Revelation 4:4 - Bible Ni Thothup

⁴ Ma bay rliw’ nge aningeg i tagil’iy nib liyeg tagil’ fa’anem, nike par rliw’ nge aningeg e pi’in pi’ilal nga daken ni kron’ed e mad nib wechwech, ma kar te’eliyawgad ko te’eliyaw ni gol.

Revelation 4:4 Iomraidhean Croise

Ester 8:15

Me chuw Mordekai u tafen fare pilung nike yin’ madan e pilung nib ra’en mak’ef nge wech, nge ba wuru’ e mad nni ngongliy ko mad nrib fel’ nib purple, nge ba te’elyaw ko pilung nib gol ni rib fel’ ya’an. Min tolul mi ni garusnag e felfelan’ u lan e yu pa’ i kanawo’ u Susa.

Psalms 21:3

Kamub ngak ni ngam fal’eg wa’athan nib gel ma kam tay ba te’elyaw ni gol nga lolugen.

Matthew 19:28

Me ga’ar Jesus ngorad, “Ba’aray bbugithin ni nggog ngomed: ngiyal’ nra par e en ni Fak e Girdi’ riy nga tagil’ u tafen e fla’ab ko bin nib be’ech e tamilang ni bay yib, e ku errogon ni aram e gimed e re ragag nge l’agruw i girdi’ rog nir e bay kum pired nga tagil’med ni ngam gagiyeg niged fa ragag nge l’agruw i ganong nu Israel.

Luke 22:30

Bay mu uned ngog ko abich nge garbod u tebel rog ko gin nsuwog, ma bay mpired nga tagil’ e pilung ngam gagiyeg niged fa ragag nge l’agruw i ganong nu Israel.”

2 Timothy 4:8

Me ere chiney e be son nigeg puluwog ko gel ni kug tay, ni aram fare te’eliyaw ko mat’aw ni ir e bayi pi’ fare Tapufthin nib mat’aw i Somol ngog e Chirofen nem — ni gathi go’ gag, ya bayi pi’ ngak urngin e pi’in nib t’uf Somol rorad ma yad be sonnag ni nge yib i m’ug.

Revelation 11:16

Ma fa rliw’ nge aningeg i pi’ilal ni kar pired nga tagil’rad u p’eowchen Got e ra parawgad nga but’ ngar siro’gad ngak Got,

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

Revelation 19:14

Ma salthaw nu tharmiy e yad be lek keru’ ni kar afgad nga daken e os nib wechwech ni ka ron’ed e mad nib be’ech ma ba wechwech.

Revelation 19:4

Ma fa rliw’ nge aningeg i pi’ilal nge fa aningeg i n’em ni yad ba fos e ra parawgad nga but’ ngar ted fan Got miyad siro’ ngak nike par nga tagil’ me lungurad, “Amen! Ke sorok Got!”

Revelation 2:10

Dab mu rus ko n’en ni bay mu gafgow riy. Mmotoyil ngog! I mo’onyan’ e bayi sikengnagmed ya bayi gagiyegnag nga nin’ boch i gimed nga kalbus; ma gafgow ni nge yib ngomed e bayi par ni ragag e rran. Ere ngam yul’yul’ ngog ni mus ni fa’anra ngan thang e fan rom, ma aram mu gu pi’ e te’eliyaw ko yafos ngom.

Revelation 20:4

Ma aram mu gguy tagil’iy nge pi’in ni kar pired nga daken ni ka ni pi’ mat’awrad ni ngar pufthingad. Ma ku gguy e pi’in nli’rad ngarm’ad ni bochan e ur weliyed fapi thin nib riyul’ ni yib i yog Jesus ngan nang nge fare thin rok Got. Ma dar ted fan ma dar meybilgad ngak fare gamanman ara nga ya’an nni ngongliy ni liyos, fa reb e ntay e pow ko fare gamanman nga daken peri’rad ara rifrif u pa’rad. Ra fosgad mu ur pired rok Kristus ni kar manged pilung ma yad be gagiyeg ni reb e biyu’ e duw.

Revelation 3:18

Gu be fonow nigem ni ngam chuw’iy rog e gol, ni gol ni de ma’athuk ban’en ngay, ni bochan e nge yag ni fel’ rogom. Ma ka ga chuw’iy e mad nib wechwech ngam chuw ngay ngam upunguyem ngay ni kam par u tamilang nib tamra’ u sum. Ma ka ga chuw’iy boch e flay ngam tay ngalan owchem nge yag ni mu guy ban’en.

Revelation 4:10

me paraw fa rliw’ nge aningeg i pi’ilal nga but’ u p’eowchen fa’anem nike par nga tagil’, ngar siro’gad ngak ni ir e bay i par nib fos ndariy n’umngin nap’an. Ma yad be tay e te’eliyaw rorad nga but’ u m’on u tagil’ fa’anem, ma be lungurad:

Revelation 4:6

Mu m’on u tagil’ Got e bay bangi ban’en riy ni bod bangi day ni gowa ni ngongliy ko thirek, nib machalbog ra’en nra yan e changar u fithik’ ni bod e krystal. Bay aningeg i ban’en ni yad ba fos ni kayigi fach lan owcherad u m’on rorad ngu keru’rad ni kar liyeged tagil’ Got.

Revelation 5:11

Ma fa’ani kug sap bayay mu gu rung’ag laman e pi engel, ni yu biyu’ nge yu ragag i biyu’ urngirad ni kar sak’iygad ni kar cholngobiyed tagil’ fa’anem, nge fa aningeg i n’em ni yad ba fos, nge fapi pi’ilal,

Revelation 5:14

Ma fa aningeg i n’em ni yad ba fos e ra fulweged ni lungurad, “Amen!” Me paraw fapi pi’ilal nga but’ ngar siro’gad ngak.

Revelation 5:6

Ma aram mu gguy ba Fak e Saf nike sak’iy nga lukngun fa gin’en ntagil’ Got nike cholngobiy fa aningeg i n’em ni yad ba fos nge fa pi’in pi’ilal. Re Fak e Saf nem e gowa ka’an li’ kem’. Ma medlip e gagey ni bay u lolugen ma medlip lan mit, ni ireram fa medlip i kan rok Got nnol’oegrad nga gubin yang u fayleng.

Revelation 5:8

Ma fa’ani yodorom me paraw fa aningeg i n’em ni yad ba fos nge fa rliw’ nge aningeg i pi’ilal nga but’ u p’eowchen fare Fak e Saf. Ma ra bagayad ma bay reb e tatelin e musik u pa’ ni harp, nge baraba’ i ban’en nib gol nib sug nga bogi ban’en ni bfel’ bon ni yima urfiy, ni ireram e meybil rok girdi’en Got.

Revelation 6:11

Ra bagayad min pi’ reb e mad nib wechwech ngak; minog ngorad ni nga yigu ra son gad nge yan i mada’ urngirad ko re matha’eg ni kan finey, ni pi’in ni ka yad be pigpig ngak Got ni ku boch i walagrad ni bay fin nli’rad ngarm’ad ni bod yad e bay ra gamneged e re matha’eg nem.

Revelation 7:11

Ma urngin e engel ni kar liyeged tagil’ Got ni yad ba sak’iy, nge pi’in pi’ilal, nge fa aningeg i n’em ni yad ba fos nra parawgad nga but’ u m’on u tagil’ Got ngar ted fan Got,

Revelation 7:9

Ma fa’ani mu’ e biney mu gu sap, mu gguy e girdi’ nike mu’ulung ni pire’ ni pire’ — ndariy be’ nrayag ni nge theegrad! Nra bad u gubin e nam, nge ganong, nge gubin mit e girdi’, ngu gubin e thin, ni kar sak’iygad u p’eowchen tagil’ Got nge fare Fak e Saf, ni karon’ed e mad nib wechwech ni bay yuwan e fal’tir u pa’rad.

Revelation 9:7

Pi asmen’ing nem e bod ya’an e os ni kan fal’eg rogorad ni ngranod ko mael; bay bogi n’en ni bod e te’eliyaw nni ngongliy ko gol u lolugrad, ma owcherad e bod owchen e girdi’.