban’en rorad ni bochan e bay rorad.